Ɩzayi 5:7 - A SƐB-SÕW

⁷ A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Ɩzayi 5:7 Referans Kwoze

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Luka 18:7

Ɛ́ a Naaŋmɩn ʋl kʋ̃ wul a ʋ nɩ-kaa-íri yel-mɩŋa ɩ, bɛl na kone cɔwr ʋ mʋ̃tɔ̃w nɩ tɩ̃ɩsɔw za a? Ʋ na cɛlɩ nɩ a bɛ sõwfʋ ƴãw bɩɩ?

Matie 23:23

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ kʋ̀ n a Naaŋmɩn a nyɩ bʋ̃-tɛrɩ ziir pie sob, a zɛ-va-bʋʋrɛ a mɩnɛ ƴãw, mɛ̃ a mãtɩ, a fenil nɩ a kimɛ̃ a, ɛ́ nɩ̃ɛ mɩ́ ƴãw dere a Naaŋmɩn wulu yel-bɛrɛ á ŋá ƴãw: a mɩnʋ, a su-ɓaarʋ nɩ a naaŋmɩn-sàw-deb. Ɛcɛ à á ŋá n'a a tɩ fɛrɛ kɛ́ nyɩ tuur, ɛ́ ta bɛr a al na cɛ a ɩ.

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Zeremi 12:10

Dʋ̃-cɩ̃ɩnbɛ yaga sãw nɩ a ɩ̃ divɛ̃ tɩɩr púo bɛr, bɛ nɛb nɛb'ɩ a ɩ̃ púo nɩ gbɛ́ɛ, ɩ a po-vla ŋa lɩɛbɩ zi-kpalɛ na ɩrɛ nɩbaalʋ a.

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Ɩzayi 5:2

Ʋ tɩ buw nɩ a tẽsɔw, tuuri a kʋsɛbɛ bɛr, ɛ́ sɛl divɛ̃ tɩ-vɩɛlɩ bʋʋrɛ. Ʋ tɩ mɛ n bʋ̃-gùre yir-cõcowla a púo sɔwlɩsɔw, ɛ́ tuw bɔw a wɔmɛ nɛbrʋ ƴãw. Ʋ tɩ gùre na k'aa ʋ divɛ̃ tɩɩr wa wɔ̃ wɔ̃-vɩɛlɩ, ɛ́ a wa wɔ̃ wɔ̃-faar tɛwr.

Ɩzayi 3:17

Alɛ so a Sore na ɩ a bɛ zuru a kpal, ɛ́ ɩ a bɛ gbẽri a sãá.

Ɩzayi 3:14

Ʋ dɩrɛ nɩ nɩ a nɩ-kore nɩ a ʋ nɩ-bʋʋrɛ nɩ-bɛrɛ a ƴɛ̀rʋ à ŋá: “Nyɩmɛ nɛbɛ sãw a ɩ̃ divɛ̃ tɩɩr púo bɛr, ɛ́ paalɩ a nyɩ yie nɩ a nan dem bome nyɩ na zu a.

Ɩzayi 1:6

A gbɛ́ɛ tɩ tɔ a zu a, zie za bɛ cɛ ɩ. Wʋlɛ n'ɩ a ziir za, ŋmɩɛrʋ ziir na sãá a nɩ na-tɩ-zɩɩr nɩr za na bɛ pɛ́w a, na bɛ 'lẽ a, na bɛ ɩ kãá sɔ a.

A Yielu za pʋɔ yiel-vla vla 7:6

A fʋ zu dʋɔ nɩ dẽdẽ mɛ̃ a Karmɛl tãw a. A fʋ zukɔbr-vɔlavɔla nyɩwrɛ na mɛ̃ pɛn-zɩɛ a, a fʋ zukɔbɛ na pal pal a lɩr'ɩ nãà tɛr.

Zʋkpaɩ 21:13

Nɩr wa fur a ʋ tobe a lɛn daar a bãbàal na kone bʋɔlɛ a, ʋ mɩ̀ kʋ̃ páw sɔwfʋ a lɛn daar ʋlɛ mɩ́ wa bʋɔlɛ a ɩ.

Sɛb-sõw yielu 149:4

Bʋ̃ʋ n'ʋ vɛ̃, nʋ̃ɔ̀ ɩrɛ nɩ a Sore a ʋ nɩ-bʋʋrɛ ƴãw, ʋ mɩ́ faa nɩ a bãbàalbɛ, ɩ bɛ nyɛ̃ ƴãwfʋ.

Sɛb-sõw yielu 147:11

a Sore pʋɔ mɩ́ pɛlɩ nɩ a bɛlɩ dem na zɔrɛ ʋ a ƴãw, a bɛlɩ dem na mɩ́ tɩɛrɛ a ʋ nɔ̃wfʋ a.

Sɛb-sõw yielu 80:15

Naaŋmɩn kpɛnʋ-za-sob i, lɛb wa! Be a salom zu ɛ́ bɛl nyɛ̃ a, kaa a divɛ̃ tɩɛ ŋa zie.

A Zɔb sɛbɛ 34:28

À ŋá n'a bɛ ɩ ƴãw a bãbàal nɩ a nã́w sob kõ bʋɔlɩ ʋ k'ʋʋ faa bɛ. Ɛ́ a kon á ŋá taabɛ a, ʋ mɩ́ bɛr'a wõ.

Wulu-ayi-sob 15:9

Ɛcɛ nyɩ gù vla taa wa tɛrɛ tɩɛr-faar yere à ŋá ɩ: «A yome ayopõi sob kʋ̃ yaa kɛ́ ta ɩ, a samɛ lɛb-bɛrʋ yũon.» Nyɩ taa wa kpɛ mimi-kõw a nyɩ yɛb-nã́w sob zie a al ƴãw, ɛ́ bɛ kʋ̀ ʋ bom za ɩ. Alɛ bɛ ɩ lɛ, ʋ nãà mab'a bʋɔlɩ a Sore ƴãw nyɩ, nyɩ ɩ sãwna dem.

Eziptɩ tẽw yib 3:7

A Sore tɩ yel'a: «Ɩ̃ nyɛ̃ nɩ a ɩ̃ nɩbɛ wʋ̀ʋr a Eziptɩ tẽw. Ɩ̃ wõ n a cɛlsɩ bɛ na dɔwrɛ bɛ bɛ ŋmɩɛr a. Ɩ̃ sɩrɩ na bãw a tuo bɛ na wone a.

Yele-za-pɛr-tib 4:10

A Sore tɩ sɔw na: «Bʋ̃ʋ n'ɩ à à ŋá fʋ na ɩ a? A fʋ yɛb zɩ̃ɩ ɩ na mɛ̃ nɩr na cɩɩrɛ a yire a tẽsɔw tarɛ mɛ̃ a.

2 Samɩɛl 7:10

Ɩ̃ na kʋ̀ n zie a ɩ̃ nɩ-bʋʋrɛ Ɩsɩrayɛl, ɩ̃ na zɩɩlɩ ʋ nɩ a be, ʋʋ na kpɩɛr'ɩ a be, ɛ́ bɛr dɛ̃bɩ̃ɛ. Nɩ-faar kʋ̃ lɛb dɔwrɩ ʋ mɛ̃ a dãwdãw a ɩ,

Ekilezɩasɩ 4:1

Ɩ̃ nyɛ̃ nɩ a dɔwr-taa za na be a tẽw zu ka a. A bɛlɩ dem bɛ na dɔwrɛ a ŋmɩɛr'ɩ cɛlsɩ, ɛ́ nɩr bɛ mɔwlɛ bɛ ɩ. A bɛ dɔwr-dɔwrbɛ nɛbɛ tɛr a fãw, lɛ so mɔwl-mɔwlɛ bɛ ka be ɩ.

Ɩzayi 3:15

Ãa n'ʋ kʋ̀ nyɩ a sɔ́r nyɩ kʋrɛ a ɩ̃ nɩ-bʋʋrɛ gúur, ɛ́ ɩrɛ po-to-fãw-ɩb a nan dem zie?” A Sore Naaŋmɩn, a kpɛnʋ-za-sob'ʋ sowre.

Ɩzayi 27:2

A ʋlɩ bibir nɛ a, nyɩ cɛ yielu a divɛ̃-nʋ̃ɔ̀ nʋ̃ɔ̀ divɛ̃ tɩɩr púo ƴãw.

Ɩzayi 30:12

Alɛ so a Ɩsɩrayɛl Naaŋmɩn na ɩ sõw a yere: «Nyɩ zawrɛ nɩ a ɩ̃ ƴɛ̀rʋ bɛrɛ, nyɩ ƴãwnɛ nɩ a nyɩ tɩɛrʋ a bɛlɩ dem na bɛ̀lɛ nyɩ ɛ́ ŋmarɛ ziri a ƴãw, ɛ́ dier bɛ bɛ ɩ a nyɩ tɩ̀ɛrbɛ.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Ɩzayi 59:14

Alɛ n'a so a ɩb na ɩrɛ tu sɔ́r a síwre, a mɩnʋ zãá nɩ tɩ na. A nɩ-yaga tuor-taa zie a, a yel-mɩŋa ŋmɛ n gbɛ́r lo, ɛ́ a yel-mɩnʋ bɛ cãà tarɛ a be ɩ.

Zeremi 24:2

A pèlé kãw kãkamɛ tɩ vɩɛl'ɩ yaga yaga, vɩɛl mɛ̃ a kãkamɛ bɛ na mɩ́ de niwn pɔr a. A pèlé ƴen sob kãkamɛ tɩ sãw nɩ a za bɛ tɛr dɩb ɛ.

Zeremi 50:46

A yel na wa yi kɛ́ bɛ de nɩ a Babɩlɔn tẽw a, a tẽsɔw damnɛ na, cɛlsɩ ŋmɩɛr'ɩ a ten za pʋɔ.

Ezekɩɛl 22:29

A tẽw pʋɔ a ziir za a, fãw nɩ po-to-fãw-ɩb'a a nɩbɛ ɩrɛ. Bɛ zure na, bɛ nɛbr'ɩ a nan dem nɩ a bãbàalbɛ, bɛ dɔwrɛ nɩ a nʋʋrɩ ɛ́ bɛ tuur a mɩnʋ ɛ.

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Ɩzayi 1:21

Ŋmɩŋmɩn n'a a tẽ-kpɛ̃ɛ na bɛ lɛbr pùor a wa tɩ lɩɛbɩ pɔw-yɛm? Maal-ɩb tɩ be n a yel-na-tu-sɔr-a ƴãw a Zerizalɛm pʋɔ, a mɩnʋ tɩ so a zie a ʋ pʋɔ. Ɛcɛ ƴɛrɛŋa a, nɩ-kʋrbɛ nɛbɛ paalɩ ʋ.

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

A naaŋmɩn-ƴèr-manɛ Oze sɛbɛ 10:1

Divɛ̃ tɩɩr púo na vɩɛl, ɛ́ a tɩɩr wɔnɛ yaga a tɩ n'ɩ a Ɩsɩrayɛl. Ɛcɛ a lɛ a tɩɩr na tɩ wɔnɛ yaga a, lɛ n'a ʋ mɩ̀ tɩ mɩɛr a bàwr-maal-kube dɔwlɛ cere nɩ, lɛ n'a ʋ mɩ̀ tɩ wobr a kʋsɛbɛ tele nɩ pɔ̀lʋ.

Habakukɩ 1:3

Bʋ̃ʋ n'ʋ so fʋ ɩ ɩ̃ nyɛrɛ a faalʋ? Ŋmɩŋmɩn za n'a fʋ sàw jɩ́rɛ a tɩ kpɩɛrʋ? Dɔwrʋ nɩ po-to-fãw-ɩb'ɩ á ŋá a ɩ̃ niŋé, ƴɛ̀rʋ-dɩb nɩ zɛbr be n a ziir za.