Ɩzayi 5:29 - A SƐB-SÕW

²⁹ Bɛ ùore na mɛ̃ gben a, bɛ kone na mɛ̃ gbẽw-bili a. Bɛ kone na mɛ̃ wɛ-dʋn na sɛ̀m bom a na nyɔw a, cere nɩ ɛ́ nɩr kʋ̃ tʋ̃ɔ́ faa ʋ a zie a.

Ɩzayi 5:29 Referans Kwoze

Zakari 11:3

Bɛ wone nɩ a nɩ-bʋʋrɛ cɩ̃ɩnbɛ kon, bʋ̃ʋ n'ʋ vɛ̃, a bɛ kpɛnʋ baar'a. Bɛ wone nɩ a gben na ùore a, bʋ̃ʋ n'ʋ vɛ̃ a tuwr na lanɩ a Zurdɛ̃ a sáw nɩ a za.

Mise 5:8

«Ìr a fʋ dɔ̃ dem ƴãw, ŋma bɛ pʋrpʋr bɛ za!»

Ɩzayi 42:22

Ɛcɛ nyɩɩm n'ɩ bɛ ŋa ɩ nɩ-bʋʋrɛ bɛ na za ɛ́ fa a bome za a. Bɛ nyɔw nyɩ na pàw bɔw-bɛrɛ pʋɔ, nyɩ zɩ̃ n gasori pʋɔ. A dɔ̃ dem nyɔw nyɩ na mɛ̃ zɛbr bome bɛ na zɛb de a, ɛ́ nɩr za bɛ wa faa nyɩ ɛ. Bɛ tɛr nyɩ na cen nɩ, ɛ́ nɩr za bɛ yel: «Nyɩ lɛb bɛr bɛ kʋ̀ m» ɛ!

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

Amɔsɩ 3:8

Gbẽw ùor'a, ãa n'ʋ kʋ̃ zɔ dɛ̃bɩ̃ɛ? A Sore Naaŋmɩn ƴɛ̀r'a, ãa n'ʋ na vɛ̃ a ʋ ƴɛ̀rʋ manʋ?

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

Zeremi 51:38

Ƴɛrɛŋa a, a Babɩlɔn tẽw dem za ɩ na mɛ̃ gben na ùore a, bɛ kone na mɛ̃ wɛ-dʋ̃-faar a.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Ɩzayi 31:4

À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Sɛb-sõw yielu 50:22

Nyɩ bãw a pɛr vla, nyɩɩm na yiire mɛ̃ bɛrɛ a, alɛ bɛ ɩ lɛ, ɩ̃ na ŋma nyɩ nɩ pʋrpʋr, ɛ́ nɩr bɛ ka be na yel k'ɩ̃ɩ ta ɩ a lɛ ɩ.

Sɔr-nɛ́ɛ 24:9

Bɛ ũúne na mɛ̃ gben a, bɛ ganɛ na mɛ̃ wɛ-dʋ̃-faar a. Ãa n'ʋ na fɛr bɛ bɛ ìr? Ɩsɩrayɛl nɩbɛ ɛ, a maalʋ, a tuur sob nɛ na ƴɛ̀rɛ nɔ-vla kʋ̀rɛ nyɩ a, ɛ́ a ŋmɛ-ƴãw tuur sob nɛ na ŋmɩɛr ƴãwn nyɩ a!»

Yele-za-pɛr-tib 49:9

Ɩ̃ bidɛb Zuda a, fʋ ɩ n gbẽw-pɔl na 'wɔb a dʋ̃w ʋ na nyɔw, ɛ́ lɛb cere a ʋ gaa-zie a. A gbẽw dɔm'a, ʋ gã na. Ãa n'ʋ na ɩ ʋ ìr?

Ɩzayi 35:9

Nɩr bɛ tuore gbẽw a ʋ zu ɛ, wɛ-dʋ̃-faa kãw za bɛ yire a ʋ zu ɛ, nɩr bɛ nyɛrɛ ʋ ɛ. A nɩbɛ a Sore na na faa a, bɛlɛ nɛbɛ na lo a sɔ́r ŋa.

Ɩzayi 47:15

Fʋ bàl'ɩ fʋ tʋɔra sowri a nɩbɛ bɛ ŋa, a fʋ pɔ̀lʋ daarɩ́ za wa tɔ a dɩ̃a. Pãa nyɛ̃ a lɛ bɛ na ŋmɛ̃ a fʋ ƴãw a! Bɛ bɔrɛ na gʋɔr a ziir za, ɛ́ kãw za kʋ̃ tʋ̃ɔ́ faa fʋ ɛ.

Nahum 2:11

Zab, fab, zazawfʋ! Bɛ za kanyir baar'a, a dume màwr'a ŋmɩɛr taa, a ƴã-gamɛ màwr, ɛ́ a niŋe sɔb sɔb.

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.