Ɩzayi 50:2 - A SƐB-SÕW

² Bʋ̃ʋ n'ʋ so ɩ̃ wa bɛ nyɛ̃ nɩr za? Bʋ̃ʋ n'ʋ so ɩ̃ bʋɔlɩ nɩr bɛ sɔw? A ɩ̃ kpãkpãw nɔ̃w ɩ n ŋmãa zuo a nyɩ faafʋ ƴãw bɩɩ? Ɩ̃ nɔ̃w bɛ tɛr fãw na ɩ nyɩ so nyɩ tʋɔra bɩɩ? Ɩ̃ mɩ́ tanɩ nɩ tanʋ tɛwr ɩ a kʋ̃ɔ-kpɛ̃ɛ ʋ ko, ɛ́ ɩ a mamɛ a lɩɛbɩ wɛja-kpalɩ. Lɛ n'a a kʋ̃ɔ na bɛ mɩ́ ka be a, a zʋ́mɛ́ mɩ́ kpi kʋ̃ɔ-nyúur pʋ̃ɔ́.

Ɩzayi 50:2 Referans Kwoze

Ɩzayi 59:1

A Sore nũu bɛ ɩ ŋmãa zuo a nyɩ faafʋ ƴãw ɛ, a ʋ tobe bɛ wõw zuo a wob ƴãw ɛ.

Sɔr-nɛ́ɛ 11:23

A Sore tɩ sɔw ʋ na: «A ɩ̃ fãw nɔ̃w bɛ ta bɩɩ? Ka nɩ blã a, fʋ na nyɛ̃ nɩ a ƴɛ̀rʋ ɩ̃ na ƴɛ̀r kʋ̀ b a, a na tu na bɩɩ a kʋ̃ tu.»

Ɩzayi 66:4

A na ɩ à ŋá a, a mãa mɩ̀, ɩ̃ na kaa na ír bɛr bɛ kʋ̀ a alɩ bome nɛ bɛ na mɩ́ wa ùr ɩrɛ a lɛ bɛ na nɔnɛ a na waar'ɩ a. Ɩ̃ na ɩ na a ʋlɩ bom nɛ na ɩrɛ bɛ dɛ̃bɩ̃ɛ a wa a bɛ zu. Bʋ̃ʋ n'ʋ vɛ̃, ɩ̃ bʋɔl'a ɛ́ nɩr za bɛ sɔw ɛ, ɩ̃ ƴɛ̀r'a, ɛ́ nɩr za bɛ bɛr wõ ɩ. Bɛ ɩ n a ʋlɩ bom nɛ na bɛ vɩɛl a a ɩ̃ zie, bɛ kaa na ír a ʋlɩ bom nɛ na bɛ nʋmɛ a ɩ̃ zie a.»

Zozue 3:16

a kʋ̃ɔnɩ na yi a man saa-zu zɔrɛ siwr a tɩ tɛw na àr mɛ̃ bɩwfʋ n'a bɛ bɩw a a, a tɩ tɛw na àr zãá yaga tɩ ta Adam tẽ-kpɛ̃ɛ na pɩɛlɩ a Sartan a, ɛ́ a kʋ̃ɔnɩ al na zɔrɛ siwr a Araba kʋ̃ɔ-kpɛ̃ɛ lowr a, a Nyaarʋ kʋ̃ɔ-kpɛ̃ɛ, a tɩ zɔ n a za, ɛ́ a Ɩsɩrayɛl nɩbɛ tɔl gãw tori a Zeriko.

Yele-za-pɛr-tib 18:14

Bom be n be a Sore kʋ̃ tʋ̃ɔ́ ɩ ɛ? Mãa wa lɛb wa a fʋ zie a vɩɛr à à ŋá tɔ-won a, a Saara na tɛr'ɩ dɛble.»

A naaŋmɩn-ƴèr-manɛ Oze sɛbɛ 11:7

A ɩ̃ nɩ-bʋʋrɛ su n zu zawrɛ mɛ̃ bɛrɛ, bɛ bʋɔlɛ bɛ na kɛ́ bɛ lɛb ìr, ɛcɛ bɛ been kãw za bɛ lɛb ìre ɩ.»

Zʋkpaɩ 1:24

Ɩ̃ bʋɔlɛ nyɩ na ɛ́ nyɩ bɛ sàwr ɛ, ɩ̃ ture nyɩ nɩ a nũu ɛ́ nɩr za bɛ cɛlɛ be ɩ.

Zã 1:11

Ʋ wa n a ʋl mɩŋa zi-sóra pʋɔ, ɛ́ a ʋ nɩbɛ bɛ wa de ʋ ɛ.

Nahum 1:4

Ʋ mɩ́ tanɩ nɩ a kʋ̃ɔ-kpɛ̃ɛ ʋ ko, ʋ mɩ́ ɩ n a mamɛ za a sɩr. Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀, nɩ a Karmɛl tãw za mɩ́ mʋ̃ɔ̀ mʋ̃ɔ̀, ɛ́ a Libã tɩ-puuru vàr vàr.

A naaŋmɩn-ƴèr-manɛ Oze sɛbɛ 11:2

Ɛcɛ a pùorí, a lɛ ɩ̃ na nɩ̃ɛ mɩ́ tɩ bʋɔlɛ bɛ a n'a, bɛ mɩ́ lɛb bãw ƴãw fãw cere zãánɛ nɩ mɛ̃. Bàál mɩnɛ nɛbɛ bɛ maalɩ bàwr kʋ̀, ɛ́ nyɩw de-kʋ̀b bome ƴãw tɩbɛ nɩsaal na pɛnɩ a.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Ɩzayi 65:12

A na ɩ à ŋá a, ɩ̃ na bɛr nyɩ na kʋ̀ a nyɩ dɔ̃ dem. Nyɩ na gbĩ n dume bɛ ŋmaarɩ nyɩ a kɔkɛɛ. Bʋ̃ʋ n'ʋ vɛ̃, ɩ̃ bʋɔl'a, ɛ́ nyɩ bɛ sɔw ɛ. Ɩ̃ ƴɛ̀r'a, ɛ́ nyɩ bɛ bɛr wõ ɩ. Nyɩ ɩ n a lɛ na bɛ vɩɛl a a ɩ̃ zie, nyɩ kaa na ír a bom nɛ na bɛ pɛlɩ a ɩ̃ pʋɔ a.

Ɩzayi 59:16

Ʋ nyɛ̃ na kɛ́ nɩr za bɛ tɩ damnɛ damnʋ ɛ, a tɩ ùr ʋ na, nɩr za na bɛ tɩ ɩrɛ bom a. Lɛ n'a ʋ tɩ yel k'aa ʋl mɩŋa na ɩ n ɩb kãw, ɛ́ a ʋ mɩnʋ n'a tɩ kʋ̀ ʋ a fãw a al ƴãw.

Ɩzayi 43:16

À ŋá n'a a Sore yere, ʋl na tɩ puo sɔ́r a kʋ̃ɔ-kpɛ̃ɛ pʋɔ a, na tɩ ƴãw tɔlʋ zie a kʋ̃ɔ na damnɛ nɩ fãw a pʋɔ a.

Ɩzayi 42:15

Ɩ̃ na sãw nɩ a tã-bɛrɛ nɩ a tãli bɛr, ɛ́ ɩ a bʋ̃-buli za a ko a be. Ɩ̃ na ɩ n a mamɛ lɩɛbɩ tẽsɔw-kpɛ̃w, ɛ́ ɩ a gbãtaɩ kʋ̃ɔ a sɩr.

Eziptɩ tẽw yib 14:21

A Moyiir tɩ dɔl'ɩ a nũu a kʋ̃ɔ-kpɛ̃ɛ zu. Lɛ n'a a Sore tɩ ɩ saa-pɛrɩ́ sɛsɛb fu n fãw, da a kʋ̃ɔ-kpɛ̃ɛ kʋ̃ɔ cen nɩ, ɛ́ bɛr ʋ ʋ ko gã. A kʋ̃ɔnɩ tɩ bʋ́r'ɩ ziir ayi,

Eziptɩ tẽw yib 7:21

A zʋ́mɛ́ tɩ kpi na, a man kʋ̃ɔ nyùur, a Eziptɩ tẽw nɩbɛ kʋ̃ lɛb tʋ̃ɔ́ a nyũ ɛ. A tẽw ziir za tɩ ɩ n a zɩ̃ɩ.

Eziptɩ tẽw yib 7:18

A zʋ́mɛ́ na kpi na, a man kʋ̃ɔ na nyùur a, a Eziptɩ tẽw dem kʋ̃ lɛb tʋ̃ɔ́ a nyũ ɛ”.»

Zã 3:19

A ƴɛ̀rʋ bɛ na na maalɩ a n'ɩ ŋa: a cãà wa n a tẽ-daa zu, ɛ́ a nɩsaalbɛ wa nɔ̃w a lige gãw a cãà, a bɛ ɩ-ɩrɩ na bɛ vɩɛl a zũú.

Markɩ 4:39

Ʋ tɩ ìr'a tanɩ a sɛsɛb ɛ́ yel a kʋ̃ɔ-kpɛ̃ɛ: «Ɩ gbili! Bɛr gɔmɛ!» A sɛsɛb tɩ ŋmãa na ɛ́ a zie ŋmãa vʋʋrʋ cɩ̃ɩɩ!

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

Ɩzayi 63:13

Ʋlɛ n'ʋ ɩ bɛ cen tɔl a kʋ̃ɔ-kpɛ̃ɛ-zulu pʋɔ mɛ̃ wur na cen tɔl wɛja-kpalɛ pʋɔ a, ɛ́ bɛ̀ bɛ lo ɩ.

Ɩzayi 51:10

Fʋ̃ʋ mɩ̀ bɛ n'ʋ tɩ ɩ a kʋ̃ɔ-kpɛ̃ɛ, a kʋ̃ɔ-kpɛ̃ɛ-zulu zulu ʋ kò ɩ? Fʋ̃ʋ cãà bɛ n'ʋ tɩ puo sɔ́r a kʋ̃ɔ-kpɛ̃ɛ pɛrɩ́, k'aa fʋ nɩbɛ fʋ na ya de a tɔl ɛ?

Ɩzayi 41:28

Ɩ̃ jɩ́r'ɩ vla vla: ɩ̃ bɛ nyɛ̃ nɩr za ɩ. A nɩ-bʋʋr-yoru ŋmɩmɛ pʋɔ a, kãw za bɛ tɛr ƴɛ̀rʋ ɛ! Nɩr bɛ be be na wul yã ɩ, nɩr na na tʋ̃ɔ́ sɔw mɛ̃ a!

Ɩzayi 36:20

A ten á ŋá ŋmɩmɛ za pʋɔ a, buor'ʋ faa a ʋ tẽw a ɩ̃ nuru pʋɔ, a Sore na wa piw mɛ sɔ́r a Zerizalɛm deb ƴãw?”»

Ɩzayi 19:5

A Nɩl kʋ̃ɔ báarɛ na, a man ŋa ko n pelẽpelẽ.

Sɛb-sõw yielu 107:33

Ʋlɛ n'ʋ mɩ́ ɩ mamɛ a lɩɛbɩ wɛja-kpalɛ, ɛ́ ɩ bul-nɛ́ɛ a lɩɛbɩ tẽsɔw-kõw,

2 Bibie za yel-manɩ 32:15

Ƴɛrɛŋa a, nyɩ ta bɛr a Ezekɩasɩ ŋmarɛ ziri bɛ̀lɛ nɩ nyɩ ɛ, nyɩ ta sàw de a ʋ ƴɛ̀rʋ ɛ, bʋ̃ʋ n'ʋ vɛ̃, tẽw kãw za bɩɩ naalʋ-tẽw kãw za ŋmɩn kʋ̃ tʋ̃ɔ́ faa a ʋ nɩ-bʋʋrɛ a ɩ̃ nuru pʋɔ nɩ a ɩ̃ sãà mɩnɛ nuru pʋɔ ɩ, lɛ so a nyɩ ŋmɩmɛ mɩ̀ kʋ̃ faa nyɩ ɛ.”»

Eziptɩ tẽw yib 14:29

Ɛcɛ, a Ɩsɩrayɛl nɩbɛ bɛl tɩ kpɛ na tɔl a kʋ̃ɔ-kpɛ̃ɛ dĩo pʋɔ nɩ gbɛ-kon: a kʋ̃ɔ tɩ ɩ na mɛ̃ dacĩ-kpɛ̃ɛ a, be a bɛ dʋrʋ lowr nɩ a bɛ gʋba lowr.

Zeremi 8:6

Ɩ̃ bɛr'a wõ a lɛ bɛ na yere a vla vla: a lɛ za bɛ na yere a bɛ tɛr pɛr ɛ. A bɛ kãw za bɛ bɛr a ʋ ɩ-faar ɛ, ɛ́ bɛ sowre ʋ tʋɔra: “Bʋ̃ʋ n'ɩ à ŋá ɩ̃ na ɩ a?” Ŋa za mɩ́ lɛb'a nyɔw a zɔba, mɛ̃ wur na garɛ zɛbr zie a.

Sɛb-sõw yielu 106:9

Ʋ tɩ tanɩ nɩ a Bàa-kɛkɛɛ kʋ̃ɔ-kpɛ̃ɛ, ʋ ko daadaalɛ, ʋʋ ƴãw bɛ cen tɔl a man dĩo pʋɔ mɛ̃ wɛja-kpalɛ pʋɔ a.

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Ɩzayi 11:15

A Sore na ɩ na a Eziptɩ tẽw kʋ̃ɔ-kpɛ̃ɛ gbɛ́r kò. Ʋ na vɛlɩ nɩ nũu cɔw a Efaratɩ man. A ʋ pɩɛlʋ fãw na ɩ na ʋ bʋ́r ɩ bà-gbɛ́ɛ ayopõi, bɛ na na tʋ̃ɔ́ mɩ́ ƴãw nafawr-ɓɛwlɩkɛl gãw nɩ a.

Ɩzayi 23:11

A Sore zɛw nɩ a nũu a kʋ̃ɔ-kpɛ̃ɛ ƴãw, ʋ ɩ na a naalʋ-ten màwr, ʋ yel'a kɛ́ bɛ sãw a Kanãa tẽw zɛbr-yir-kpɛn bɛr.

Ɩzayi 44:27

Ɩ̃ yere nɩ a kʋ̃ɔ-kpɛ̃ɛ na zulme a: “Ko gã, ɩ̃ na ɩ n a fʋ mamɛ a sɩr”.

Ɩzayi 54:6

A fʋ pʋɔ za tɩ sãw na, mɛ̃ pɔw bɛ na zawrɩ bɛr a. Ɛcɛ a Sore lɛb'a de b. A fʋ Naaŋmɩn yere na: Nɩr na tʋ̃ɔ́ na sɩrɩ zawrɩ a pɔ̀lʋ daar pɔw bɛr ɩ?

Zeremi 7:27

A fʋ̃ʋ Zeremi, fʋ na tɩ yel'ɩ à á ŋá za kʋ̀ bɛ, ɛ́ bɛ kʋ̃ bɛr wõ ɩ. Fʋ na tɩ bʋɔlɩ bɛ na, ɛ́ bɛ kʋ̃ sàw ɛ.

Zeremi 14:9

Bʋ̃ʋ n'ʋ so fʋ ɩrɛ mɛ̃ nɩr na bɛ tɛr fãw a, mɛ̃ gãdaa na kʋ̃ tʋ̃ɔ́ nɩr faa a? Ɛcɛ fʋ̃ʋ n'ɩ ŋa be a tɩ sɔgɔ, Sore e, fʋ̃ʋ so tɩ, ta bɛr tɩ tɩ lo ɩ.»

Zeremi 35:14

A Erekaavʋ bidɛb, Yonadavʋ, tɩ ƴãw nɩ nʋɔr kʋ̀ a ʋ bibiir kɛ́ bɛ taa nyúur divɛ̃ ɩ. A Erekaavʋ dɔwlʋ nɩbɛ tɩ sàw na tu a ƴɛ̀rʋ ŋa. Bɛ bɛ nyũ divɛ̃ wa tɔ a dɩ̃a ɩ, bʋ̃ʋ n'ʋ vɛ̃, bɛ sàw nɩ a bɛ sãàkʋm-kʋra nʋɔr. Ɛ́ a mãa Sore, kʋralɛ n'a ɩ̃ kpaalɛ nyɩ, ɛcɛ nyɩ bɛ bɛr wõ m ɛ.

Habakukɩ 3:8

Sore e, a mamɛ n'a bɩɩ, a mamɛ n'a mɩ́ ƴãw fʋ nyɛ̃ a suur bɩɩ? A kʋ̃ɔ-kpɛ̃ɛ n'ʋ fʋ mɩ́ nyɛ̃ nɩ a suur pi kɔkɛɛ bɩɩ? Fʋ mɩ́ do n a zũzuge zu mɛ̃ zɛbr-torko zu, a wie na wɩɛr'ɩ fʋ a zɛb-tʋ̃ɔ́fʋ zie a.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.