Ɩzayi 5:13 - A SƐB-SÕW

¹³ Alɛ n'a so a Sore yere: «Bɛ na ír'ɩ a ɩ̃ nɩ-bʋʋrɛ a bɛ tẽw pʋɔ, bɛ na bɛ sàw bãw bom a ƴãw. A bɛ nɩ-yée na kpi n kɔ̃, ɛ́ a zu-sɛbla kpi kʋ̃ɔ-nyúur.»

Ɩzayi 5:13 Referans Kwoze

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

2 Pɩɛr 3:5

Bɛ bãw na kɛ́ yiiri kɛ́ a koro za a, Naaŋmɩn ƴɛ̀rʋ tɩ ɩ na salom nɩ tẽw yi kʋ̃ɔmɩ́ be, ɛ́ kʋ̃ɔ ɩ a nyɔw taa.

A Lãw-mʋɔlɛ 4:9

A zɛbr zie kũu sa n a kɔ̃ kũu na mɩ́ ɩ fʋ sɩrɛ tɩ baarɩ, a bʋ̃-dɩrɩ na bɛ ka be a ƴãw a.

Zeremi 14:18

Mãa wa yi a wɩ̀ɛ pʋɔ a, nɩbɛ a zɛbr na kʋ a tɛwr nɛbɛ ɩ̃ mɩ́ nyɛ̃. Mãa wa kpɛ a tẽ-kpɛ̃ɛ pʋɔ a, nɩbɛ a kɔ̃ na kʋrɛ a tɛwr nɛbɛ ɩ̃ mɩ́ nyɛ̃. A naaŋmɩn-ƴɛ̀r-manbɛ nɩ a bàwr-maalbɛ cɔlɛ nɩ a tẽw: bɛ bɛ bãw a yel pɛr ɛ.»

Zeremi 14:3

A nɩ-bɛrɛ tone nɩ a bɛ tõ-tõ-biir kɛ́ bɛ tɩ bɔ a kʋ̃ɔ. Bɛ mɩ́ ta n a sa-bie-kʋ̃ɔ-bɔwrɩ pɛr, bɛ nyɛ̃ kʋ̃ɔ-bir za ɩ, bɛ mɩ́ lɛb'a wa n bʋ̃-zawlɛ, a bɛ tɩɛrʋ sãw, pʋ-sãwna tɛr bɛ, bɛ su zuru.

Zeremi 8:7

A gʋ̃ɔnagʋ̃ɔna tɛɛ za a salom zu, bãw nɩ a lɛn daar ʋ na mɩ́ yi zie ŋa cen tɩ kpɩɛr zie ŋa a. A ŋmam, a bɛlaarɛkule nɩ a tɩ̃ɩtɩ̃ɩ bãw nɩ a lɛb-waa daar. Ɛcɛ a ɩ̃ nɩbɛ bɛ bãw a tub al ɩ̃ na ƴãw a ɩ.”»

Luka 19:44

Bɛ na ŋmɛr fʋ na bɛr ɛ́ kʋ a fʋ nɩbɛ, ɛ́ bɛ kʋ̃ bɛr kʋsɩɛr ʋ cãà dɔwlɩ kʋsɩɛr zu ɛ, fʋ na bɛ sàw bãw a daar ʋl a Naaŋmɩn na wa k'ʋʋ wa faa fʋ a ƴãw.»

Amɔsɩ 8:13

A ʋlɩ bibir a, a pɔwsɩrali na pɔl pɔl a nɩ a pɔlbili na kpi n kʋ̃ɔ-nyúur.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

Ɩzayi 3:1

A Sore Naaŋmɩn, a kpɛnʋ-za-sob, na ír'ɩ a bʋ̃-dɩrɩ nɩ kʋ̃ɔ sõwfʋ za a Zerizalɛm nɩ a Zuda ten pʋɔ. Ʋ na ír'ɩ a alɩ bome nɛ za na tɩ̀ɛrɛ a a:

Ɩzayi 3:3

sojarɩ nɩ-bɛrɛ nɩ nɩ-yée, yã-wulbɛ, tɩtɩlbɛ nɩ sɔbr.

Ɩzayi 23:9

A Sore, a kpɛnʋ-za-sob'ʋ yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ, k'ʋʋ siwri a tẽw zu nɩ-yée za.

Ɩzayi 44:19

Kãw za bɛ mɩ́ lɛb tɩɛrɩ ɛ, kãw za bɛ tɛr a yã nɩ a tɩɛrʋ na mɩ́ yel ʋ tʋɔra à ŋá ɩ: «Ɩ̃ nyɩw nɩ a dàar ŋmãa, ɩ̃ dʋw nɩ a ɩ̃ bʋ̃-dɩrɩ a vũu-bie zu, ɛ́ sɛ̃ a nɛn ɩ̃ na 'wɔbr a. Ɛ́ na de a ŋmãa maal'ɩ tɩɩb-faa faa, gũune dà-ŋmãa niŋé!»

Ɩzayi 49:21

Lɛ n'a fʋ na sowre fʋ tʋɔra: «Ãa n'ʋ kʋ̀ m a bibiir bɛ ŋa za? Ɩ̃ bɛ tɩ tɛr bibiir ɛ, ɛ́ kʋ̃ʋ tʋ̃ɔ́ bɛ dɔw ɛ. Bɛ tɩ diw mɛ̃ nɩ a ɩ̃ tẽw pʋɔ cen nɩ, bɛ tɩ zawrɩ mɛ̃ na bɛr. A bɛ ŋa a, ãa n'ʋ guoli bɛ? Ɩ̃ tɩ be n be ɩ̃ yõ, ɛ́ a bɛl a, nyɩnɛ n'a bɛ tɩ be?»

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

Ezekɩɛl 7:12

A daar ta na, a ƴɛ̀rʋ-dɩb pɩɛl'a. Sob nɛ na dàar a, ʋ ta cɩlɛ ɩ, sob nɛ na kʋɔrɛ a, ʋ ta tɛr pʋ-sãwna ɩ. Bʋ̃ʋ n'ʋ vɛ̃, ɩ̃ nyɛ̃ nɩ suur nɩ a nɩ-bʋʋrɛ za kpɛ̃lɛ̃kpɛ̃lɛ̃.

Zʋkpaɩ 10:21

A nɩ-mɩŋa ƴɛ̀rʋ mɩ́ sõw nɩ nɩ-yaga, ɛcɛ a dãbole mɩ́ kpi na, bɛ na bɛ tɛr a yã a zũú.