Ɩzayi 55:2 - A SƐB-SÕW

² Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Ɩzayi 55:2 Referans Kwoze

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Sɛb-sõw yielu 36:8

Naaŋmɩn i, nyɛ̃ a fʋ nɔ̃wfʋ na ɩ bʋ̃-sɩza sɛw a! A nɩsaalbɛ zɔrɛ na sɔwlɛ a fʋ pɩgɛ ɓaarʋ́.

Sɛb-sõw yielu 22:26

Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

Zeremi 31:14

Ɩ̃ na kʋ̀ n a bàwr-maalbɛ nɛ̃-kãánɩ yaga za, ɛ́ paalɩ a ɩ̃ nɩbɛ nɩ a ɩ̃ maalʋ. À à ŋá n'a a Sore yel.

Habakukɩ 2:13

Alɛ so, vũu so a nɩ-bʋʋrɛ tome na dɩ, ɛ́ a ten ten nɩbɛ bàlɛ bɛ tʋɔra zawla. À á ŋá za a, a Sore kpɛnʋ-za-sob zie bɛ n'a a yi ɛ?

A naaŋmɩn-ƴèr-manɛ Oze sɛbɛ 8:7

Nyɩ na bʋ̀rɛ a sɛsɛb a, sɛsɛb'ʋ nyɩ na cɛ. Bʋ̃ʋ n'ʋ vɛ̃, mɛ̃ a lɛ a zʋkpar na yel a: “Ble na bɛ yi zu a, bɛ tɛr zɔ̃ ɩ''. Ɛ́ ʋlɛ saa ɩ mɛ̃ ʋ tɛr'ɩ zɔ̃ a, nɩ-sãanbɛ nɛbɛ na dɩ ʋ.

Ɩzayi 51:7

Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Markɩ 7:14

A al pùorí, a Yeezu tɩ lɛb'a bʋɔlɩ a zu-sɛbla wa yel bɛ: «Nyɩ ƴãw tobr nyɩ za, ɛ́ bãw a yel ŋa pɛr vla:

Matie 22:4

Ʋ tɩ lɛb'a tõ tõ-tõ-biir bɛ mɩnɛ kɛ́ bɛ tɩ yel a nɩbɛ ʋ na bʋɔlɩ a: “Nyɩ nyɛ̃, ɩ̃ cɔbr'ɩ a cuw dɩb baarɩ, ɩ̃ kʋ n a ɩ̃ nadɛɛ nɩ a ɩ̃ dʋ̃-'wɔɛ, bom za cɔbr'a baarɩ, nyɩ wa a kul-taa cuw dɩb zie.”

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

Sɛb-sõw yielu 63:5

Ɩ̃ na puore fʋ nɩ yãanɩ a ɩ̃ cãafʋ daar za, ɛ́ bɛlɛ wa por a fʋ yúor a, ɩ̃ na mɩ́ zɛw nɩ a nuru.

Ʋrɔm 9:31

Ɛcɛ a Ɩsɩrayɛl nɩbɛ na tɩ bɔbr kɛ́ bɛ ɩ nɩ-mɩn a Naaŋmɩn zie, Wulu sàwfʋ zũú a, bɛ bɛ páw a ʋlɩ bom nɛ a Wulu na bɔbr a ɩ.

Matie 15:9

A bɛ puoru bɛ na puore mɛ̃ a, bɛ tɛr pɛr ɛ, ɛ́ a bɛ wulu bɛ na wule a ɩ nɩsaalbɛ nɛ-ƴãwnɩ tɛwr.”»

Ɩzayi 51:4

A Sore yere na: «Nyɩɩm, ɩ̃ nɩbɛ ɛ, nyɩ bɛrɛ wone a ɩ̃ ƴɛ̀rʋ, nyɩɩm, ɩ̃ tẽw dem i, nyɩ cɛlɛ be! Bʋ̃ʋ n'ʋ vɛ̃, mãa zie n'a a wulu na yi, ɛ́ a lɛ ɩ̃ na dɩ a ƴɛ̀rʋ bin a n'a na ɩ a cãà na caalɛ a nɩ-bʋʋrɛ a.

Ɩzayi 1:19

Nyɩmɛ wa sàw bɛrɛ wone a, nyɩ na dɩrɛ nɩ a tẽw bʋ̃-nʋʋr.

Zʋkpaɩ 9:5

«Nyɩ wa dɩ a ɩ̃ bʋ̃-dɩrɩ, ɛ́ nyũ a divɛ̃ ɩ̃ na cɔbrɩ a!

Sɛb-sõw yielu 34:11

A nũ-kpɛn dem bãw nɩ a nã́w nɩ a kɔ̃, ɛcɛ bom za tuo bɛ kpɩɛr a bɛlɩ dem na bɔbr a Sore a ɩ.

Ʋrɔm 10:17

A na ɩ à ŋá a, a sàw-deb mɩ́ yi n a yel fʋ na wõ a zie, ɛ́ a yel fʋ na wõ a ɩ a Kɩrɩta ƴɛ̀rʋ.

Luka 15:23

Nyɩ nyɔw a nadeli-'wɔr wa n wa kʋ, tɩ maal'ɩ cuw wõ nʋ̃ɔ̀,

A naaŋmɩn-ƴèr-manɛ Oze sɛbɛ 12:1

A Sore yere na: A Efarayim nɩbɛ ŋmãa na jil mɛ̃ nɩ ziri, ɛ́ a Ɩsɩrayɛl nɩbɛ tɛr bɛ̀lʋ-ɩb viiri koli nɩ mɛ̃. Ɛcɛ Zuda ʋl cãà na lãwnɩ a Naaŋmɩn, ɛ́ tu a Sonu-za-sob bɛ lɛb pùor ɛ.

Ɩzayi 46:6

Nɩbɛ bɛ mɩnɛ mɩ́ cir'ɩ a salm-zɩɛ na be a bɛ vʋɔra pʋɔ a, bɛ mɩ́ ker'ɩ a salm-pla nɩ bʋ̃-kera, bɛ mɩ́ ya n salm-nyɩlɛ k'ʋʋ maalɩ ŋmɩn kʋ̀ bɛ, bɛ gũune a ŋmɩn ŋa niŋé, puore ʋ.

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.

Ekilezɩasɩ 6:2

Nɩr'ɩ ŋa Naaŋmɩn kʋ̀ naalʋ, tɛra nɩ yúor. A nɩr ŋa tɛr'ɩ a alɩ bome nɛ ʋ na mɩ́ bɔbr a. Ɛcɛ Naaŋmɩn bɛ bɛr ʋ ʋ wõ nʋ̃ɔ̀ nɩ a ʋ bʋ̃-tɛrɩ ɛ. Nɩ-yũo n'ʋ íre a ʋ tɛra á ŋá tɔnɛ. À á ŋá mɩ̀ ɩ n bàlʋ zawla nɩ kpɩɛrʋ kpɛ̃ɛ.

Zʋkpaɩ 8:32

«Ƴɛrɛŋa a, ɩ̃ bibiir i, nyɩ bɛrɛ wone mɛ̃. Zu-nʋ̃ɔ̀ dem'ɩ a bɛlɩ dem na tuur a lɛ ɩ̃ na yere a.

Wulu-ayi-sob 11:13

Nyɩmɛ wa sɩrɩ sàwr a ɩ̃ nɛ-ƴãwnɩ ɩ̃ na kʋ̀rɛ nyɩ a dɩ̃a a, nyɩmɛ wa nɔnɛ a Sore nyɩ Naaŋmɩn nɩ a nyɩ pʋɔ za nɩ a nyɩ sɩ́ɛ za a,

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Zʋkpaɩ 7:23

ɛ́ gù kɛ́ bɛ wa ŋmɛ ʋ ƴãw bàalʋ ʋ kpi. Mɛ̃ lile na ŋmʋr kpɛ bɛra pʋɔ a, ʋ bɛ bãw kɛ́ kũu jɩɛrɛ nɩ a ʋ nyɔ-vʋʋrʋ ɛ.

Zʋkpaɩ 1:33

Ɛcɛ sob nɛ na bɛrɛ wone mɛ̃ a kʋ̃ bãw damnʋ ɛ, ʋ na vʋʋrɛ nɩ zoom ɛ́ bɛ tɛr a kpɩɛrʋ dɛ̃bɩ̃ɛ ɩ.»

Matie 5:6

Zu-nʋ̃ɔ̀ dem'ɩ a bɛlɩ dem yel-mɩŋa kɔ̃ nɩ kʋ̃ɔ-nyúur na kpɩɛr a, bɛ na tɩw na.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Ɩzayi 10:27

A ʋlɩ bibir nɛ a, ʋ na dɔw nɩ a tuor bɛr na dĩ a nyɩ bawŋmamɛ, ɛ́ dĩ a nyɩ nyuru mɛ̃ ni-kʋ́ɔrɩ dàa a. A dɔ̃ sob dúor'ɩ a Samaari,

Ɩzayi 62:8

A Sore pɔ n nɩ a ʋ kpɛnʋ na ɩ kpɛ̃ɛ a, yel: «Ɩ̃ bɛ be za na lɛb bɛr a fʋ dɔ̃ dem bɛ dɩ a fʋ ble ɩ. A fʋ divɛ̃ ƴãw fʋ na bàl fʋ tʋɔra a, a sãanbɛ kʋ̃ lɛb nyũ a ɩ.

Ɩzayi 62:9

Ɛcɛ a bɛlɩ dem na na ŋma a ble a, bɛlɛ nɛbɛ na dɩrɛ a danɛ nɩ a Sore. A bɛlɩ dem na na pɔr a divɛ̃ tɩɩr wɔmɛ a, bɛlɛ nɛbɛ na nyũ a divɛ̃ a ɩ̃ zi-sõw pʋɔ.»

Ɩzayi 65:23

Bɛ kʋ̃ mɩ́ cãà bàlɛ bɛ tʋɔra zawla ɩ, bɛ kʋ̃ mɩ́ lɛb dɔw bibiir kʋ̀ a kũu ɛ. Bʋ̃ʋ n'ʋ vɛ̃, bɛ ɩ n a nɩbɛ bɛl yir ɩ̃ na maalɛ a, bɛlɛ nɩ a bɛ bibiir.

Zeremi 12:13

Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

Zeremi 17:24

A Sore yere na: «Ɛcɛ a nyɩɩm a, nyɩ bɛrɛ wone vla. A pɩ̃ɛnʋ-bibir a, nyɩ taa ɩrɛ tuor a yire a tẽ-kpɛ̃ɛ ŋa dɩ̃dɛɛ ƴãw ɛ, nyɩ de a bibir ŋa kʋ̀ m ɛ́ taa tone ton kãw za ɩ.