Ɩzayi 55:11 - A SƐB-SÕW

¹¹ À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

Ɩzayi 55:11 Referans Kwoze

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Ɩzayi 46:10

A pɛr-tib daar'a ɩ̃ yel a alɩ bome nɛ na na ɩ a nɩdaar a. Ɩ̃ de nɩ niwn yel koro za a alɩ bome nɛ na bɛ ɩ sɛr a. Ɩ̃ yere na: a lɛ ɩ̃ na tɩɛrɩ a yele bin a na maal'a. Bom nɛ za ɩ̃ na bɔbr a, ɩ̃ mɩ́ maal ʋ na.

Ʋrɔm 10:17

A na ɩ à ŋá a, a sàw-deb mɩ́ yi n a yel fʋ na wõ a zie, ɛ́ a yel fʋ na wõ a ɩ a Kɩrɩta ƴɛ̀rʋ.

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Ɩzayi 45:23

Mãa mɩŋa n'ʋ ɩ̃ pɔrɛ nɩ, yel-mɩŋa n'a yire a ɩ̃ nʋɔrɩ́, ƴɛ̀rʋ na bɛ lɩɛbɛ bɛrɛ a: dun za na gbĩ n a ɩ̃ niŋé, nʋɔr za na pɔ n à ŋá:

1 Korɛ̃tɩ 1:18

A Kɩrɩta da-gara zu kũu tɩ na hiere a, a ɩ n gẽgẽ-ɩb a bɛlɩ dem na bɔrɛ a zie. Ɛcɛ a bɛlɩ dem na lo a faafʋ sɔ́r a, a tɩɩm zie, a ɩ n Naaŋmɩn kpɛnʋ.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

1 Pɩɛr 1:23

Nɩsaal na na wɛ a, ʋlɛ bɛ n'ʋ ɩ nyɩ lɛb dɔw ɛ, a Naaŋmɩn ƴɛ̀rʋ na vʋʋrɛ ɛ́ be kʋralɛ a, ʋlɛ n'ʋ ɩ nyɩ lɛb dɔw.

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

Ebre 6:7

Tẽsɔw saa na waar ƴãwn kʋralɛ, ʋʋ búle bʋ̃-buli na tɛr yel-ɩra a bɛlɩ dem na ƴãw bɛ kʋɔr ʋ a zie a, Naaŋmɩn mɩ́ maalɛ ʋ na.

Ɩzayi 54:9

«Ɩ̃ na ɩ na mɛ̃ a Nowe daar a. Ɩ̃ tɩ pɔ na k'aa kʋ̃ɔ-paalʋ kʋ̃ɔ kʋ̃ lɛb paalɩ pàw a tẽw ɛ. Lɛ mɩ̀ n'a ɩ̃ pɔrɛ yere kʋ̀rɛ fʋ a dɩ̃a, k'ɩ̃ɩ kʋ̃ lɛb nyɛ̃ nɩ fʋ suur ɛ, k'ɩ̃ɩ kʋ̃ lɛb tanɩ fʋ ɛ.

Wulu-ayi-sob 32:2

A ɩ̃ wulu, a cire, mɛ̃ saa na waar ƴãwn tɩɩr a, a ɩ̃ ƴɛ̀rʋ, a ƴɛ̀r pàw a ziir mɛ̃ ɓɩɛlʋ na lo pàw mʋ̃ɔ a.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Ɩzayi 40:8

A mʋ̃ɔ mɩ́ ko na ɛ́ a va-puuru vàr, ɛcɛ a Sore tɩ Naaŋmɩn ƴɛ̀rʋ na be n be kʋralɛ.»

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Zeremi 23:20

A Sore suur bɛ ɓãanɛ ʋlɛ bɛ wa tõ a lɛ za ʋ na yel a ɩ. A pùorí n'a nyɩ na bãw a pɛr.

Ezekɩɛl 24:14

A mãa Sore n'ʋ yere, ɛ́ a na tu na. Ɩ̃ kʋ̃ lɛb pùor, ɛ́ kʋ̃ zɔ nɩbaalʋ ɛ. Ɩ̃ kʋ̃ yel kɛ́ mãa tɩ bãw kɛ́ lɛ bom kãw za ƴãw ɛ. Zerizalɛm i, ɩ̃ na dɩ n fʋ nɩ ƴɛ̀rʋ a fʋ nyɔ-vʋʋrʋ nɩ a fʋ ɩb ƴãw. A mãa Sore Naaŋmɩn n'ʋ yere.»

Amɔsɩ 6:11

Bʋ̃ʋ n'ʋ vɛ̃, a Sore, ʋ tɩr nʋɔr tɛwr, ɛ́ a yir-kpɛ̃ɛ na lo na, ɛ́ a yir-cãpile dacine pur pur.

1 Samɩɛl 3:19

A Samɩɛl tɩ bàa na ɩ nɩ-kpɛ̃ɛ. A Sore tɩ be n a ʋ zie, ʋ tɩ tu n a ƴɛ̀rʋ al za ʋ na tɩ ƴɛ̀r kʋ̀ a Samɩɛl a.

Zeremi 1:11

A Sore tɩ ƴɛ̀r'ɩ a ɩ̃ zie à ŋá: «Zeremi i, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Amãdɩ tɩɛ wule n'ʋ ɩ̃ nyɛ̃.»

Zeremi 1:12

A Sore yel mɛ̃: «Fʋ nyɛ̃ nɩ vla! Ɩ̃ bɛr'ɩ gʋ̃ɔ ɛ́ gù k'aa ɩ̃ ƴɛ̀rʋ tɩ tu.»

Zeremi 1:13

A Sore tɩ ƴɛ̀r'ɩ a ɩ̃ zie a gb'a ayi sob ƴãw à ŋá: «Ɛ́ a ƴɛrɛŋa, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Ɩ̃ nyɛ̃ nɩ ziduwle na kárɛ a. A saa-pɛrɩ́-gʋba-lowr'a ʋ be ɛ́ cɩɩlɩ.»

Zeremi 25:13

Ɩ̃ na ɩ na a kpɩɛrʋ al ɩ̃ na tɩ ƴɛ̀r càar'ɩ a tẽw ŋa a, a wa a ʋ zu. A al za na sɛb a sɛbɛ ŋa pʋɔ a, a al za a naaŋmɩn-ƴɛ̀r-manɛ Zeremi na tɩ ƴɛ̀r càar'ɩ a nɩ-bʋʋr-yoru a.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»