Ɩzayi 51:13 - A SƐB-SÕW

¹³ Nyɩ yiir'ɩ a Sore bɛr, ʋl na ír nyɩ a, ʋl na dɔl a salom ɛ́ bin a tẽw pɛr a. Bibie za, nyɩ mɩ́ màwr'ɩ a sob nɛ na dɔwrɛ nyɩ a niŋé, a lɛ a ʋ su-yãyaar na mɩ́ ìr, mɛ̃ ʋ cɔbr'a baarɩ na sãw nyɩ bɛr a. Ɛcɛ ƴɛrɛŋa a, nyɩnɛ n'a a ʋ su-yãyaar be?

Ɩzayi 51:13 Referans Kwoze

Ɩzayi 45:12

Mãa n'ʋ maalɩ a tẽw, ɛ́ ír a nɩsaalbɛ na kpɩɛr ʋ a. Mãa n'ʋ dɔl a salom nɩ a ɩ̃ nuru, ɛ́ mɩ́ yel a ŋmar-bi-pɩlwɩlɩ a lɛ a na fɛr k'aa ɩrɛ a.

Ɩzayi 40:22

A Sore naalʋ-dà-kɔw be n a tẽw tʋra zu-sɔw, ɛ́ a nɩsaalbɛ mɩ́ sãá a ʋ zie ɩ mɛ̃ sãsowe a. Ʋ yɛ́r'ɩ a salom mɛ̃ pɛn-kpɛ̃ɛ a, ʋ dɔl ʋ na mɛ̃ pɛn-sɛw a, a ʋ kpɛb ƴãw.

Ɩzayi 17:10

Ɩsɩrayɛl i, fʋ yiir'ɩ a Naaŋmɩn fʋ faarɛ bɛr, fʋ bɛ cãà bãwnɩ a Pìir na piw fʋ a ɩ. Alɛ so fʋ ɩrɛ va-vɩɛlɩ a búle, ɛ́ bʋ̀rɛ bʋ̃-bi-sãanbɛ.

Sɛb-sõw yielu 104:2

fʋ cir'ɩ a cãà mɛ̃ kpar-kpɛ̃ɛ a. Fʋ dɔl'ɩ a salom mɛ̃ pɛn-sɛw pɛn a,

Ɩzayi 48:13

A ɩ̃ nuru n'a ɩ̃ bin nɩ a tẽw pɛr ɛ́ dɔl a salom. Mãa wa bʋɔlɛ a wa báarɛ a, a mɩ́ ta n daadaalɛ àr.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

A Zɔb sɛbɛ 9:8

Ʋ mɩ́ dɔl'ɩ a salom ʋ yõ, ɛ́ cere a kʋ̃ɔ-kpɛ̃ɛ kʋ̃ɔ-mie zu.

Yel-wula 20:9

Bɛ yɛ́r'a pàw a tẽw za, ɛ́ ŋmãa jil koli a Naaŋmɩn nɩ-bʋʋrɛ laɩ nɩ a tẽ-kpɛ̃ɛ a Naaŋmɩn na nɔnɛ a. Ɛcɛ, vũu yi n a salom zu siw dɩ bɛ.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

Ebre 11:15

A tẽw ʋl bɛ na yi kɛ́ bɛr a tɩ n'ʋ bɛ tɩɛrɛ a, bɛ nãá nyɛ̃ nɩ vuo lɛb cen a ʋ pʋɔ.

1 Korɛ̃tɩ 15:55

Alɛ kũu u, nyɩn lowr'a fʋ zɛb tʋ̃ɔ́? Alɛ kũu u, a fʋ pĩi-zɛl wa mɔ̃?»

1 Korɛ̃tɩ 1:20

A na ɩ à ŋá a, nyɩnɛ n'a a yã-bãwnɛ be? Nyɩnɛ n'a a Naaŋmɩn wulu bãw-bãw-kara be? A dɩ̃a zie ŋa pʋɔ ƴɛ̀r-bãw-ƴɛ̀rɛ wa? A Naaŋmɩn bɛ ɩ a tẽ-daa yã-bãwfʋ lɩɛbɩ gẽgemi ɛ?

Zeremi 51:15

A Sore maal'ɩ a tẽw nɩ a ʋ fãw, ʋ ɩ n a tẽ-daa ʋ àr nɩ a ʋ yã-bãwfʋ, ɛ́ dɔl a salom nɩ a ʋ yã.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Ɩzayi 16:4

Bɛr a tɩ nɩbɛ na zɔ a, bɛ kpɩɛr a fʋ zie, kʋ̀ bɛ sɔwlʋ zie a zi-sãwnɛ niŋé. A fɛrʋ bɛ wa cãà be a, a zie sãwfʋ wa baar'a, a zi-sãwnɛ bɛ wa cãà a tẽw pʋɔ a,

Ɩzayi 7:4

Fʋ na tɩ yel ʋ na: “Cɛlɛ be! Ta damnɛ ɩ, ta zɔrɛ dɛ̃bɩ̃ɛ ɩ. A fʋ socir, ʋ ta màwr a Siiri tẽw Eresin nɩ a Eremalyahu bidɛb su-tʋlʋ kpãkpã ƴãw ɛ. Da-ŋmaarɛ ayi na ɩrɛ zʋ̀ʋ́r a tɛwr nɛbɛ.

Sɛb-sõw yielu 76:10

a lɛn daar fʋ na mɩ́ ìr a ƴɛ̀rʋ-dɩb ƴãw a, fʋ na mɩ́ ìr kɛ́ fʋ faa a tẽw bãbàalbɛ za a. Tɛw-àrʋ

A Zɔb sɛbɛ 37:18

fʋ tɩ sõwne nɩ a Naaŋmɩn na tɩ dɔlɛ a salom, ɛ́ ɩrɛ ʋ kpɛmɛ mɛ̃ kure caala a?

Wulu-ayi-sob 32:18

Yel-mɩŋa za, Ɩsɩrayɛl i, fʋ bɛr'ɩ a fʋ pì-kpɛ̃w, a ʋl na dɔw fʋ a, fʋ yiir'ɩ a Naaŋmɩn na kʋ̀ fʋ a nyɔ-vʋʋrʋ a bɛr!

Nɩ-toni 12:23

Ɛcɛ bɛ wa bere na Sore malkɩ ŋmɛ a Erɔdɩ, ʋ na bɛ tɩ sàw danɩ a Naaŋmɩn a ƴãw: zãzule tɩ dɩ ʋ na, ʋ kpi.

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Wulu-ayi-sob 6:12

nyɩɩm gù vla a lɛn daar taa yiire a Sore bɛrɛ ɩ, ʋl na ɩ nyɩ yi a Eziptɩ tẽw, a be nyɩ na tɩ ɩ gbãgbaar a.

Wulu-ayi-sob 8:11

Ɛcɛ nyɩ gùre nyɩ tʋɔra vla taa yiire a Sore nyɩ Naaŋmɩn bɛrɛ, bɛ wa tuur a ʋ nɛ-ƴãwnɩ, a ʋ tub nɩ a ʋ wulu ɩ̃ na kʋ̀rɛ nyɩ a dɩ̃a a ɩ.

Ɩzayi 9:4

A dɔ̃ dem nafaw-kpowtɩɛ za na nɛbr a tẽsɔw ʋ gbiwre a, a kpar-bɛrɛ za na ɩ zɩ̃ɩ tɛwr a ɩ n bʋ̃-nyɩw-bɛra, vũu dɩ a na.

Ɩzayi 10:24

A lɛ so, à ŋá n'a a Sore Naaŋmɩn, a kpɛnʋ-za-sob, ƴɛ̀rɛ: «Ɩ̃ nɩbɛ ɛ, nyɩɩm na kpɩɛr a Sɩyɔ̃ a, nyɩ ta zɔrɛ a Asiiri tẽw na ŋmɩɛr'ɩ nyɩ a ʋ dakpuli-ŋmãa ɛ́ mɩ́ zɛw a ʋ dabɔl a nyɩ ƴãw mɛ̃ a Eziptɩ tẽw dem a koro za a ɩ.

Ɩzayi 14:4

fʋ na cɛ n a yielu ŋa, kɛ́ fʋ ɩ a Babɩlɔn tẽw nãà la: Ŋmɩŋmɩn za n'a a tʋ̃ɔ́ ɩ? A nɩ-dɔwrɛ baarʋ n'a, a po-to-fãw-ɩb baarʋ n'a!

Ɩzayi 40:21

Nyɩ bɛ bãw ɛ? Nyɩ bɛ wõ a ɩ? Bɛ bɛ yel yel kʋ̀ nyɩ a pɛr-tib daar za ɩ? Nyɩ bɛ wõ a alɩ bome nɛ na n'ɩ a tẽ-daa pɛr a ɩ?

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Ɩzayi 54:14

A mɩnʋ n'a na tɩɛ fʋ. Fʋ kʋ̃ cãà zɔrɛ bom za dɛ̃bɩ̃ɛ ɩ, fɛrʋ za na na zãá nɩ fʋ a ƴãw. A dɛ̃bɩ̃-kpɛ̃ɛ na zãá nɩ fʋ na, ʋ kʋ̃ lɛb ta b ɛ.

Zeremi 38:19

A nãà Sedesɩasɩ tɩ sɔw nɩ a Zeremi: «Ɩ̃ zɔrɛ nɩ a Zuda tẽw nɩbɛ bɛl na de bɛ tʋɔra kʋ̀ a Babɩlɔn tẽw dem a dɛ̃bɩ̃ɛ. Bɛ nãà wa de m'a ƴãw a bɛ nuru pʋɔ, bɛ ɩ m la.»

Zeremi 41:18

Bʋ̃ʋ n'ʋ vɛ̃, bɛ tɩ zɔrɛ nɩ a Babɩlɔn tẽw dem dɛ̃bɩ̃ɛ, a lɛ a Yisɩmayɛl na dɛ tɩ kʋ a Gedalɩasɩ a Babɩlɔn tẽw nãà na tɩ ƴãw ʋ kaarɛ a Zuda tẽw a.

Sɛb-sõw yielu 106:13

Ɛcɛ bɛ tɩ yiir'ɩ a ʋ tome bɛr fɔ̃wlɛ, bɛ bɛ tɩ gù ʋ maalɩ a lɛ ʋ na tɩɛrɩ a yele bin a baarɩ ɛ.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Zeremi 51:19

Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»