Ɩzayi 51:7 - A SƐB-SÕW

⁷ Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Ɩzayi 51:7 Referans Kwoze

Sɛb-sõw yielu 37:31

A ʋ Naaŋmɩn wulu be n a ʋ socir pʋɔ, ʋ bɛ cere dẽdere ɩ.

Matie 5:11

Zu-nʋ̃ɔ̀ dem'ɩ nyɩ, bɛlɛ wa tʋʋr nyɩ zʋmɛ, ɛ́ dɔwrɛ nyɩ, ɛ́ ŋmarɛ zir-pɛ-bʋʋrɛ za ƴãwn nyɩ, a mãa ƴãw a.

Ezekɩɛl 2:6

Ɛ́ a fʋ̃ʋ a, nɩsaal bie e, ta zɔrɛ bɛ, ɛ́ ta zɔrɛ a bɛ ƴɛ̀rʋ ɛ. Bɛ na mɩ́ ŋmɛ n a fʋ ƴɛ̀rʋ lɔb, ɛ́ a ɩ mɛ̃ gʋʋr na viiri koli fʋ ɛ́ fʋ zɩ̃ nan zu a. Ɛcɛ ta zɔrɛ a bɛ ƴɛ̀rʋ ɛ́ ta màwr a bɛ niŋé ɩ, bʋ̃ʋ n'ʋ vɛ̃, nɩsaal-gaarɩ nɛbɛ.

1 Pɩɛr 4:14

Bɛlɛ wa tʋʋr nyɩ zʋmɛ a Kɩrɩta yúor ƴãw a, zu-nʋ̃ɔ̀ dem n'ɩ nyɩ, a Vʋʋrʋ na tɛr danʋ a, a Naaŋmɩn Vʋʋrʋ be n a nyɩ zu.

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

1 Pɩɛr 4:4

Ƴɛrɛŋa nyɩ na bɛ cãà lãw nɩ bɛ dãwnɛ taa a pɩ̃ɔ ɩ-ɩrɩ maalʋ ƴãw a, a ùr bɛ na ɛ́ ƴãw bɛ tʋʋr nyɩ.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

2 Korɛ̃tɩ 3:3

Sɩza n'a, a sãá nɩ cãàmɩlɛ kɛ́ nyɩ ɩ n a sɛb-tʋɔla a Kɩrɩta na sɛb ɛ̀ tɩ de lʋɔrɩ tɩr a. Sɛb-dale kʋ̃ɔ bɛ n'a bɛ sɛb'ɩ ɛ, ɛcɛ a Naaŋmɩn na vʋʋrɛ a Vʋʋrʋ Sõw n'ʋ. Kʋsɛ-pamɛ zu bɛ n'a bɛ sɛb ɛ, a nɩsaalbɛ socie pʋɔ n'a.

Nɩ-toni 5:41

A nɩ-toni tɩ lɛb'a yi a ƴɛ̀rʋ-dɩb-lãw zie, ɛ́ nʋ̃ɔ̀ ɩrɛ bɛ yaga, a Naaŋmɩn na tɩ nyɛ̃ bɛ, bɛ sɛwnɩ zʋmɛ a Yeezu yúor ƴãw a.

Zeremi 1:17

A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

Sɛb-sõw yielu 40:8

Lɛ n'a ɩ̃ tɩ yel: «Mãa n'ɩ ŋan waar. Bɛ sɛb'ɩ a Wulu sɛbɛ pʋɔ a ʋlɩ bom nɛ a na fɛr k'ɩ̃ɩ ɩ a.»

Ebre 10:16

«A Sore yere na: a Wõ-taa n'ɩ ŋa ɩ̃ na na maal'ɩ bɛ a bibie al pùorí a: ɩ̃ na sɛb'ɩ a ɩ̃ Wulu ƴãw a bɛ socie pʋɔ, ɩ̃ na wi ʋ na ƴãw a bɛ tɩɛrʋ pʋɔ.»

Filib 3:10

A Kɩrɩta n'ʋ ɩ̃ bɔbr k'ɩ̃ɩ bãw, k'ɩ̃ɩ nyɛ̃ a lɛ a ʋ kũu-pʋɔ-lɛb-yibu kpɛnʋ na sɛw a, k'ɩ̃ɩ lãw nɩ ʋ a tuo ʋ na wõ a pʋɔ, k'ɩ̃ɩ ŋmɛ̃ taa nɩ ʋ a ʋ kũu pʋɔ,

Luka 6:22

«Zu-nʋ̃ɔ̀ dem n'ɩ nyɩ, a lɛn daar a nɩsaalbɛ nãà wa hɩ̃ɛn nyɩ, ɛ́ zawrɛ a nyɩ yele ɛ́ tʋʋr nyɩ, sãwnɛ nɩ a nyɩ yúor a Nɩsaal Bie ƴãw a.

Matie 10:28

Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 54:4

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

Wulu-ayi-sob 6:6

A nɛ-ƴãwnɩ ɩ̃ na kʋ̀rɛ fʋ a dɩ̃a a na be n a fʋ pʋ̃ɔmɩ.

Ɩzayi 37:6

ʋ yel bɛ: «Nyɩ cen tɩ yel à ŋá a Sore na yere a kʋ̀ a nyɩ nɩ-kpɛ̃ɛ: “Fʋ wõ n a zʋmɛ a Asiiri tẽw nãà sojarɩ nɩ-bɛrɛ na tʋ m'a. Ta zɔrɛ dɛ̃bɩ̃ɛ a lɛ bɛ na yel a ƴãw ɛ.