Ɩzayi 50:1 - A SƐB-SÕW

¹ À ŋá n'a a Sore yere: «A zawr-bɛrʋ sɛbɛ wa ɩ̃ na maalɩ zawr'ɩ a nyɩ mã Zerizalɛm bɛr a? Bɩɩ, a bɛlɩ dem samɛ ɩ̃ na tɛr a, a bɛ buor sob zie n'a ɩ̃ nyɔw nyɩ kʋɔrɩ? Bɛlɛ wa kʋɔrɩ nyɩ a, a nyɩ sãwna ƴãw n'a. Bɛlɛ wa zawrɩ a nyɩ mã bɛr a, a nyɩ yel-bebe ƴãw n'a.

Ɩzayi 50:1 Referans Kwoze

Wulu-ayi-sob 32:30

Dɔ̃ sob been yõ na tʋ̃ɔ́ na diw Ɩsɩrayɛl nɩbɛ túr (1 000) bɛ zɔ ɔ? Dɔ̃ dem ayi na tʋ̃ɔ́ na diw Ɩsɩrayɛl nɩbɛ tùr-pie (10 000) bɛ zɔ ɔ? Ʋ̃ʋ, a na tʋ̃ɔ́ na ɩ a lɛ, a mãa Sore na ɩ a bɛ pì-kpɛ̃w a wa ƴãw bɛ a bɛ dɔmɛ nuru pʋɔ a.

Zeremi 3:8

Ɩ̃ zawr'ɩ a Ɩsɩrayɛl a tɩɛrʋ na lɩɛbɛ a bɛr, ʋ na tɩ maalɩ pɩ̃ɔ-yele a ƴãw, ɛ́ kʋ̀ ʋ a zawr-bɛrʋ sɛbɛ. Ɛcɛ, ɩ̃ nyɛ̃ na k'aa ʋ yɛb, a Zuda na bɛ tu a Sore a, bɛ zɔ dɛ̃bɩ̃ɛ kãw za ɩ. Ʋ mɩ̀ nɩ̃ɛ na cen tɩ tõ a pɔw-yɛm tome.

Matie 18:25

A tõ-tõ-bie nɛ na bɛ tɩ tɛr a na ya a, a ʋ nɩ-kpɛ̃ɛ tɩ ƴãw na kɛ́ bɛ nyɔw ʋ kʋɔrɩ, ʋlɛ nɩ a ʋ pɔw nɩ a ʋ bibiir, nɩ a ʋ bʋ̃-tɛrɩ za, wa ya a ʋ san.

Neemi 5:5

Ɛcɛ tɩ za ɩ n nɩ-bʋʋr-been! Ɛ́ a tɩ bibiir nɩ a bɛ bibiir za ɩ been! Ɛcɛ a mɩ́ fɛr'a tɩ de a tɩ bibiir tɩr bɛ ɩ gbãgbaar. A tɩ pɔwyaar bɛ mɩnɛ ɩ n a gbãgbaar baarɩ, a bɛ tɛr tɩ ɩb ɛ, bʋ̃ʋ n'ʋ vɛ̃, nɩ-yoru so nɩ a tɩ póru nɩ a tɩ divɛ̃ tɩɩr póru baarɩ.»

2 Na-mɩnɛ 4:1

Pɔw kãw, a sɩr na tɩ ɩ naaŋmɩn-ƴɛ̀r-manbɛ lãw nɩr a, tɩ wa n bibir kãw wa zɛlɛ a Elize yãayãa, yere nɩ: «A ɩ̃ sɩr kpi na, ɛ́ fʋ bãwnɩ a na ʋ na tɩ zɔrɛ a Sore a. Ƴɛrɛŋa a, a sob nɛ san tɩ na tɛr a, ʋ wa na k'ʋʋ wa de a ɩ̃ bidɛbr ayi, tɩ ƴãw bɛ ɩ a ʋ gbãgbaar.»

Ɩzayi 52:3

Nyɛ̃ a ʋlɩ bom nɛ a Sore na yere kʋ̀rɛ a ʋ nɩbɛ a: «Bɛ kʋɔrɩ nyɩ nɩ mɔlɛ nyɩ ɩ gbãgbaar, bɛ na ya na de nyɩ ɛ́ bɛ ír libir ɛ.»

Zeremi 4:18

Zerizalɛm i, a fʋ cenu, a fʋ ɩ-ɩrɩ n'a wa n à á ŋá za a fʋ zu. A fʋ faalʋ tɔnɛ n'a, sɩza n'a, a tuo tɔ! A kpɛ b'a tɩ tɔ!»

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Sɛb-sõw yielu 44:12

Fʋ mɩ́ bɛr tɩ na kʋ̀ bɛ, mɛ̃ peli-kʋrɩ a. Fʋ diw tɩ na yaarɩ a nɩ-bʋʋr-yoru sɔgɔ.

2 Na-mɩnɛ 17:17

Bɛ nyɩw nɩ a bɛ bidɛbr nɩ a bɛ pɔwyaar maal'ɩ bàwr. Bɛ tu n tɩtɩblʋ nɩ a nɩ-daar-yele-bãwfʋ ɩ-ɩrɩ pùor. Bɛ tu n ɩ-ɩrɩ na bɛ vɩɛl a Sore zie a pùor, sãw a ʋ suur.

1 Na-mɩnɛ 21:25

Bɛ bɛ dãw nyɛ̃ nɩr ʋ tu a ʋ pʋ-tɩɛrʋ maalʋ pùor, ɩ a lɛ na bɛ nʋmɛ a Sore zie mɛ̃ a Akab a ɩ. Bʋ̃ʋ n'ʋ vɛ̃, a ʋ pɔw Zezabɛl tɩ darɛ ʋ na ƴãwn.

Eziptɩ tẽw yib 21:7

Nɩr wa nyɔw a ʋ pɔwyaa kʋ̀ɔrɩ ʋ ɩ gbãgbaa a, a ʋ pɔwyaa ŋa kʋ̃ mɩ́ lɛb yi so ʋ tʋɔra, mɛ̃ a lɛ a na mɩ́ tu dɛbr na ɩ gbãgbaar a ƴãw ɛ.

Levitɩ mɩnɛ 25:39

«Nã́w wa kpɛ a nyɩ tẽ-bi-tɔ kãw ʋ kʋɔrɩ ʋ tʋɔra a nyɩ zie a, nyɩ kʋ̃ ƴãw ʋ tone gbãgba-tome ɩ,

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Ɩzayi 27:8

Ʋ̃ʋ 'hʋ̃, ɛcɛ ʋ ƴãw bɛ nɩ dɔwrʋ, diw bɛ, ír bɛ a bɛ tẽw pʋɔ. Ʋ pɛbl'ɩ a ʋ pɩɛlʋ kpɛ̃w kpɛ̃w za diw bɛ mɛ̃ saa-pɛrɩ́ sɛsɛb na fu n fãw a.

Ɩzayi 43:27

A fʋ sãàkʋm-kʋra dãw-niwn sob maal'ɩ yel-bier, ɛ́ a bɛlɩ dem na ƴɛ̀rɛ a fʋ yúor ƴãw a gaarɩ a ɩ̃ zu

Ɩzayi 46:8

Nyɩ bãwnɩ à á ŋá ɛ́ ƴãw fãw! Nyɩ tɩɛrɩ a kaa, nyɩɩm nɩsaal-gaarɩ i!

Ɩzayi 54:6

A fʋ pʋɔ za tɩ sãw na, mɛ̃ pɔw bɛ na zawrɩ bɛr a. Ɛcɛ a Sore lɛb'a de b. A fʋ Naaŋmɩn yere na: Nɩr na tʋ̃ɔ́ na sɩrɩ zawrɩ a pɔ̀lʋ daar pɔw bɛr ɩ?

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 58:1

A Sore yere na: Cɩɩrɛ kpɛ̃w kpɛ̃w za, taa vɛnɛ ɩ. Ɩ a fʋ kɔkɔr ʋ yire mɛ̃ wɩ́ɛ na pɛblɛ a. Yel a ɩ̃ nɩbɛ sãwna kʋ̀ bɛ, yel a Zakɔb bʋʋrɛ yel-bebe kʋ̀ bɛ.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

A naaŋmɩn-ƴèr-manɛ Oze sɛbɛ 4:5

Fʋ na ŋmɩɛr'ɩ gbɛ́ɛ mʋ̃tɔ̃-tuo, ɛ́ a ƴɛ̀r-manɛ mɩ̀ lãwnɩ fʋ ŋmɩɛr a gbɛ́ɛ a tɩ̃ɩsɔw. Ɩ̃ na pàw nɩ a fʋ mã Ɩsɩrayɛl nʋɔr.