Ɩzayi 5:23 - A SƐB-SÕW

²³ Bɛ mɩ́ lɛb'a bɛr a sãwna sob, nʋɔr ʋ na ŋmɛ bɛ a ƴãw, ɛ́ zawrɩ na kʋ̀ a nɩr na bɛ tɛr sãwna a a ʋ yel-mɩŋa.

Ɩzayi 5:23 Referans Kwoze

Ɩzayi 10:2

À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Zakɩ 5:6

Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.

Zʋkpaɩ 17:15

Nɩr na mɩ́ ƴɛ̀r kpɛ sãwna sob nɩ nɩr na mɩ́ yel k'aa nɩ-mɩŋa ɩ n sãwna sob a, a Sore bɛ nɔnɛ bɛ za ayi towtow ɛ.

Sɛb-sõw yielu 94:21

Bɛ mɩ́ bɔbr'ɩ a nɩ-mɩn nyɔ-vʋʋrʋ íru, ɛ́ a nɩbɛ na bɛ sãw a, bɛ mɩ́ yel kɛ́ bɛ sãw na.

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Zʋkpaɩ 24:24

Ƴɛ̀r-dɩrɛ wa yel a sãwna sob: «Fʋ bɛ tɛr sãwna ɩ», a zu-sɛbla na ŋmɛ na ƴãw ʋ, ɛ́ a nɩbɛ kʋ̃ nɔnɛ ʋ towtow ɛ.

Zʋkpaɩ 17:23

A nɩ-faa mɩ́ sɔwl'a ɩ kɛ̀ bɛ ŋmɛ ʋ nʋɔr, k'ʋʋ ɩ a yele ta tu mɛ̃ a lɛ a na tɛr sɔ́r k'aa tu a ɩ.

2 Bibie za yel-manɩ 19:7

A na ɩ à ŋá a, nyɩ zɔrɛ a Sore yaga yaga, ɛ́ gùre vla a lɛ nyɩ na ɩrɛ a, bʋ̃ʋ n'ʋ vɛ̃, a Sore tɩ Naaŋmɩn bɛ sàwr yel na bɛ tu sɔ́r a ɩ, ʋ bɛ owre ɩ, ʋ bɛ sàwr bɛ kʋ̀rɛ ʋ bome ŋmɩɛr'ɩ ʋ nʋɔr ɛ.»

Wulu-ayi-sob 16:19

Nyɩ taa dɩrɛ ƴɛ̀r-ziri ɛ, nyɩ taa owre a nɩbɛ a ƴɛ̀rʋ-dɩb pʋɔ ɩ. Nyɩ taa sàwr bɛ ŋmɩɛr nyɩ nʋɔr ɛ, bʋ̃ʋ n'ʋ vɛ̃, a nʋɔr-ŋmɛb liwr'ɩ a nɩbɛ na nyɛrɛ a tɩɛrʋ, ɛ́ mɩ́ ɩ a nɩ-mɩn ƴɛ̀rʋ-dɩb bɛ tu sɔ́r ɛ.

Matie 23:35

k'aa nɩ-mɩn za zɩ̃ɩ na cir a tẽw zu a, tʋ̃ɔ́ lɛb lo a nyɩ zu, a na tĩ a nɩ-mɩŋa Abɛl nyɩ na kʋ a, tɩ ta n a Barakɩ bidɛb Zakari nyɩ na kʋ a zi-sõw nɩ a bàwr-maal-kuur cara pʋɔ a.

1 Na-mɩnɛ 21:13

A nɩ-bɛ-tɛr-bir mɩnɛ ayi tɩ wa na wa àr a Nabɔtɩ niŋé, ɛ́ yere a ʋ sãwna a nɩbɛ za niŋé à ŋá: «Nabɔtɩ tʋ n a Naaŋmɩn nɩ a nãà!» Lɛ n'a a nɩbɛ tɩ tɛr a Nabɔtɩ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ.

Ɩzayi 10:1

Baw-bio dem'ɩ a bɛlɩ dem na mɩ́ bin tub na bɛ tu a mɩnʋ a, ɛ́ mɩ́ sɛb ƴãw nɛ́ɛ na waar'ɩ kpɩɛrʋ a!

Ɩzayi 32:7

A nɩ-bɛ-tɛr-bir ʋl a, a ʋ ɩ-ɩrɩ mɩ́ ɩ n nɩ-kʋ ɩ-ɩrɩ. Ʋ mɩ́ cɔbr'ɩ cɔbrʋ k'ʋʋ ŋma ziri kʋ n a nan dem. Ɛcɛ a bãbàalbɛ bɛ ŋa a, a alɩ bome nɛ ƴãw bɛ na tɛr sɔ́r a, al tɛwr'a bɛ mɩ́ yel kɛ́ bɛ kʋ̀ bɛ.

Ɩzayi 59:15

A yel-mɩŋa bɔr'a, ɛ́ sob nɛ na zawrɛ a faa maalʋ a, mɩ́ ɩ na bɛ fa a ʋ bome za. A Sore nyɛ̃ nɩ à á ŋá za. Ʋ nyɛ̃ na k'aa ɩrɛ a lɛ-na-tu-sɔr-a na bɛ ka be a, ʋ ɩ n yel-faa.

Amɔsɩ 5:12

Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga nɩ a lɛ a nyɩ yel-bebe na kpɛ faa sɛw a. Nyɩ dɔwrɛ nɩ a nɩ-mɩn, ɛ́ mɩ́ bɛr bɛ bɛlɩ nyɔw nyɩ nɩ libie. Nyɩ bɛ mɩ́ sàw bɛ na dɩ a ƴɛ̀rʋ kʋ̀ a nã́w sob a ƴɛ̀rʋ-dɩb zie ɩ.»

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.