Ɩzayi 50:6 - A SƐB-SÕW

⁶ Ɩ̃ lɩɛb'ɩ a ɩ̃ zikur kʋ̀ a bɛlɩ dem na pɔbr mɛ̃ a, ɛ́ lɩɛbɩ a kɔrɛ cɔw a bɛlɩ dem na tawr a ɩ̃ tɩɛm kɔblʋ vɔnɛ a. Ɩ̃ bɛ pàw a ɩ̃ niwn tɛr a kaar-bie nɩ a zʋmɛ ƴãw ɛ.

Ɩzayi 50:6 Referans Kwoze

Matie 26:67

Lɛ n'a bɛ tɩ pʋʋrɩ mʋtaar waar'ʋ a niwn ɛ́ pɔb pɔb ʋ, bɛ mɩnɛ mɩ́ tɩ ɓa ʋ na

Markɩ 14:65

Bɛ mɩnɛ kãw tɩ tĩ na pʋʋrɛ mʋtaar ƴãwn ʋ, ɛ́ pàwr ʋ a niwn, ɛ́ ŋmɩɛr ʋ yere nɩ: «Bãw, ãa n'ʋ ŋmɛ b.» Bɛ tɩ bɛr'ɩ a Yeezu kʋ̀ a tõ-tõ-biir bɛ ɓa ɓa ʋ.

Markɩ 15:19

Bɛ mɩ́ tɩ de nɩ bàa-kɛkɛr vàrɛ nɩ ʋ a zũú, ɛ́ pʋʋrɛ mʋtaar ƴãwnɛ ʋ, ɛ́ mɩ́ gbĩ dume a ʋ niŋé gũu tɩ tɔ a tẽw.

Matie 27:30

Bɛ tɩ pʋʋrɛ nɩ mʋtaar waarɛ ʋ, ɛ́ mɩ́ de a bàa-kɛkɛr va n a ʋ zũú.

Ɩzayi 53:5

Ɛcɛ a tɩ ɩ-faar'a so bɛ cɔ̀r ʋ col, a tɩ yel-bebe zũú n'a bɛ ƴɛ́r ʋ ŋmɛr. A dɔwrʋ ʋl na ɩ kɛ̀ tɩ páw a ƴã-ɓaarʋ a, ʋl zu n'a k'ʋ lo. Ɛ́ a ʋ natɩɛ n'a so kɛ̀ tɩ nyɛ̃ a sanʋ.

Zã 18:22

A ƴɛ̀r-bie á ŋá bɛ tɩ lo tẽw sɛr ɛ, ɛ́ a Ŋmɩn-yir-kpɛ̃ɛ gùre ƴen sob kãw, na tɩ àr a be a, ɓa ʋ ɛ́ yel: «À ŋá n'a fʋ sɔwr a bàwr-maal-kara ƴɛ̀rʋ bɩɩ?»

A Lãw-mʋɔlɛ 3:30

K'ʋʋ mɩ́ lɩɛbɩ a kɔ́r cɔw a sob nɛ na ɓarɛ ʋ a, ɛ́ sàw ɩ a zʋmɛ nɩr.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Matie 5:39

Ɛcɛ mãa yere na kʋ̀rɛ nyɩ: nɩr na ɩrɛ a kpɩɛr nyɩ a, nyɩ ta mɩ́ yáa a san ɛ. Nɩr wa ɓa b a dʋrʋ kɔrɩ́ a, fʋ̃ʋ lɛb cɩɩlɩ a gʋba kɔr kʋ̀ ʋ ʋ ɓa.

Neemi 13:25

Ɩ̃ tɩ yere bɛ na, ɛ́ ŋmɛ ƴãw bɛ. Ɩ̃ mɔ̃ mɩ̀ tɩ pɔb'ɩ a dɛbr bɛ mɩnɛ ɛ́ taw a bɛ zukɔbɛ vɔ̃. Al pùorí, ɩ̃ ƴãw bɛ pɔ n a Naaŋmɩn yúor kɛ́ bɛ kʋ̃ lɛb kʋ̀ a bɛ pɔwyaar nɩ-bʋʋr-yoru nɩbɛ bɛ kul ɛ, ɛ́ mɩ̀ kʋ̃ lɛb de nɩ-bʋʋr-yoru pɔwyaar a bɛ bidɛbr ƴãw bɩɩ a bɛl mɩŋa ƴãw ɛ.

Matie 27:26

A lɛ n'a ʋ tɩ yuo a Barabasɩ kʋ̀ bɛ ɛ́ ƴãw bɛ fɔb a Yeezu, ʋʋ pãa de ʋ kʋ̀ bɛ kɛ́ bɛ tɩ kpa a da-gara zu.

Mise 5:1

A Sore yere na: «Ɛ́ fʋ̃ʋ Bɛtɩlɛm Efarata a, fʋ ɩ n tẽle lɛ a Zuda dɔwlʋ ten pʋɔ. Ɛcɛ a fʋ pʋɔ n'a ɩ̃ na ɩ a sob nɛ na na dɩrɛ naalʋ a Ɩsɩrayɛl bʋʋrɛ zu a ɩ̃ yúor ƴãw a, ʋ yi. A tẽ-kor daar za n'a ʋ tɩ be.

Sɔr-nɛ́ɛ 12:14

A Sore tɩ sɔw ʋ na: «A ʋ sãà tɩ n'ʋ cɩr mʋtaar waar'ʋ a niwn a, vĩ k'ʋʋ nyɔw ʋ bibie ayopõi ɛ? A na ɩ lɛ a, bɛ diw ʋ bɛr a laɩ pʋɔ bibie ayopõi. Al pùorí n'a ʋ na tʋ̃ɔ́ lɛb wa.»

A Zɔb sɛbɛ 16:10

Bɛ háa nɩ a nɛ́ɛ mɛ̃ wɛ-dʋn a, kɛ́ bɛ ƴãw mɛ̃ dɛ̃bɩ̃ɛ, bɛ ɓarɛ mɛ̃ na, kɛ́ bɛ ɩ m la, bɛ gbone nɩ taa a ɩ̃ ƴãw.

A Zɔb sɛbɛ 30:10

Ɩ̃ ɩrɛ bɛ nɩ kɔkɔrʋ bɛ tawr zãánɛ nɩ mɛ̃, bɛ cɩrɛ nɩ mʋtaar waarɛ mɛ̃ a niwn ɛ́ a bɛ ɩrɛ bɛ bom ɛ.

Sɛb-sõw yielu 69:7

Sore, Naaŋmɩn-kpɛnʋ-za-sob i, a bɛlɩ dem na ƴãw a bɛ tɩɛrʋ a fʋ ƴãw a, ɩ̃ bɛ bɔbr kɛ́ bɛ nyɛ̃ vĩ a mãa ƴãw ɛ. Ɩsɩrayɛl Naaŋmɩn i, ta sàw a nɩbɛ na bɔbr fʋ a nyɛ̃ zʋmɛ a mãa ƴãw ɛ.

Sɛb-sõw yielu 69:8

Fʋ̃ʋ ƴãw n'a a zʋmɛ dúor mɛ̃, ɛ́ a vĩ bɛ sàw ɩ̃ na dʋɔ zu ɛ.

Sɛb-sõw yielu 129:3

Bɛ wɛr wɛr'ɩ a ɩ̃ zikur, mɛ̃ nĩi na kɔ tẽsɔw cen nɩ a.

Ɩzayi 53:7

Bɛ dɔwr'ʋ na, ʋʋ siwri ʋ tʋɔra, ʋ bɛ háa nʋɔr ɛ. Mɛ̃ péle bɛ na cere nɩ a kʋb zie a, mɛ̃ pɛ́rʋ bɛ na ŋmarɛ a kɔblʋ ʋʋ àr gbili a, ʋ bɛ háa nʋɔr ɛ.