Ɩzayi 51:1 - A SƐB-SÕW

¹ A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

Ɩzayi 51:1 Referans Kwoze

Ɩzayi 51:7

Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Sɛb-sõw yielu 94:15

A ƴɛ̀rʋ na mɩ́ lɛb'a dɩ a tu a yel-mɩŋa, ɛ́ a soci-dẽdẽ dem za na mɩ́ sàw na.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Ʋrɔm 14:19

A na ɩ à ŋá a, nyɩ ɩ tɩ bɔbr a yele al na waar'ɩ a ƴã-ɓaarʋ a, nɩ a al na mɩ́ ɩ tɩ lãw kɛrɛ a sàw-deb pʋɔ a.

Ɩzayi 48:12

A Sore yere na: Nyɩ bɛrɛ wone mɛ̃, Zakɔb nɩ-bʋʋrɛ ɛ, nyɩɩm Ɩsɩrayɛl nɩbɛ ɩ̃ na bʋɔlɩ a. Mãa n'ʋ! Mãa n'ɩ a niw-diere, mãa mɩ̀ n'ɩ a po-pàwrɛ.

2 Timote 2:22

Dɛrɛ a fʋ pɔ̀lʋ daar bʋ̃-nɔnɩ, ɛ́ lãw nɩ a bɛlɩ dem na bʋɔlɛ a Sore nɩ soci-pla parpar a tu a mɩnʋ, a naaŋmɩn-sàw-deb, a nɔ̃wfʋ nɩ a ƴã-ɓaarʋ pùor.

Amɔsɩ 5:6

Nyɩ bɔbr a Sore ɛ́ nyɩ na vʋʋrɛ na. Zuzɛb yir nɩbɛ ɛ, nyɩ gù vla ʋ taa wule a ʋ fãw ɛ, alɛ bɛ ɩ lɛ, a na ɩ na mɛ̃ vũu na dɩrɛ a Betɛl tẽw pʋɔ bome ɛ́ nɩr za kʋ̃ tʋ̃ɔ́ a kpiiri bɛr a.

Zʋkpaɩ 21:21

Nɩr na tu a nɔ̃wfʋ ɩb nɩ a pùor-bɛ-lɛbrʋ pùor a na páw nɩ nyɔ-vʋʋr-wogo, mɩnʋ nɩ ƴãwfʋ.

Zʋkpaɩ 15:9

A Sore bɛ nɔnɛ a nɩ-faar ɩb towtow ɛ, ɛcɛ ʋ nɔnɛ nɩ a sob nɛ na tuur a mɩnʋ a.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

Filib 3:13

Yɛbr i, ɩ̃ bɛ tɩɛrɛ k'ɩ̃ɩ nyɔw ʋ na baarɩ sɛr ɛ. Bʋ̃-been yõ n'ʋ ɩ̃ bɔbr: k'ɩ̃ɩ yiiri a pùorí yele bɛr, ɛ́ tori niwn a nidaa dem ƴãw.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Matie 5:6

Zu-nʋ̃ɔ̀ dem'ɩ a bɛlɩ dem yel-mɩŋa kɔ̃ nɩ kʋ̃ɔ-nyúur na kpɩɛr a, bɛ na tɩw na.

Ɩzayi 45:19

Ɩ̃ bɛ sɔwlɩ ƴɛ̀r a tẽw zie kãw na liw a ɩ. Ɩ̃ bɛ yel a Zakɔb bʋʋrɛ: Nyɩ bɔbr mɛ̃ zi-vuo pʋɔ ɩ. A mãa Sore a, ɩ̃ yere nɩ bom na tu mɩnʋ a, ɩ̃ yere nɩ bom na ɩ sɩza a.»

Sɛb-sõw yielu 24:6

A nɩbɛ bɛl bʋʋrɛ na bɔbr a Sore a n'ɩ a bɛ ŋa, a bɛl na bɔbr a Naaŋmɩn niwn a, bɛlɛ sɩrɩ n'ɩ a Zakɔb bʋʋrɛ. Tɛw-àrʋ

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Ɩzayi 55:6

Nyɩ bɔbr a Sore a ƴɛrɛŋa ʋ na mɩ́ bɛr bɛ nyɛ̃ ʋ a. Nyɩ bʋɔlɛ ʋ a ƴɛrɛŋa ʋ na pɩɛlɩ nyɩ a.

Ɩzayi 51:4

A Sore yere na: «Nyɩɩm, ɩ̃ nɩbɛ ɛ, nyɩ bɛrɛ wone a ɩ̃ ƴɛ̀rʋ, nyɩɩm, ɩ̃ tẽw dem i, nyɩ cɛlɛ be! Bʋ̃ʋ n'ʋ vɛ̃, mãa zie n'a a wulu na yi, ɛ́ a lɛ ɩ̃ na dɩ a ƴɛ̀rʋ bin a n'a na ɩ a cãà na caalɛ a nɩ-bʋʋrɛ a.

Ʋrɔm 10:3

Bʋ̃ʋ n'ʋ vɛ̃, bɛ bɛ tɩ bãw a lɛ a Naaŋmɩn na mɩ́ ɩ a nɩsaalbɛ bɛ lɩɛbɩ nɩ-mɩn a ʋ niŋé a ɩ, ɛ́ tɩ bɔbr kɛ́ bɛ tɛr bɛ tʋɔra tub a al ƴãw. À ŋá n'a bɛ bɛ tɩ sàw de a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a ɩ.

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

2 Bibie za yel-manɩ 15:4

Ɛcɛ a bɛ kpɩɛrʋ pʋɔ a, bɛ lɛb'a wa a Sore, a Ɩsɩrayɛl Naaŋmɩn zie. Bɛ bɔ ʋ na, ʋʋ bɛr bɛ nyɛ̃ ʋ.

Ɩzayi 48:1

Nyɩ bɛrɛ wone, Zakɔb nɩ-bʋʋrɛ ɛ, nyɩɩm bɛ na bʋɔlɛ nɩ a Ɩsɩrayɛl yúor ɛ́ nyɩ ɩ a Zuda bʋʋrɛ a. Nyɩ mɩ́ pɔ n nɩ a Sore yúor ɛ́ ƴɛ̀rɛ a Ɩsɩrayɛl Naaŋmɩn ɩ-ɩrɩ ƴɛ̀rʋ, ɛcɛ a bɛ mɩ́ tu a yel-mɩŋa nɩ a mɩnʋ ɛ.