Ɩzayi 5:6 - A SƐB-SÕW

⁶ Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Ɩzayi 5:6 Referans Kwoze

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Yel-wula 11:6

Bɛ tɛr'ɩ fãw na tʋ̃ɔ́ nyɔw a saa tɛr ʋ ta wa ɩ, a bibie al bɛ na manɛ a Naaŋmɩn ƴɛ̀rʋ a. Bɛ mɩ̀ tɛr'ɩ fãw na tʋ̃ɔ́ ɩ a kʋ̃ɔ a lɩɛbɩ zɩ̃ɩ, ɛ́ ɩ bʋ̃-faar bʋʋrɛ za a páw a tẽw, sɛw lɛ za bɛ na bɔbr a.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Amɔsɩ 4:7

«Mãa n'ʋ sɩb nyɩ a saa a nyɩ bʋ̃-kʋ́ɔrɩ deb na tɩ cɛ cuwr ata a. Ɩ̃ ƴãw na a saa wa tẽw ŋa, ɛ́ bɛr tẽw ŋa. Púo ŋa tɩ páw nɩ a saa ɓaarʋ, ɛ́ púo ŋa na bɛ páw a saa ɓaarʋ a ko gã.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

Zeremi 45:4

A lɛ pʋɔ a, nyɛ̃ a lɛ a Sore na ƴãw k'ɩ̃ɩ yel a: “Ɩ̃ darɛ nɩ a alɩ bome nɛ ɩ̃ na mɛ a lɔbr, ɛ́ vɔnɛ a alɩ bome nɛ ɩ̃ na sɛl a bɛrɛ. Ɩ̃ damnɛ nɩ a tẽw za nyawr taa.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 14:1

Nyɛ̃ a ƴɛ̀rʋ a Sore na ƴɛ̀r kʋ̀ a Zeremi a wɛr na nyɔw a ƴãw a.

Ɩzayi 30:23

A Sore na kʋ̀ nyɩ nɩ a saa a bʋ̃-bʋʋrɛ nyɩ na bʋ̀r a ƴãw. A bʋ̃-dɩrɩ a tẽsɔw na na kʋ̀ nyɩ a na ʋr'a ɛ́ nʋmɛ nʋmɛ. A ʋlɩ bibir nɛ a, a dʋn na 'wɔbr'ɩ mʋ̃ɔ mʋ̃ɔ 'wɔbrʋ ziir na yɛlmɛ yɛlmɛ a pʋɔ.

Ɩzayi 24:12

A tẽ-kpɛ̃ɛ cɛ nɩ deboru tɛwr, a dɩ̃dɔr dacine ŋmɛr'a, ʋ sãw.

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

Wulu-ayi-sob 29:23

Lɛ n'a a nɩ-bʋʋrɛ za na sowre: «Bʋ̃ʋ n'ʋ so a Sore dɔwrɩ a tẽw ŋa à à ŋá? Bʋ̃ʋ n'ʋ so a su-kpɛ̃ɛ kẽkẽ ŋa tɔ?»

1 Na-mɩnɛ 8:35

«A salom wa pàw a saa bɛ waar, bɛ na zawrɩ a fʋ nʋɔr a ƴãw a, bɛlɛ wa lɩɛbɩ niwn cɔw a zie ŋa kɛ́ bɛ puori fʋ a, bɛlɛ wa danɛ fʋ ɛ́ ciire a bɛ yel-bebe fʋ na ƴãw bɛ kpɩɛrʋ pʋɔ a ƴãw a,

A Zɔb sɛbɛ 31:40

a lɛn daar a, a tẽsɔw ŋa ʋ búle gʋʋr ɛ́ bɛr a ble, ʋ búle mɔ̃-nyuure ɛ́ bɛr a ɔɔzʋ! Ka n'a a Zɔb ƴɛ̀rʋ baarɩ.

Ɩzayi 7:19

A za na wa na wa dɔm a fʋɔl-cũgbuli pʋɔ, a pì-wɛrsɩ pʋɔ, a tuwr za pʋɔ nɩ a ziir al za kʋ̃ɔ na be a.

Ɩzayi 32:10

Yũon-been nɩ bibie blã wa tɔl a, dɛ̃bɩ̃ɛ na ɩrɛ nyɩ na nyɩ màwr, nyɩɩm bom na bɛ damnɛ a. Bʋ̃ʋ n'ʋ vɛ̃, divɛ̃ tɩ-wɔmɛ pɔrʋ kʋ̃ ka be ɩ, bʋ̃-dieri-deb kʋ̃ be be ɩ.

Ɩzayi 49:19

Fʋ be n deboru pʋɔ, a fʋ ziir ŋmɛr ŋmɛr a, a fʋ tẽw sãw na. Ɛcɛ ʋ kʋ̃ yaa kɛ́ ɩ pʋrɩ zuo a ʋ nɩbɛ ƴãw ɛ, ɛ́ a bɛlɩ dem na tɩ ɩrɛ kɛ́ fʋ ta cãà a, na cen na zãá nɩ fʋ.

Ɩzayi 55:13

A sɩpɩrɛ tɩɛ na lɩɛr'ɩ a gɔ-tuw bul, a tɩɛ na nyùur vla a na lɩɛr'ɩ a gʋʋr. À á ŋá za na ɩ na k'aa Sore nyɛ̃ ƴãwfʋ. A na ɩ n bãwfʋ na be kʋralɛ ɛ́ bɛ tɛr sãwfʋ na sãw a.

A naaŋmɩn-ƴèr-manɛ Oze sɛbɛ 9:6

Nyɩmɛ wa ìre ɛ́ bɛrɛ a nyɩ tẽw na sãw a, a Eziptɩ tẽw na de nyɩ na, ɛcɛ a tẽw ʋl na dɩ Mɛmfisɩ a na ɩ n a nyɩ yàa. A nyɩ bʋ̃-vɩɛlɩ vɩɛlɩ na lɩɛb'ɩ karnyã bʋ̃-sori ɛ́ gʋʋr bul paalɩ a nyɩ kpɛb ziir.

Zowɛl 1:7

A ɩ na a tɩ divɛ̃ tɩɩr póru lɩɛbɩ wɛja-kpalɛ, a pʋrwʋr'ɩ a tɩ kãkã-tɩɩr bɛr. A pɛnɩ pɛnɩ a na, ɛ́ cɛ̀ a lɔb, a wuli pɛlɩ gã.

Zʋkpaɩ 24:31

A mʋ̃ɔ nɩ a gʋʋr tɩ bul'a pàw a ziir za, ɛ́ a kʋsɛbɛ dacin na tɩ viiri koli a púo a lo.

A Lãw-mʋɔlɛ 2:6

Ʋ kpɛ n nɩ fãw a ʋ zie na ŋmãa pàw a pʋɔ. Ʋ sãw nɩ a zie ʋl ʋ na mɩ́ tɩ tuori tɩ a bɛr. A Sɩyɔ̃ tẽw a, a Sore ɩ na bɛ yiiri a cuwr bibie nɩ a pɩ̃ɛnʋ-bibie bɛr. A ʋ su-tʋlʋ pʋɔ a, ʋ jewr'ɩ a nãà nɩ a bàwr-maalbɛ.