Ɩzayi 53:4 - A SƐB-SÕW

⁴ Zɩ̃ k'aa tɩ bàalʋ n'a ʋ tɩ tuo, a tɩ wʋ̀ʋr'a tɩ dĩ ʋ. Ɛ́ tɩɩm tɩ tɩ́ɛrɛ kɛ́ Naaŋmɩn n'ʋ dɔwrɛ ʋ a lɛ, kɛ́ Naaŋmɩn n'ʋ ŋmɩɛr ʋ ɛ́ ƴãwnɛ ʋ vĩ.

Ɩzayi 53:4 Referans Kwoze

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

Matie 8:17

k'aa lɛ a naaŋmɩn-ƴɛ̀r-manɛ Ɩzayi na sɛb yel a, tʋ̃ɔ́ tu: «Ʋlɛ n'ʋ de a tɩ nɩ-kɔwlʋ, ɛ́ tuo a tɩ bàalʋ.»

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Zã 19:7

A Zifʋ mɩnɛ lɛb yel ʋ: «Tɩ tɛr'ɩ Naaŋmɩn wulu, ɛ́ a wulu ŋa tub ƴãw a, a fɛr'a k'ʋʋ kpi: ʋ na bʋɔlɛ ʋ tʋɔra Naaŋmɩn Bie a ƴãw!»

Sɛb-sõw yielu 69:26

A bɛ laɩ, ʋ lɩɛbɩ kár, nɩr za ta cãà kpɩɛr a bɛ pɛnɛ-sɛwr pʋɔ ɩ.

Matie 26:37

Ʋ tɩ tɛr'ɩ Pɩɛr nɩ Zebede bidɛbr bɛ za ayi cen nɩ. Pʋ-sãwna nɩ pʋl-vʋ̃ɔ tɩ tĩ na nyɔw ʋ.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

Levitɩ mɩnɛ 16:10

A Azazɛl bʋra n'ʋ bɛ tuur'ɩ a yel-bebe suur-dɩ-kʋ̀b tub: bɛ na ƴãw na ʋ àr a mimir a Sore niŋé, ɛ́ bɛ bãw tɩr ʋ kʋ̀ a Azazɛl a wɛja-kpalɛ pʋɔ.»

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Sɛb-sõw yielu 69:8

Fʋ̃ʋ ƴãw n'a a zʋmɛ dúor mɛ̃, ɛ́ a vĩ bɛ sàw ɩ̃ na dʋɔ zu ɛ.

Sɛb-sõw yielu 69:27

Bʋ̃ʋ n'ʋ vɛ̃, bɛ bɛ bɛrɛ a sob nɛ fʋ na ŋmɛ baarɩ a ɩ, ɛ́ a bɛlɩ dem fʋ na ŋmɛ ƴãw natɩɛ baarɩ a, bɛ ɩ na bɛ lɛb bãw nyɛrɛ wʋ̀ʋr dɔwlɛ.