Ɩzayi 55:3 - A SƐB-SÕW

³ Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Ɩzayi 55:3 Referans Kwoze

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Matie 11:28

Nyɩ wa a ɩ̃ zie, nyɩɩm za na tuo to-tɩbrʋ bàl a, ɩ̃ɩ na kʋ̀ nyɩ nɩ a pɩ̃ɛnʋ.

Zʋkpaɩ 4:20

Ɩ̃ bie e, bɛrɛ wone a ɩ̃ ƴɛ̀rʋ, ƴãw tobr a yã ɩ̃ na wule fʋ a ƴãw.

Zã 10:27

A ɩ̃ píir bɛrɛ na wone a ɩ̃ ƴɛ̀rʋ, ɩ̃ bãw a na ɛ́ a tuur mɛ̃.

Nɩ-toni 13:34

A Naaŋmɩn tɩ dãw na yel k'ʋʋ na ɩ na ʋ lɛb yi a kũu pʋɔ taa wa bãwnɛ pʋ̃ɔ́fʋ ɛ. À ŋá n'a ʋ tɩ dãw ƴɛ̀r a yel ŋa ƴɛ̀rʋ: “Ɩ̃ na kʋ̀ nyɩ nɩ maalʋ na ɩ son ɛ́ bɛ tɛr bʋnʋ a, ɩ̃ na tɩ ƴãw nʋɔr k'ɩ̃ɩ na kʋ̀ n a Daviir a.”

Yele-za-pɛr-tib 17:7

Ɩ̃ na bin nɩ a ɩ̃ wõ-taa mãa nɩ a fʋ̃ʋ cara pʋɔ, ɛ́ a fʋ pùorí, ɩ̃ bin ʋ mãa nɩ a fʋ bʋʋrɛ na dɔwr lɩɛrɛ taa a cara pʋɔ. A wõ-taa ŋa na ɩ kʋralɛ wõ-taa a na ɩ na ɩ̃ ɩ a fʋ Naaŋmɩn nɩ a fʋ bʋʋrɛ Naaŋmɩn a fʋ pùorí.

Zã 6:37

Bɛlɩ dem za a ɩ̃ Sãà na kʋ̀ m a, bɛ za na wa n a ɩ̃ zie, ɛ́ sob nɛ za na waar a ɩ̃ zie a, ɩ̃ kʋ̃ diw ʋ bɛr ɛ.

Ɩzayi 61:8

Bʋ̃ʋ n'ʋ vɛ̃, a mãa Sore a, ɩ̃ nɔnɛ na kɛ́ bɛ mɩ́ nɔnɛ a yel-na-tu-sɔr-a, ɛcɛ ɩ̃ ciir'ɩ a nyãnyu-nɩ-kʋ-ɩb. A na ɩ à ŋá a, ɩ̃ na lɛb'a kʋ̀ nyɩ a bom nɛ a na fɛr kɛ́ nyɩ so a, ɩ̃ na maal'ɩ nyɩ nɩ wõ-taa na na be be kʋralɛ a.»

Sɛb-sõw yielu 78:1

Asafʋ yielu na wule yã a. Ɩ̃ nɩbɛ ɛ, nyɩ bɛrɛ wone a ɩ̃ wulu, nyɩ ƴãw tobr a ɩ̃ ƴɛ̀rʋ ƴãw.

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Levitɩ mɩnɛ 18:5

«A na ɩ à ŋá a, nyɩ tɛr a ɩ̃ nɛ́ɛ nɩ a ɩ̃ tub. Sob nɛ na sàwr a a, a na ɩ na ʋ vʋʋrɛ. Mãa n'ɩ a Sore.»

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Zã 8:47

Sob nɛ na yi a Naaŋmɩn zie a bɛrɛ na wone a Naaŋmɩn ƴɛ̀rʋ. Nyɩ na bɛ yi a Naaŋmɩn zie a n'a so nyɩ bɛ bɛrɛ wone a ɩ̃ ƴɛ̀rʋ ɛ.»

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

Zeremi 50:5

Bɛ na sowr'a bãw a sɔ́r na cere a Sɩyɔ̃ a, ɛ́ bɛ na lɩɛb'ɩ a niŋe cɔw a ʋ lowr. Bɛ na wa na wa lãw nɩ mɛ̃, wõ-taa na be kʋralɛ a pʋɔ, wõ-taa bɛ na kʋ̃ yiiri bɛr towtow a pʋɔ.

Zeremi 33:26

A na ɩ à ŋá a, ɩ̃ na tʋ̃ɔ́ na zawrɩ a Zakɔb bʋʋrɛ, nɩ a ɩ̃ tõ-tõ-bie Daviir bʋʋrɛ bɛr bɩɩ? Ɩ̃ na tʋ̃ɔ́ na zawrɩ, bɛ kaa ír nɩ-bɛrɛ a bɛ pʋɔ, bɛ kaarɛ a Abraham, a Ɩzaakɩ nɩ a Zakɔb bʋʋrɛ zie i? Towtow! Ɩ̃ zɔrɛ nɩ a bɛ nɩbaalʋ, ɛ́ na lɛb maalɩ bɛ ƴãw.”»

Zeremi 30:9

Ɛcɛ bɛ na tone nɩ a ɩ̃ tome, a mãa bɛ Naaŋmɩn. Bɛ na tone nɩ a Daviir yir nɩr ʋl, a bɛ nãà, ɩ̃ na na ɩ ʋ lɛb be be a, tome.»

Sɛb-sõw yielu 119:112

Ɩ̃ ƴãw nɩ fãw maalɛ a fʋ pʋ-tɩɛrʋ, a ɩ̃ tɔnɛ n'ɩ a lɛ kʋralɛ.

Sɛb-sõw yielu 89:28

Ɛ́ mãa a, ɩ̃ na ɩ na ʋ ɩ a ɩ̃ bidɛb-kpɛ̃ɛ, a ʋl na do gãw a tẽw zu na-mɩnɛ a.

2 Samɩɛl 23:5

Nyɛ̃ a lɛ a Naaŋmɩn na ɩ a ɩ̃ yir ƴãw a: ʋ bin nɩ wõ-taa na bɛ tɛr baarʋ a, mãa nɩ a ʋl cará, ʋ bin ʋ na nɩ tub na gù ʋ a. A yele za pʋɔ a, ʋ mɩ́ ɩ na ɩ̃ zɛb tʋ̃ɔ́, ʋ mɩ́ maal'ɩ a ɩ̃ pʋ-tɩɛrʋ.

Matie 13:16

Ɛcɛ a nyɩɩm a, zu-nʋ̃ɔ̀ dem'ɩ nyɩ, a nyɩ mimie na nyɛrɛ, ɛ́ a nyɩ tobe wone a.

Ʋrɔm 10:5

À ŋá n'a a Moyiir sɛb càar'ɩ a mɩnʋ na na tʋ̃ɔ́ yi a Wulu pʋɔ a: «Sob nɛ na sàw a Wulu nɛ-ƴãwnɩ a, a na ɩ na k'ʋ vʋʋrɛ.»

Zã 7:37

A cuw bibi-pɛ-baara, na ɩ a bibi-kpɛ̃ɛ za a, a Yeezu tɩ àr'a yere kpɛ̃w za: «Kʋ̃ɔ-nyúur wa kpɩɛr nɩr a, ʋ wa a ɩ̃ zie wa nyũ,

2 Bibie za yel-manɩ 6:42

Sore Naaŋmɩn i, ta ŋmɛlɩ kpaar cɔw a fʋ nɩ-kabra ɩ, lɛb tɩɛrɩ bãwnɩ a maalʋ al za fʋ na kʋ̀ a fʋ tõ-tõ-bie Daviir a.»

Sɛb-sõw yielu 119:175

Ɩ̃ na vʋʋrɛ na tʋ̃ɔ́ danɛ fʋ, ɛ́ a lɛ fʋ na dɩ a ƴɛ̀rʋ yel a na sõwne mɛ̃ na.

Ɩzayi 51:4

A Sore yere na: «Nyɩɩm, ɩ̃ nɩbɛ ɛ, nyɩ bɛrɛ wone a ɩ̃ ƴɛ̀rʋ, nyɩɩm, ɩ̃ tẽw dem i, nyɩ cɛlɛ be! Bʋ̃ʋ n'ʋ vɛ̃, mãa zie n'a a wulu na yi, ɛ́ a lɛ ɩ̃ na dɩ a ƴɛ̀rʋ bin a n'a na ɩ a cãà na caalɛ a nɩ-bʋʋrɛ a.

Ɩzayi 54:10

A tan saa na ìr tɩ àr zi-yoru, ɛ́ a tãli damnɛ a, a nɔ̃wfʋ ɩ̃ na nɔnɛ fʋ a bɛ lɩɛbɛ towtow ɛ, a wõ-taa ɩ̃ na maal'ɩ fʋ a fʋ nʋ̃ɔ̀ ƴãw a, kʋ̃ bãw damnʋ towtow ɛ. A mãa, a Sore, mãa n'ʋ yere a lɛ kʋ̀rɛ fʋ, mãa na tɛr a ɩ̃ su-ɓaarʋ a fʋ zie a.»

Zeremi 38:20

Ɛcɛ, a Zeremi tɩ sɔw na: «Bɛ kʋ̃ de fʋ ƴãw a bɛ nuru pʋɔ ɩ. Bɛrɛ wone a lɛ ɩ̃ na yere kʋ̀rɛ fʋ a Sore yúor ƴãw a, ɛ́ a yele za na ɩ n vla, ɛ́ fʋ na cãà na vʋʋrɛ.

Ezekɩɛl 16:60

Ɛcɛ mãa a, ɩ̃ na cãà na bãwnɩ a wõ-taa ɩ̃ na tɩ maal'ɩ fʋ a fʋ pɔ̀lʋ̀ daar a, ɩ̃ɩ na ɩ na ʋ lɩɛbɩ wõ-taa na be kʋralɛ a.

Ezekɩɛl 34:24

A mãa Sore a, ɩ̃ na ɩ n a bɛ Naaŋmɩn, ɛ́ bɛ na tɛr'ɩ nãà ʋ ŋmɛ̃ mɛ̃ a ɩ̃ tõ-tõ-bie Daviir a. A mãa Sore Naaŋmɩn n'ʋ yere.

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

Amɔsɩ 5:4

À ŋá n'a a Sore ƴɛ̀rɛ a Ɩsɩrayɛl yir nɩbɛ zie: «Nyɩ bɔbr mɛ̃ ɛ́ nyɩ na vʋʋrɛ na.

Amɔsɩ 5:6

Nyɩ bɔbr a Sore ɛ́ nyɩ na vʋʋrɛ na. Zuzɛb yir nɩbɛ ɛ, nyɩ gù vla ʋ taa wule a ʋ fãw ɛ, alɛ bɛ ɩ lɛ, a na ɩ na mɛ̃ vũu na dɩrɛ a Betɛl tẽw pʋɔ bome ɛ́ nɩr za kʋ̃ tʋ̃ɔ́ a kpiiri bɛr a.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

2 Samɩɛl 7:29

Ɩ̃ zɛlɛ fʋ na, sàw maalɩ a ɩ̃ yir, k'aa ɩ̃ bʋ̃-dɔwrɩ dɩrɛ a naalʋ kʋralɛ a fʋ niŋé. Sore Naaŋmɩn i, mɛ̃ a lɛ fʋ na yel a, a fʋ maalʋ, a be a ɩ̃ yir zu kʋralɛ.»

Sɛb-sõw yielu 89:29

Ɩ̃ na nɔnɛ ʋ nɩ kʋralɛ, ɩ̃ na tu n a ɩ̃ wõ-taa ɩ̃ na maal'ɩ ʋ a pùor vla.

Zʋkpaɩ 7:2

Fʋ̃ʋ wa bɔbr kɛ́ fʋ vʋʋrɛ a, fʋ̃ʋ maal tɛr a ɩ̃ nɛ-ƴãwnɩ nɩ a ɩ̃ wulu mɛ̃ a fʋ na-bʋ̃-tuo tuo a.

Ezekɩɛl 34:25

Ɩ̃ na maal'ɩ nɩ a ɩ̃ dʋn ƴã-ɓaarʋ wõ-taa, ɩ̃ɩ na ɩ n a wɛ-dʋn bɔr a tẽw pʋɔ. Lɛ n'a a ɩ̃ dʋn na tʋ̃ɔ́ kpɩɛr'ɩ ƴã-ɓaarʋ a wɛja-kpalɛ pʋɔ, ɛ́ ganɛ a tuwr pʋɔ.