Ɩzayi 5:26 - A SƐB-SÕW

²⁶ A Sore zɛwr'ɩ dɩrapo nɩ-bʋʋrɛ na zãá a ƴãw, ʋ fuole na bʋɔlɛ bɛ a tẽw baarʋ zie. Bɛlɛ n'ɩ bɛ ŋa na páwr a, bɛ tarɛ nɩ fɔ̃w fɔ̃wlɛ.

Ɩzayi 5:26 Referans Kwoze

Zakari 10:8

Ɩ̃ na bʋɔl'ɩ a ɩ̃ nɩ-bʋʋrɛ lɛb ɓã bɛ taa, bʋ̃ʋ n'ʋ vɛ̃, ɩ̃ faa bɛ na. Bɛ na yãwmɛ na mɛ̃ a dãwdãw a.

Ɩzayi 7:18

Bibir kãw, a Sore na pɛbl'ɩ wele bʋɔlɩ a nazʋʋr na be a be a Nɩl man kʋ̃ɔ na zɔrɛ kpɩɛr a kʋ̃ɔ-kpɛ̃ɛ pʋɔ a Eziptɩ tẽw a, nɩ a sɩw-bie na be a Asiiri tẽw a.

Ɩzayi 18:3

Nyɩɩm za, tẽ-daa nɩbɛ ɛ, nyɩɩm na kpɩɛr a tẽw a, bɛlɛ wa zɛw a dɩrapo a tan zu a, nyɩɩm jɩ́rɛ, a ɩɩl wa kõ a, nyɩɩm bɛrɛ wone.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Ɩzayi 11:12

Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Habakukɩ 1:8

A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Zowɛl 2:7

A zɔrɛ na mɛ̃ gãdaar a, a nyɔw nɩ a tẽw dacine dúor mɛ̃ zɛbr-nɩbɛ a, ŋa za mɩ́ tori nɩ niwn cere, a bɛ bɩ̀ɛrɛ ɩ.

A Lãw-mʋɔlɛ 4:19

A Bɛlɩ dem na diwr tɩ a páwr'a zuo a saa-zu sɩlɩ. Bɛ diwr tɩ nɩ a tan zuru, bɛ ƴãwnɛ tɩ nɩ bɛrɩ ziir nɩbɛ na bɛ kpɩɛr a.

Zeremi 51:27

Nyɩ zɛw a dɩrapo a tẽw pʋɔ, nyɩ pɛblɩ ɩɩl a nɩ-bʋʋr-yoru sɔgɔ. Nyɩ ɓã a nɩ-bʋʋrɛ taa a Babɩlɔn tẽw ƴãw, nyɩ bʋɔlɩ a Araratɩ, a Mini, a Asɩkenaazɩ naalʋ-ten a ʋ ƴãw. Nyɩ ƴãw sojarɩ nɩ-bɛrɛ bɛ ír sojarɩ. Nyɩ ƴãw wie na yãwmɛ mɛ̃ sãsoge a, a cen a ʋ ƴãw.

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 4:13

«Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

Ɩzayi 39:3

Al pùorí, a naaŋmɩn-ƴɛ̀r-manɛ Ɩzayi tɩ wa na wa páw a Ezekɩasɩ sowr'ʋ: «Bʋ̃ʋ n'ʋ a nɩbɛ bɛ ŋa yel kʋ̀ b? Nyɩnɛ n'a bɛ nɩ̃ɛ yi wa?» A Ezekɩasɩ tɩ sɔw na: «Tẽ-zãána n'a bɛ yi wa nyɛ̃ m, Babɩlɔn tẽw.»

Ɩzayi 30:16

Nyɩ yere na: «Aɩ, tɩ na zɔm'ɩ wie zɔ n.» Ãà, nyɩ na zɔ na. Nyɩ mɩ̀ cãà na yere: «A tɩ wie na gárɛ nɩ fɔ̃w fɔ̃w.» Ãà, a bɛlɩ dem na diwr nyɩ a na zɔrɛ nɩ fɔ̃w zuo lɛ!

Ɩzayi 13:5

A Sore nɩ a bɛlɩ dem ʋ na na wul'ɩ a ʋ suur a, yi n tẽ-zãána, bɛ yi n a tẽw tʋra ƴãw waar. Bɛ na wa sãw nɩ a tẽw za bɛr.

Ɩzayi 13:2

A Sore yere na: «Nyɩ zɛw bãwfʋ tã-kpalɛ zu. Nyɩ lɔbr nʋ̃ɔ̀ cɛlsɩ yere kʋ̀rɛ a zɛbr-nɩbɛ. Nyɩ wul bɛ nɩ a nũu, bɛ tu a nɩ-yée dɩ̃dɛɛ ƴãw kpɛ.

Sɛb-sõw yielu 72:8

Ʋ na mɩ́ dɩ n naalʋ kʋ̃ɔ-kpɛ̃ɛ ƴãw tɩ tɔ n kʋ̃ɔ-kpɛ̃ɛ, a Efaratɩ man ƴãw tɩ tɔ n a tẽw baarʋ zie.

Sɛb-sõw yielu 60:4

Fʋ dam'ɩ a tẽw, fʋ ɩ na k'ʋ pur pur, sanɩ a ʋ natɩɛ, ʋ bɛ cãà laar ɛ.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 13:3

Mãa n'ʋ tɩr a ɩ̃ nʋɔr kʋ̀ a bɛlɩ dem ɩ̃ na so a. Ɩ̃ bʋɔl'ɩ a ɩ̃ soja-gãdaar, a bɛl a ɩ̃ zɛb-tʋ̃ɔ́fʋ na ɩrɛ nʋ̃ɔ̀ a, k'ɩ̃ɩ wa wul'ɩ a ɩ̃ suur.»

Ɩzayi 13:4

Nyɩ bɛrɛ wone a gɔmɛ á ŋá a tan pʋɔ, a ɩ na mɛ̃ zu-sɛbla na bɛ dɩ vuo a nɛbɛ a. Nyɩ bɛrɛ wone a naalʋ-ten damnʋ ŋa, nɩ-bʋʋrɛ na ɓã taa a. A Sore, a kpɛnʋ-za-sob'ʋ jɩ́rɛ a zɛbr-nɩbɛ kaar a zɛbr ƴãw.

Ɩzayi 31:9

A pʋl-vʋ̃ɔ ƴãw a, a bɛl na kpɛmɛ zuo za a na zɔ na, ɛ́ a nɩ-bɛrɛ a kanyir na baarɩ a, na tɩɛ nɩ a bɛ dɩrapo bɛr. A Sore n'ʋ yere a lɛ, ʋl na tɛr a ʋ vũu-'lera a Sɩyɔ̃ a, vũu bɛ na gbɔw a Zerizalɛm a.

Ezekɩɛl 38:17

À ŋá n'a a mãa Sore Naaŋmɩn yere: A koro za a, ɩ̃ tɩ ƴãw na a ɩ̃ tõ-tõ-biir, a Ɩsɩrayɛl tẽw naaŋmɩn-ƴɛ̀r-manbɛ, ƴɛ̀r a fʋ ƴɛ̀rʋ. Yome yaga ƴãw a, bɛ tɩ hieri na k'ɩ̃ɩ na ɩ na fʋ cen tɩ zɛb'ɩ a ɩ̃ nɩ-bʋʋrɛ Ɩsɩrayɛl.