Ɩzayi 50:10 - A SƐB-SÕW

¹⁰ Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Ɩzayi 50:10 Referans Kwoze

Zã 12:46

A mãa na ɩ a cãà a, ɩ̃ wa n a tẽ-daa zu kɛ́ sob nɛ za na sàw de m a, ta be lige pʋɔ ɩ.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Sɛb-sõw yielu 23:4

Mãa saa tuur yire a kũu bà-fʋɔl-lige pʋɔ a, ɩ̃ bɛ zɔrɛ yel-faa kãw za ɩ, fʋ na be a ɩ̃ zie a ƴãw: a fʋ dabɔl nɩ a fʋ dakʋra mɩ́ ɩ na k'ɩ̃ bɛr dɛ̃bɩ̃ɛ.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Ɩzayi 9:2

Sore e, fʋ ɩ na a cɩlʋ laarɩ bɛ, fʋ ɩ na a bɛ nʋ̃ɔ̀ kpɛ kpɛ̃ɛ. Bɛ cɩlɛ nɩ a fʋ niŋé mɛ̃ kɔb bome bɛ na mɩ́ dier cɩlɛ nɩ a, mɛ̃ dɔ̃ dem na-bome bɛ na mɩ́ pone ŋmɩɛr'ɩ nʋ̃ɔ̀ cɛlsɩ a.

Sɛb-sõw yielu 25:14

A Sore mɩ́ yel'ɩ a ʋ yel-sɔwla kʋ̀ a bɛlɩ dem na ƴãwnɛ ʋ a, ʋ mɩ́ ɩ na bɛ bãw a ʋ wõ-taa yel-fɛrɩ.

1 Pɩɛr 5:7

A yele al za na ƴãwnɛ nyɩ tɩɛrʋ a, nyɩ de a kʋ̀ ʋ, bʋ̃ʋ n'ʋ vɛ̃ ʋ kaarɛ nɩ nyɩ zie.

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Sɛb-sõw yielu 28:7

A Sore gùre mɛ̃ na, ʋlɛ n'ɩ a ɩ̃ zɛbr-kur-pãgala. Ʋlɛ n'ʋ ɩ̃ tɩ tɩɛrɛ nɩ ɩ̃ pʋɔ za, ʋʋ faa mɛ̃ na. Ɩ̃ cɩlɛ nɩ ɩ̃ za, ɛ́ yiele danɛ nɩ ʋ.

Malasɩ 3:16

À à ŋá n'a a bɛlɩ dem na zɔrɛ a Sore a, tɩ ƴɛ̀rɛ sɔwr taa. A Sore tɩ cɛlɩ nɩ be bɛr wõ bɛ. A bɛlɩ dem na zɔrɛ a Sore ɛ́ ƴãwnɛ ʋ a, bɛ tɩ sɛb'ɩ a bɛ yée ƴãw sɛbɛ pʋɔ a ʋ niŋé.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Ɩzayi 50:4

A Sore Naaŋmɩn wul mɛ̃ nɩ a ʋlɩ bom nɛ a na fɛr k'ɩ̃ɩ yel, tʋ̃ɔ́ mɩ́ tɛr mɔwlʋ ƴɛ̀r-bie a sob nɛ na bàl a zie a. Biɓaara za, ʋ mɩ́ sɩ̃w mɛ̃ na, k'ɩ̃ɩ tʋ̃ɔ́ bɛrɛ wone mɛ̃ a po-tuurbɛ a.

Sɛb-sõw yielu 25:12

Nɩr be n be ƴãwnɛ a Sore e? A Sore mɩ́ wul ʋ nɩ a sɔ́r ʋl a na fɛr k'ʋʋ kaa ír a.

A Zɔb sɛbɛ 29:3

a lɛn daar a ʋ fɩ̃tɩlɛ na tɩ cãà caalɛ a ɩ̃ zu-sɔw, ɛ́ a ʋ cãà caalɛ mɛ̃ a tɩ̃ɩsɔw ɩ̃ cere a!

Sɛb-sõw yielu 128:1

Zerizalɛm dob daar yielu. Zu-nʋ̃ɔ̀ dem'ɩ a bɛlɩ dem za na zɔrɛ a Sore, ɛ́ tuur a ʋ sɛ́ɛ a.

Sɛb-sõw yielu 111:10

A yã-bãwfʋ tib zie n'ɩ a Sore zɔba. Bɛlɩ dem za na sàwr a ʋ nɛ́ɛ a sɩrɩ na ɩ yã-bãwnbɛ. A Sore danʋ be n be kʋralɛ.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Sɛb-sõw yielu 145:21

Ɩ̃ na yiele na danɛ nɩ a Sore, ɛ́ bʋ̃-vʋʋra za na puore nɩ a Naaŋmɩn na ɩ sõw a yãanɩ yome yome za.

2 Bibie za yel-manɩ 20:20

A bio daarɩ́ biɓaar-pipi, bɛ za tɩ ìr'a lo a Tekowa wɛja-kpalɛ sɔ́r. Bɛ na na tɩ yi lo a sɔ́r a, a Zozafatɩ tɩ yel bɛ na: «Zuda nɩbɛ nɩ Zerizalɛm nɩbɛ ɛ, nyɩ bɛr wõ a ɩ̃ ƴɛ̀rʋ! Nyɩ ƴãw a nyɩ tɩɛrʋ za a Sore nyɩ Naaŋmɩn ƴãw, ɛ́ nɩr kʋ̃ tʋ̃ɔ́ nyɩ ɛ. Nyɩ ƴãw a nyɩ tɩɛrʋ a ʋ ƴɛ̀r-manbɛ ƴãw, ɛ́ nyɩ na zɛb'a tʋ̃ɔ́!»

Ɩzayi 42:1

A Sore yere na: Nyɛ̃ a ɩ̃ tõ-tõ-bie ɩ̃ na tɩ̀ɛ a, a ɩ̃ nɩ-kaa-íra na pɛlɩ a ɩ̃ pʋɔ a. Ɩ̃ ƴãw nɩ a ɩ̃ Vʋʋrʋ a ʋ zu, k'ʋʋ ɩ a nɩ-bʋʋrɛ bãw a lɛ-na-tu-sɔr-a.

Ekilezɩasɩ 12:13

Nyɛ̃ a ƴɛ̀rʋ á ŋá za na ƴɛ̀r a nʋɔr kʋb zie: zɔrɛ a Naaŋmɩn ɛ́ sàwr a ʋ nɛ-ƴãwnɩ. À à ŋá n'a a fɛr kɛ́ nɩsaal za ɩrɛ.

A Zɔb sɛbɛ 13:15

A bɛ tɛr vɛb ɛ, a Naaŋmɩn na kʋ m a, ɩ̃ bɛ cãà tɩɛrɛ bom za ɩ. Ɛcɛ ɩ̃ na ƴɛ̀r'a wul a ɩ̃ yel-mɩŋa a ʋ niŋé.

2 Bibie za yel-manɩ 20:12

Sore tɩ Naaŋmɩn i, fʋ kʋ̃ ƴãw bɛ dɔwrʋ na sɛw taa nɩ bɛ a ɩ? Bʋ̃ʋ n'ʋ vɛ̃, tɩ bɛ tɛr fãw a nɩ-yaga yaga bɛ ŋa na waar a tɩ ƴãw a niŋé ɩ, ɛ́ tɩ bɛ bãw lɛ za tɩ na na ɩ a ɩ. Ɛcɛ fʋ̃ʋ n'ʋ tɩ jɩ́rɛ.»

1 Bibie za yel-manɩ 5:20

A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

1 Samɩɛl 30:6

Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.

Ɩzayi 59:9

Alɛ n'a so a Naaŋmɩn bɛ ɩrɛ bom a tɩ ƴãw ɛ, ɛ́ bɛ wule a tɩ mɩnʋ ɛ. Tɩ tɩ tɩɛrɛ nɩ a cãà, ɛ́ a wa ɩ a lige. Tɩ tɩ gùre nɩ a zi-cãà, ɛ́ wa cere lige pʋɔ.

A Lãw-mʋɔlɛ 3:2

Ʋ dáa mɛ̃ na ƴãw niŋé ɩ ɩ̃ cere lige pʋɔ ɛ́ bɛr a cãà.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Ɩzayi 10:20

A ʋlɩ bibir nɛ a, a Ɩsɩrayɛl nɩbɛ na cɛ a, a Zakɔb nɩbɛ bɛl na cɩ̃ɛ a, kʋ̃ cãà bɔbr tɩɛrɛ a sob nɛ na ŋmɩɛr bɛ a zie ɩ. A Sore, a Ɩsɩrayɛl Naaŋmɩn na ɩ sõw a n'ʋ, bɛ na sɩrɩ de, ʋ ɩ a bɛ tɩɛrɛ.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 26:9

A tɩ̃ɩsɔw a, ɩ̃ mɩ́ bɔbr'a kɛ́ fʋ nãà be a ɩ̃ zie, ɩ̃ mɩ́ bɔbr fʋ nɩ a ɩ̃ pʋ̃ɔmɩ pʋ̃ɔmɩ za. Fʋ̃ʋ mɩ́ wa tu a nɩsaalbɛ zie a lɛ fʋ na dɩ a ƴɛ̀rʋ bin a, a tẽ-daa nɩbɛ mɩ́ zanɩ nɩ a mɩnʋ.

Sofoni 3:12

Su-siwri dem nɩ nan dem tɛwr nɛbɛ ɩ̃ na bɛr a nyɩ pʋɔ, ɛ́ bɛ na mɩ́ zɛlɛ na k'ɩ̃ɩ gùre bɛ.

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

2 Samɩɛl 22:29

Sore e, mãa zie a, fʋ ɩ n fɩ̃tɩlɛ, Sore e, fʋ̃ʋ n'ʋ caalɛ a ɩ̃ tɩ̃ɩsɔw lige.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Nahum 1:7

A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,