Ɩzayi 53:12 - A SƐB-SÕW

¹² Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 53:12 Referans Kwoze

Luka 22:37

Ɩ̃ sɩrɩ na yere kʋ̀rɛ nyɩ: a fɛr'a kɛ́ a sɛbrʋ ŋa tu a ɩ̃ ƴãw: “Bɛ sɔ́r ʋ na ƴãw nɩ-faar pʋɔ.” A yele na càarɩ mɛ̃ a, na sɩrɩ na tu.»

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

1 Zã 2:12

Ɩ̃ bibiir i, ɩ̃ sɛbr nyɩ na kɛ́ Naaŋmɩn dɩ n a nyɩ yel-bebe suur kʋ̀ nyɩ a Yeezu yúor ƴãw.

Markɩ 15:27

Bɛ mɩ̀ tɩ kpa n nyãnyu-nɩ-kʋrbɛ ayi da-garɩ zu lãwnɩ ʋ, kãw a ʋ dʋrʋ lowr, ɛ́ kãw a ʋ gʋba lowr. [

Ebre 9:26

Alɛ bɛ ɩ lɛ, a nãá fɛr'a ʋ wõ tuo gb'aa yaga, a lɛn daar a tẽ-daa na tĩ kɛ́ be a. Ɛcɛ, gb'a been daadaa n'a, a daar na wa ta a, ʋ sãá a ƴɛrɛŋa, k'ʋʋ de ʋ mɩŋa maal'ɩ bàwr ír a yel-bier bɛr.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

1 Zã 2:1

Ɩ̃ bibiir i, ɩ̃ sɛbr nyɩ nɩ à á ŋá kɛ́ nyɩ taa maalɛ yel-bier ɛ. Ɛcɛ nɩr wa ɩ mɛ̃ ʋ maal'ɩ yel-bier a, tɩ tɛr'ɩ nɩr a Naaŋmɩn Sãà zie ʋ mɩ́ ƴɛ̀r faa tɩ, ʋlɛ n'ɩ a Yeezu Kɩrɩta na ɩ nɩ-mɩŋa a.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 9:24

Bʋ̃ʋ n'ʋ vɛ̃, a Kɩrɩta bɛ kpɛ zi-sõw pʋɔ nɩsaalbɛ na ŋmãa ɩ, zi-sõw nãá ɩ a zi-sõw mɩŋa ŋmɛ̃-ta-tɔ tɛwr a ɩ. A tẽ-vla tɔr za pʋɔ n'a ʋ kpɛ, k'ʋʋ tɩ be a Naaŋmɩn niŋé a ƴɛrɛŋa a tɩɩm ƴãw.

Kɔlɔsɩ 2:15

Ʋ zɛb'a tʋ̃ɔ́ a naalʋ-dɩb bʋʋrɛ za nɩ a fãw za, ʋ ɩ na a lɩɛbɩ bʋ̃-ɩ-laarɩ a nɩbɛ niŋé, a ɩ a gbãgbaar a ʋ Bie na zɛb tʋ̃ɔ́ bɛ cɔrɩ tuur ʋ a.

Ɩzayi 53:8

Bɛ nyɔw ʋ na, bɛ dɩ n ʋ nɩ ƴɛ̀rʋ, bɛ kʋ ʋ na ír bɛr. Ɛcɛ ãa n'ʋ tɩ cɛlɩ a ʋ yele zie? Bɛ ír ʋ na bɛr a nɩ-vʋʋrɩ tẽw zu, a ʋ nɩbɛ sãwna ƴãw n'a bɛ kʋ ʋ.

Sɛb-sõw yielu 22:14

Bɛ ɩ na mɛ̃ gben na háa a nɛ́ɛ a ɩ̃ ƴãw a, gben na ùore ɛ́ tawr cɩɛrɛ a.

Sɛb-sõw yielu 2:8

Zɛlɩ mɛ̃, ɩ̃ɩ na kʋ̀ b'ɩ a nɩ-bʋʋr-yoru fʋ só bɛ, fʋ na só nɩ a tẽw za.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Luka 23:25

Ʋ tɩ lɛb'a bɛr a sob nɛ na tɩ be a gaso pʋɔ damnʋ nɩ nɩr kʋb ƴãw a, a ʋl a nɩbɛ na tɩ bɔbr kɛ́ bɛ lɛb bɛr a. A Yeezu ʋl a, ʋ tɩ bɛr ʋ na kʋ̀ bɛ kɛ́ bɛ maal'ɩ a bɛ pʋ-tɩɛrʋ.

Matie 26:42

Ʋ tɩ lɛb'a cen a gb'a ayi sob ƴãw tɩ puore yere nɩ: «Ɩ̃ Sãà a, alɛ wa ɩ fɛrʋ k'ɩ̃ɩ nyũ a tuo koli-nyúura ŋa a, a fʋ pʋ-tɩɛrʋ ʋ maalɩ.»

Ɩzayi 52:15

lɛ mɩ̀ n'a nʋɔr na ɓãa nɩ-bʋʋr-yaga a ʋ ƴãw, na-mɩnɛ na nyɔw nɩ nʋɔr a ʋ niŋé. Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ mɛ̃ a lɛ bɛ na tɩ manɩ kʋ̀ bɛ a ɩ, ɛ́ a bom bɛ na jɩ́rɛ a, bɛ ɩ mɛ̃ a lɛ bɛ na wõ bɛ yel a ɩ.»

Ɩzayi 52:13

A Sore yere na: «A ɩ̃ tõ-tõ-bie na ɩ n nɩr. Ʋ na ìr'a àr, bɛ na zɛw ʋ na, ʋʋ na nyɛ̃ nɩ ƴãwfʋ yaga za.

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Markɩ 15:28

Lɛ n'a a Sɛb-sõw ƴɛ̀r-bir ŋa tɩ tu: «Bɛ sɔ́r ʋ na ƴãw nɩ-faar pʋɔ.»]

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Eziptɩ tẽw yib 15:9

A tɩ dɔ̃ dem tɩ yel'a: «Tɩ na diw na bɩɛrɩ bɛ, tɩ na pàw bɛ na, tɩ na põ nɩ a bɛ bome tɩ na fá a, a tɩ zuo a lɛ tɩ na bɔbr a. Tɩ na vɔ̃ n a tɩ zɛbr-sɔ-bɛrɛ, tɩ na lɛb'a nyɔw bɛ.»

A Zɔb sɛbɛ 30:16

Ɛcɛ ƴɛrɛŋa a, a ɩ̃ nyɔ-vʋʋrʋ báarɛ na cere, kpɩɛrʋ bibie n'a tɛr mɛ̃.

Ɩzayi 49:4

Mãa ƴãw a, ɩ̃ tɩ yere na: «Ɩ̃ bàl'ɩ ɩ̃ tʋɔra zawla, ɩ̃ hanɩ na ɛ́ a wa ɩ zi-vuo, ɛ́ a bɛ wa tɛr pɛr ɛ». Zɩ̃ k'aa ʋlɩ bom nɛ ɩ̃ na sɛw taa nɩ a tɩ gùre mɛ̃ nɩ a Sore zie, a ɩ̃ maalʋ tɩ be n a ɩ̃ Naaŋmɩn zie.