Ɩzayi 51:11 - A SƐB-SÕW

¹¹ A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 51:11 Referans Kwoze

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Zeremi 33:11

a cuw gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu. Bɛ na lɛb'a wone a bɛlɩ dem na na wa n a bɛ danʋ bagɛ a Ŋmɩn-yir-kpɛ̃ɛ pʋɔ a, yielu ŋa: “Nyɩ danɛ a Sore, a kpɛnʋ-za-sob, bʋ̃ʋ n'ʋ vɛ̃, ʋ vɩɛl'a, ɛ́ a ʋ nɔ̃wfʋ be n be kʋralɛ.” Sɩza, ɩ̃ na lɛb'a maalɩ a tẽw ŋa ƴãw ʋ lɛb ŋmɛ̃ mɛ̃ a koro za a.» À à ŋá n'a a Sore yel.

Yel-wula 22:3

Naaŋmɩn ŋmɛ-ƴãw kãw za kʋ̃ lɛb cãà a be ɩ. A Naaŋmɩn nɩ a Pele naalʋ-dà-kɔw na be n a tẽw pʋɔ, ɛ́ a Naaŋmɩn tõ-tõ-biir na puore ʋ na.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Ɩzayi 44:23

Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Ɩzayi 49:13

Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Yel-wula 21:1

Lɛ n'a ɩ̃ tɩ nyɛ̃ salom-paala nɩ tẽsɔw-paala. Bʋ̃ʋ n'ʋ vɛ̃, a salom dãw-niwn sob nɩ a tẽsɔw dãw-niwn sob tɩ bɔr'a, a kʋ̃ɔ-kpɛ̃ɛ bɛ tɩ cãà be ɩ.

Sɛb-sõw yielu 126:5

A bɛlɩ dem na mɩ́ bʋ̀rɛ kone nɩ a, bɛ mɩ́ wa cɩɛr'a cɩlɛ nɩ.

Ɩzayi 11:15

A Sore na ɩ na a Eziptɩ tẽw kʋ̃ɔ-kpɛ̃ɛ gbɛ́r kò. Ʋ na vɛlɩ nɩ nũu cɔw a Efaratɩ man. A ʋ pɩɛlʋ fãw na ɩ na ʋ bʋ́r ɩ bà-gbɛ́ɛ ayopõi, bɛ na na tʋ̃ɔ́ mɩ́ ƴãw nafawr-ɓɛwlɩkɛl gãw nɩ a.

Ɩzayi 55:12

Nʋ̃ɔ̀ n'a na ɩrɛ nyɩ nyɩ yi a Babɩlɔn tẽw pʋɔ, ɛ́ ƴã-ɓaarʋ n'a bɛ na tɛr'ɩ nyɩ lɛb wa n a nyɩ tẽw. Nyɩ na tɔlɛ na a tan nɩ a tãli ŋmɩɛr nʋ̃ɔ̀ cɛlsɩ, ɛ́ a wɩ̀ɛ tɩɩr za ŋmɩɛr nuru ƴãwn.

Ɩzayi 65:14

A ɩ̃ tõ-tõ-biir na mɩ́ cáarɛ na, ɛ́ nʋ̃ɔ̀ paalɩ a bɛ socie! Ɛcɛ a nyɩɩm a, 'wɔbrʋ n'a na mɩ́ 'wɔbr nyɩ nyɩ cɩɩrɛ, ɛ́ a nyɩ socie paalɩ kpɩɛrʋ. Nyɩ na mɩ́ 'huore na, ɛ́ a tɩɛrʋ sãw ʋ za!

Zeremi 31:13

Lɛ n'a nʋ̃ɔ̀ na ɩrɛ a pɔwsɩrali bɛ ƴawr, lãwnɩ a pɔlbili nɩ a dɛb-nyamɛ. Ɩ̃ na ɩ na a bɛ wahala lɩɛbɩ nʋ̃ɔ̀, ɩ̃ na mɔwlɩ bɛ na. A pʋ-sãwna pùorí a, a na ɩ n a nʋ̃ɔ̀.

Sɛb-sõw yielu 126:2

Tɩ tɩ ɩ n laarʋ tɛwr, ɛ́ lɔbr nʋ̃ɔ̀ cɛlsɩ. Lɛ n'a bɛ tɩ yere a nɩ-bʋʋr-yoru sɔgɔ: «A Sore maal'ɩ yel-bɛrɛ a bɛ ƴãw!»