Ɩzayi 5:17 - A SƐB-SÕW

¹⁷ A tẽ-kpɛ̃ɛ debuo zu a, píir na 'wɔbr'ɩ mʋ̃ɔ mɛ̃ a mʋ̃ɔ 'wɔbrʋ ziir a a, ɛ́ a bʋli, bɛ na guole k'aa 'wɔr a, 'wɔbr a mʋ̃ɔ a be.

Ɩzayi 5:17 Referans Kwoze

Sofoni 2:6

A fʋ zie na lanɩ a kʋ̃ɔ-kpɛ̃ɛ a, na lɩɛb'ɩ dʋn mʋ̃ɔ 'wɔbrʋ zie, zie a dʋ̃-cɩ̃ɩnbɛ na so cɔlɛ, ɛ́ maalɛ a bɛ píir zawr a.»

Ɩzayi 7:25

A tãli bɛ na tɩ kʋɔr'ɩ kùur a, nɩr kʋ̃ mɩ́ lɛb sàw cen a be ɩ, a gɔ-tuwr bɛ na zɔrɛ a ƴãw. A na lɩɛb'ɩ nĩi mʋ̃ɔ 'wɔbrʋ zie nɩ píir àrʋ zie.

Sofoni 2:14

Dʋn na kpɩɛr'ɩ a tẽw sɔwlɩsɔw. Dʋ̃-bʋʋrɛ za: a vìí nɩ a vii-kpãakpul na ganɛ nɩ a ʋ kpule saa-zu a tɩ̃ɩsɔw. Bɛ na mɩ́ wone nɩ a lili kon, a yie tokori vɛɛ ƴãw. Fʋ na mɩ́ kpɩɛr'a wa báarɛ, ɛ́ nyɛ̃ a dacine na lo lo a, nɩ a sɛɛdɩr tɩɛ wɛwr na sãá sãá a.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Mise 2:12

A Sore yere na: «Zakɔb bʋʋrɛ ɛ, ɩ̃ na ɓã nyɩ nɩ taa nyɩ za. Ɩsɩrayɛl nɩbɛ na cɛ a, ɩ̃ na ɓã nyɩ nɩ taa. Ɩ̃ na ɓã nyɩ nɩ taa mɛ̃ píir na be zaw pʋɔ a, mɛ̃ dʋn na duo nadʋʋrá a, nyɩ na yãwmɛ na damnɛ kʋrkʋrkʋr.

A naaŋmɩn-ƴèr-manɛ Oze sɛbɛ 8:7

Nyɩ na bʋ̀rɛ a sɛsɛb a, sɛsɛb'ʋ nyɩ na cɛ. Bʋ̃ʋ n'ʋ vɛ̃, mɛ̃ a lɛ a zʋkpar na yel a: “Ble na bɛ yi zu a, bɛ tɛr zɔ̃ ɩ''. Ɛ́ ʋlɛ saa ɩ mɛ̃ ʋ tɛr'ɩ zɔ̃ a, nɩ-sãanbɛ nɛbɛ na dɩ ʋ.

A Lãw-mʋɔlɛ 5:2

A tẽw fʋ na kʋ̀ tɩ a lɩɛb'ɩ nɩ-yoru dem, a tɩ yie be n nɩbɛ tɩ na bɛ bãw a nuru pʋɔ.

Zeremi 5:28

bɛ kpɛ bɛrɛ 'wɔra 'wɔra. Bɛ de nɩ a faa maalʋ jala. Bɛ bɛ dɩrɛ a ƴɛ̀rʋ nɩ mɩnʋ ɛ, bɛ bɛ dɩrɛ a ƴɛ̀rʋ nɩ mɩnʋ kʋ̀rɛ a bi-kpebe ɩ, alɛ bɛ ɩ lɛ, a nãá mɩ́ tɛr bɛ nɩ ɩb. Bɛ bɛ mɩ́ tu a nan dem yele pùor ɛ.

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Ɩzayi 17:2

A nɩbɛ na zɔ na kɛ́ bɛr a tẽ-bɛrɛ ʋ na so a kʋralɛ. Dʋn n'a na so a, ganɛ a be, ɛ́ nɩr bɛ damnɛ a ɩ.

Ɩzayi 10:16

Alɛ so a Sore Naaŋmɩn, a kpɛnʋ-za-sob na ɩ a Asiiri tẽw ziir al na tɛr a a na-bome siwri. Bɛ na tõ n vũu ƴãw a vɩɛlʋ na sãá a ƴãw, a dɩrɛ mɛ̃ vũu-kpɛ̃ɛ na nyɔw dɩrɛ a.

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

Sɛb-sõw yielu 119:70

Bɛ bɛ bɔbr kɛ́ bɛ bãw bom pɛr towtow ɛ, ɛcɛ mãa a, a fʋ wulu tub ɩrɛ mɛ̃ nɩ nʋ̃ɔ̀ yaga.

Sɛb-sõw yielu 73:7

A bɛ dɛpaalʋ dɩb pʋɔ a, bɛ mɩ́ jewre fʋ na! A bɛ tɩɛrʋ za mɩ́ sãá na.

Sɛb-sõw yielu 17:14

A fʋ zɛbr-sɔ-kpɛ̃ɛ, ʋ baarɩ bɛ! Baa kʋ bɛ nɩ a fʋ nũu. A bɛ bom a nɩ-vʋʋrɩ pʋɔ a, ʋ ɩ bɛ na na kʋ̃ pʋɔ a nyɔ-vʋʋrʋ pʋɔ a. Ɩ kɛ̀ bɛ nyũ a kʋ̃ɔ-tuo fʋ na bin gùre nɩ bɛ a. A bɛ bibiir, bɛ nyũ a tɩ sɛw, ɛ́ bɛr a ŋmãa kʋ̀ a bɛ yan!

Sɛb-sõw yielu 17:10

Bɛ ɩ n 'wɔra 'wɔra a, ɛ́ ƴɛ̀rɛ pɔ̀l-ƴɛ̀rʋ.

Neemi 9:37

A tẽw ŋa bʋ̃-vɩɛlɩ yaga yaga a, a na-mɩnɛ bɛl fʋ na bɛr bɛ so tɩ a tɩ yel-bebe zũú a, bɛlɛ so a. Bɛ ɩrɛ nɩ tɩɩm nɩ a tɩ dʋn lɛ za bɛ na bɔbr a. Kpɩɛrʋ na ta kpɩɛrʋ a pʋɔ n'a tɩ be!»

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

A naaŋmɩn-ƴèr-manɛ Oze sɛbɛ 4:16

A Ɩsɩrayɛl tɩ tõ n zu-kpɛ̃w tome mɛ̃ na-kʋ́ɔra bɛ na ƴãwnɛ dàa a nyũumɩ́ ʋ bɛ sàwr a. Bʋnʋ ƴãw n'a a Sore na kaarɛ bɛ zie mɛ̃ píir bɛ na kparɛ cere nɩ dʋn mʋ̃ɔ 'wɔbrʋ zie a?