Ɩzayi 53:8 - A SƐB-SÕW

⁸ Bɛ nyɔw ʋ na, bɛ dɩ n ʋ nɩ ƴɛ̀rʋ, bɛ kʋ ʋ na ír bɛr. Ɛcɛ ãa n'ʋ tɩ cɛlɩ a ʋ yele zie? Bɛ ír ʋ na bɛr a nɩ-vʋʋrɩ tẽw zu, a ʋ nɩbɛ sãwna ƴãw n'a bɛ kʋ ʋ.

Ɩzayi 53:8 Referans Kwoze

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

Nɩ-toni 8:33

Bɛ siwr'ʋ na, ɛ́ bɛ dɩ a ƴɛ̀rʋ nɩ mɩnʋ kʋ̀ ʋ ɛ. Ãa n'ʋ ƴɛ̀r a ʋ bʋʋrɛ ƴɛ̀rʋ? Bʋ̃ʋ n'ʋ vɛ̃, bɛ ír'ɩ a ʋ nyɔ-vʋʋrʋ a tẽw zu.”

Zã 19:7

A Zifʋ mɩnɛ lɛb yel ʋ: «Tɩ tɛr'ɩ Naaŋmɩn wulu, ɛ́ a wulu ŋa tub ƴãw a, a fɛr'a k'ʋʋ kpi: ʋ na bʋɔlɛ ʋ tʋɔra Naaŋmɩn Bie a ƴãw!»

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ʋrɔm 1:4

ɛcɛ a Vʋʋrʋ Sõw lowr a, bɛ tɩ wul'a nɩ kpɛnʋ a sãá ʋ na ɩ Naaŋmɩn Bie a, a ʋ kũu-pʋɔ-lɛb-yibu zũú.

Ɩzayi 53:5

Ɛcɛ a tɩ ɩ-faar'a so bɛ cɔ̀r ʋ col, a tɩ yel-bebe zũú n'a bɛ ƴɛ́r ʋ ŋmɛr. A dɔwrʋ ʋl na ɩ kɛ̀ tɩ páw a ƴã-ɓaarʋ a, ʋl zu n'a k'ʋ lo. Ɛ́ a ʋ natɩɛ n'a so kɛ̀ tɩ nyɛ̃ a sanʋ.

Sɛb-sõw yielu 69:12

Ɩ̃ su n kuor bʋ̃-dɛgɛ, bɛ ƴãw nɩ mɛ̃ jil.

Matie 1:1

A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Sɛb-sõw yielu 88:5

Bɛ sɔ́r mɛ̃ na ƴãw a nɩbɛ na kpi baar'a pʋɔ, ɩ̃ bɛ cãà ŋmɛ̃ nɩr ɛ.

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

A Lãw-mʋɔlɛ 3:54

A kʋ̃ɔ tɩ lim'ɩ a ɩ̃ zu za, ɩ̃ɩ tɩ yel: «Ɩ̃ kpi na!»