Ɩzayi 5:25 - A SƐB-SÕW

²⁵ Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 5:25 Referans Kwoze

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

2 Na-mɩnɛ 9:37

Ɛ́ a Zezabɛl zarmɛ na yàar'a pàw a púo ŋa mɛ̃ pʋɔrʋ a, bɛ kʋ̃ mɩ́ tʋ̃ɔ́ yel kɛ́: Zezabɛl'ʋ ɛ.”»

Zeremi 4:24

Ɩ̃ jɩ́rɛ nɩ a tan: a gbiwre na, ɛ́ a tãli za dãdawlɛ.

1 Tesalonikɩ 2:16

Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.

Nahum 1:5

A tã-bɛrɛ gbiwre nɩ a ʋ niŋé, ɛ́ a tãli yʋʋrɛ. A tẽsɔw damnɛ nɩ a ʋ niŋé, lãwnɩ a nɩbɛ za na be a ʋ zu a.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Sɛb-sõw yielu 18:7

A ɩ̃ kpɩɛrʋ pʋɔ, ɩ̃ bʋɔl'ɩ a Sore, ɩ̃ lɔb'ɩ cɛl kʋ̀ a ɩ̃ Naaŋmɩn. Ʋ be n a ʋ yir pʋɔ ɛ́ wõ a ɩ̃ kɔkɔr, a cɛl ɩ̃ na ŋmɛ a lo n a ʋ tobrí.

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

Sofoni 1:17

A Sore yere na: «Ɩ̃ na ƴãw nɩ a nɩsaalbɛ kpɩɛrʋ pʋɔ, bɛ na bɔblɛ na mɛ̃ zɔn a, bɛ na maalɩ yel-bier sãw mɛ̃ a zũú. A bɛ zɩ̃ɩ na cir'a pàw a ziir za, mɛ̃ uuru a, ɛ́ a bɛ kũuni pʋ̃ɔ́ mɛ̃ sagɛ a.»

Habakukɩ 3:10

A tan mɩ́ nyɛ̃ b'a màwr, sa-bɛrɛ kʋ̃ɔ mɩ́ paal'ɩ a tẽsɔw za, a kʋ̃ɔ-kpɛ̃ɛ ɩrɛ nɩ gɔmɛ, ɛ́ lɔbr a ʋ kʋ̃ɔ-mie bɛrɛ a dúor saa-zu.

Mise 1:4

A tan nyɩlɛ nɩ a ʋ gbɛ́ɛ pile, ɛ́ a tan fʋɔlɩ wɛrɛ mɛ̃ sɩ-suur na mɩ́ nyɩl vũumí a, mɛ̃ kʋ̃ɔ na mɩ́ yi gbĩgbin zu gbɔlɛ siwr a.

A naaŋmɩn-ƴèr-manɛ Oze sɛbɛ 14:4

A Asiiri kʋ̃ tʋ̃ɔ́ faa tɩ ɛ, tɩ kʋ̃ do zɔm wur zɛbr ƴãw ɛ, ɛ́ tɩ kʋ̃ lɛb yel a tɩ nuru bʋ̃-maala, k'ʋʋ ɩ n tɩ Naaŋmɩn ɛ. Bʋ̃ʋ n'ʋ vɛ̃, fʋ̃ʋ yõ n'ʋ mɩ́ zɔ a bi-kpieb nɩbaalʋ.»

A Lãw-mʋɔlɛ 5:22

Fʋ jɛ tɩ na bɛr a nʋɔr kʋ ʋ? A fʋ suur ìr'ɩ a tɩ ƴãw tɩ zuo bɩɩ?

Zeremi 15:3

A Sore yere na: Ɩ̃ na ìr'ɩ a bɛ ƴãw nɩ tub anaar: a zɛbr-sɔ-kpɛ̃ɛ na kʋrɛ bɛ na, a baar tawr bɛ tɔlɛ nɩ nidaa, a sidume nɩ a gbõgbo-cili na gɔr gɔr bɛ na ɛ́ ɩ bɛ bɔr.

Zeremi 9:22

À ŋá n'a a Sore yere: «A yã-bãwnɛ, ʋ ta pɔrɛ nɩ a ʋ yã-bãwfʋ ɛ! A fãw sob, ʋ ta zɛwr ʋ tʋɔra nɩ a ʋ fãw ɛ! A nãà, ʋ ta zɛwr ʋ tʋɔra nɩ a ʋ naalʋ ɛ!

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Zeremi 4:8

A na ɩ à ŋá a, nyɩ su vʋɔrɩ kparɩ! Nyɩ kone a nyɩ kpɩɛrʋ! Nyɩ ùore! Bʋ̃ʋ n'ʋ vɛ̃, a Sore bɛ bɛr a ʋ su-tʋlʋ kpãkpã a tɩ ƴãw ɛ.

Sɛb-sõw yielu 114:7

Tẽsɔw i, màwr a Sore niŋé, a Zakɔb Naaŋmɩn niŋé.

Sɛb-sõw yielu 106:40

Lɛ n'a a Sore tɩ nyɛ̃ nɩ a ʋ nɩ-bʋʋrɛ suur yaga, ɛ́ bɛ tɩ cãà nɔnɛ a nɩbɛ ʋ na so a yele ɩ.

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 77:18

A zũzuge tɩ ɩ na a kʋ̃ɔ cuure, ɛ́ a saa tanɛ a zũzuge pʋɔ, ɛ́ fʋ tɩ tɛbr a fʋ pime.

Sɛb-sõw yielu 68:8

Naaŋmɩn i, a lɛn daar fʋ na tɩ yi de a fʋ nɩbɛ niwn a, a lɛn daar fʋ na tɩ cen kpɛ a wɛja-kpalɛ pʋɔ a,

2 Na-mɩnɛ 13:3

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur, ɛ́ bɛr bɛ kʋ̀ a Siiri tẽw nãà, Hazayɛl, nɩ a ʋ bidɛb, Bɛn-Hadadɩ, a tɩ cɛlɩ.

1 Na-mɩnɛ 21:24

Lɛb waar mɩ̀, nãà Akab i, a fʋ yir nɩr za nãà wa kpi a tẽw pʋɔ a, baar na 'wɔb ʋ na, ɛ́ a fʋ yir nɩr za nãà wa kpi a wɩ̀ɛ pʋɔ a, dùme na dɩ ʋ na.»

1 Na-mɩnɛ 16:4

A fʋ yir nɩr za nãà wa kpi a tẽw pʋɔ a, baar'a na 'wɔb ʋ, ɛ́ nɩr za nãà wa kpi a wɩ̀ɛ pʋɔ a, dùme n'a na dɩ ʋ.»

1 Na-mɩnɛ 14:11

A fʋ yir nɩr za na na kpi a tẽw pʋɔ a, baar'a na 'wɔb ʋ, ɛ́ nɩr za na na kpi a wɩ̀ɛ pʋɔ a, dùme n'a na dɩ ʋ.” A ƴɛ̀rʋ n'ɩ à ŋà a Sore na ƴɛ̀r a.»

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”

Eziptɩ tẽw yib 7:19

A Sore tɩ cãà na yel a Moyiir: «Yel a Aarɔ̃ k'ʋʋ de a ʋ dabɔl, ɛ́ tùr a ʋ nũu cɔw a Eziptɩ tẽw kʋ̃ɔnɩ za, a bàrʋ, a fʋɔlɩ bɛ na wɛr a nɩ a gbãtarɩ. A kʋ̃ɔ á ŋá za na lɩɛbɩ zɩ̃ɩ. Lɛ n'a a tẽw za na ɩ zɩ̃ɩ tɩ lãw nɩ a kʋ̃ɔ bʋ̃-ƴãwnɩ bɛ na maal'ɩ dàar bɩɩ kʋsɛbɛ a.»

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 14:19

Ɛcɛ a fʋ̃ʋ a, bɛ lɔb fʋ na bɛr zãá nɩ a fʋ ũùfʋ zie, mɛ̃ bi-cur-bɛra na ɩrɛ kɔkɔrʋ a, mɛ̃ kũu bɛ na nɛb'ɩ gbɛ́ɛ a. Nɩbɛ bɛ na kʋ a nɛbɛ pàw fʋ, Nɩbɛ a zɛbr-sɔ-kpɛ̃ɛ na kʋ a. Bɛ bin bɛ nɩ a kʋsɛbɛ na pɩɛrɩ pàw a bɔw-zulu pɛr a zu.

Ɩzayi 23:11

A Sore zɛw nɩ a nũu a kʋ̃ɔ-kpɛ̃ɛ ƴãw, ʋ ɩ na a naalʋ-ten màwr, ʋ yel'a kɛ́ bɛ sãw a Kanãa tẽw zɛbr-yir-kpɛn bɛr.

Ɩzayi 25:11

A be a, ʋ na mɩ́ dɔl'ɩ a kpãkpamɛ mɛ̃ a lɛ bɛ na mɩ́ dɔl a a duwru ƴãw a. Ɛcɛ, nɩ a fãw za ʋ na saa na ƴãw a, a Sore na siwr'ɩ a ʋ pɔ̀lʋ.

Ɩzayi 42:25

Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Ɩzayi 64:3

Nɩr bɛ dãw wõ a ɩ, nɩr bɛ dãw wõ bɛ yel ɛ, mimir bɛ dãw nyɛ̃ kɛ́ ŋmɩn kãw ɩ n à à ŋá nɩr na ƴãw a ʋ tɩɛrʋ a ʋ ƴãw a, a bɛ ɩ a fʋ̃ʋ ɛ.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Ɩzayi 66:24

A nɩbɛ wa yire a tẽ-kpɛ̃ɛ pʋɔ a, bɛ na tʋ̃ɔ́ na nyɛ̃ a nɩbɛ na gaarɩ a ɩ̃ ƴãw a ƴã-gamɛ. A zãzule na dɩrɛ a a, bɛ kpiir ɛ, ɛ́ a vũu na dɩrɛ a a, bɛ kpiire ɩ. A na ɩ n pʋl-vʋ̃ɔ a nɩsaalbɛ za zie.»

Zeremi 17:4

A na fɛr'a kɛ́ nyɩ bɛr a tẽw nyɩ na so a, a ʋl ɩ̃ na tɩ kʋ̀ nyɩ a. Ɩ̃ na ɩ na nyɩ ɩ a nyɩ dɔ̃ dem gbãgbaar tẽ-yũo nyɩ na bɛ bãw a pʋɔ. Bʋ̃ʋ n'ʋ vɛ̃, nyɩ ɩ na a ɩ̃ suur vũu 'le, ɛ́ na dɩrɛ kʋralɛ.»

Ezekɩɛl 6:14

Ɩ̃ na wul bɛ nɩ a ɩ̃ fãw. Ɩ̃ na sãw nɩ a bɛ tẽw bɛr, ɛ́ ɩ a ziir al za bɛ na kpɩɛr a ɩ zawlɛ, a na yi a wɛja-kpalɛ na be a saa-pɛrɩ́-dʋrʋ-lowr ɛ́ tɩ tɔ a Divla tẽ-kpɛ̃ɛ na be a saa-pɛrɩ́-gʋba-lowr a. Lɛ n'a bɛ za na sàw k'ɩ̃ɩ ɩ n a Sore.»

Ezekɩɛl 30:25

Sɩza, ɩ̃ na ɩ n a Babɩlɔn tẽw nãà kpãkpamɛ lɛb kpɛmɛ, ɛ́ a Eziptɩ tẽw nãà kpãkpamɛ na bàl'a, lo. Ɩ̃ na ƴãw nɩ a ɩ̃ zɛbr-sɔ-kpɛ̃ɛ a Babɩlɔn tẽw nãà nuru pʋɔ, ʋʋ na zɛwrɩ zɛwrɩ ʋ na cɔw a Eziptɩ tẽw. Lɛ n'a nɩr za na bãw kɛ́ mãa n'ɩ a Sore.

Amɔsɩ 8:8

Alɛ n'a so, a tẽw na vʋ̃ na ɛ́ a nɩbɛ za na be n wahala pʋɔ. A tẽw na vʋ̃ na ìr ʋ za mɛ̃ man a, ʋ na vʋ̃ na ìr ɛ́ lɛb siw lo mɛ̃ a Eziptɩ tẽw man a.

Wulu-ayi-sob 31:18

Ɛcɛ mãa a, ɩ̃ na cãà na gùr pùor cɔw bɛ a faa al za bɛ na na maalɩ lɩɛbɩ tu ŋmɩn-yoru a ƴãw.

A Zɔb sɛbɛ 9:13

Naaŋmɩn bɛ nyɔwr a ʋ suur ɛ. A kʋ̃ɔ-kpɛ̃ɛ pʋɔ dʋ̃-bɩɩr, a Arahab nɩ a ʋ kpɛ-ta-dem gã nɩ a ʋ pile.

Ɩzayi 9:11

a Siiri tẽw dem be a niŋé, a Filisɩtɛ̃ mɩnɛ be a pùorí. Bɛ sɛ̀m'ɩ a Ɩsɩrayɛl paalɩ nʋɔr 'wɔb. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 9:16

Alɛ n'a so a Sore pʋɔ bɛ pɛlɩ a bɛ pɔlbili ƴãw ɛ, ʋ bɛ zɔrɛ a bɛ bi-kpebe nɩ a bɛ pɔw-kɔbɛ nɩbaalʋ ɛ. Bʋ̃ʋ n'ʋ vɛ̃, nɩ-faar'ɩ bɛ za na ɩrɛ ɩ-faar a. A alɩ bome nɛ bɛ na mɩ́ yere a faa tɔ. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 9:20

Manase dɔwlʋ mɩ́ ìr'ɩ Efarayim dɔwlʋ ƴãw, Efarayim dɔwlʋ ìr Manase dɔwlʋ ƴãw, ɛ́ a za ayi lãw taa Zuda dɔwlʋ ƴãw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

Zeremi 6:12

A bɛ yie lɩɛb'ɩ nɩ-yoru dem, a bɛ pɔwbɛ nɩ a bɛ póru mɩ̀ a lɛ. A Sore yere na: Ɩ̃ na ìr'ɩ a tẽw ŋa nɩbɛ za ƴãw.

Ezekɩɛl 15:6

Nyɛ̃, à ŋá n'a a mãa Sore Naaŋmɩn yere: Bɛ mɩ́ kaa na ír a divɛ̃ tɩɛ dàa lɔb ƴãw a vũumí ɛ́ bɛr a tɩ-yũo dàa. Lɛ mɩ̀ n'a ɩ̃ na nyɩw a bɛlɩ dem na kpɩɛr a Zerizalɛm a bɛr.