Ɩzayi 55:12 - A SƐB-SÕW

¹² Nʋ̃ɔ̀ n'a na ɩrɛ nyɩ nyɩ yi a Babɩlɔn tẽw pʋɔ, ɛ́ ƴã-ɓaarʋ n'a bɛ na tɛr'ɩ nyɩ lɛb wa n a nyɩ tẽw. Nyɩ na tɔlɛ na a tan nɩ a tãli ŋmɩɛr nʋ̃ɔ̀ cɛlsɩ, ɛ́ a wɩ̀ɛ tɩɩr za ŋmɩɛr nuru ƴãwn.

Ɩzayi 55:12 Referans Kwoze

Galasi 5:22

Ɛcɛ a Vʋʋrʋ Sõw bom'ɩ: nɔ̃wfʋ, nʋ̃ɔ̀, ƴã-ɓaarʋ, su-nyɔwra, vɩɛlʋ, nɩ-vla-ɩb, naaŋmɩn-sàw-deb,

Ɩzayi 44:23

Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Sɛb-sõw yielu 105:43

Pʋ-pɩɛlʋ pʋɔ n'a ʋ tɛr a ʋ nɩbɛ yi n a Eziptɩ tẽw pʋɔ, a bɛlɩ dem ʋ na tɩ kaa ír a tɩ ŋmɩɛr'ɩ nʋ̃ɔ̀ cɛlsɩ.

Ʋrɔm 15:13

A Naaŋmɩn na n'ʋ tɩ mɩ́ tɩɛrɛ a, ʋ ɩ kɛ̀ nʋ̃ɔ̀ nɩ ƴã-ɓaarʋ paalɩ nyɩ a nyɩ sàw-deb pʋɔ, k'aa nyɩ tɩɛrʋ nyɩ na ƴãw a Naaŋmɩn ƴãw a, ɩ kpɛ̃ɛ yaga za a Vʋʋrʋ Sõw fãw zũú.

Ɩzayi 49:13

Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Sɛb-sõw yielu 65:13

A dʋn mʋ̃ɔ 'wɔbrʋ zie a wɛja-kpalɛ pʋɔ ʋr'a, ɛ́ a tãli sɛ a nʋ̃ɔ̀ mɛ̃ kpàwr a.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Zeremi 33:6

«Ɛcɛ, ɩ̃ na sanɩ ʋ na, ɛ́ ɩ a ʋ bàalʋ baarɩ. Ɩ̃ na lɛb'a kʋ̀ a ʋ yie a ƴã-ɓaarʋ, ɛ́ ɩ a nɩbɛ bãw a ƴã-ɓaarʋ nɩ zie na bɛ bãw damnʋ a.

Ɩzayi 54:10

A tan saa na ìr tɩ àr zi-yoru, ɛ́ a tãli damnɛ a, a nɔ̃wfʋ ɩ̃ na nɔnɛ fʋ a bɛ lɩɛbɛ towtow ɛ, a wõ-taa ɩ̃ na maal'ɩ fʋ a fʋ nʋ̃ɔ̀ ƴãw a, kʋ̃ bãw damnʋ towtow ɛ. A mãa, a Sore, mãa n'ʋ yere a lɛ kʋ̀rɛ fʋ, mãa na tɛr a ɩ̃ su-ɓaarʋ a fʋ zie a.»

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 14:8

A tɩɩr mɩ̀ cɩlɛ nɩ a po-to-fãw sob kũu ƴãw. A sɩpɩrɛ tɩɩr yere na kʋ̀rɛ ʋ: «A lɛ fʋ na dɛ kpɛ a bɔw a, nɩr bɛ lɛb cãà dúor waar wa cɩɛr tɩ lɔbr ɛ.»

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Sɛb-sõw yielu 47:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Sɛb-sõw yielu.

Ʋrɔm 5:11

Ɛ́ a za cãà bɛ n'a ɩ, a Naaŋmɩn ƴãw n'a nʋ̃ɔ̀ ɩrɛ tɩ a tɩ Sore Yeezu Kɩrɩta zũú, ʋl na n'ʋ so tɩɩm nɩ a Naaŋmɩn lɛb kpɛ taa ƴɛrɛŋa a.

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Sɛb-sõw yielu 65:12

Yũon-ɓil za n'ʋ mɩ́ nyɛ̃ a fʋ maalʋ, fʋ mɩ́ cere na tɔlɛ ɛ́ bom za ʋr.

Sɛb-sõw yielu 69:34

Bʋ̃ʋ n'ʋ vɛ̃, a Sore bɛrɛ na wone a nan dem, ʋ bɛ zawrɛ a ʋ nɩbɛ na be a gaso pʋɔ a bɛrɛ ɩ.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Zeremi 29:11

A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.

Ezekɩɛl 17:24

Lɛ n'a a mʋ̃ɔ pʋɔ tɩɩr za na bãw kɛ́ mãa n'ɩ a Sore. Ɩ̃ mɩ́ siwr'ɩ a tɩɩr al na kɛrɩ a, ɛ́ ɩ a al na ɩ cãpili a, a kɛrɩ. Ɩ̃ mɩ́ ɩ n a tɩ-ɓaar a ko, ɛ́ ɩ a al na ko a, a tɛr puuru. A mãa Sore n'ʋ yel ɛ́ mɩ́ ɩ a lɛ ɩ̃ na yel a.»