Ɩzayi 49:9 - A SƐB-SÕW

⁹ Ɩ̃ yere nɩ a gaso pʋɔ dem, a bɛlɩ dem na be a lige pʋɔ a: “Nyɩ yi wa a cãà pʋɔ!” Bɛ na nyɛrɛ nɩ dɩb a sɔ́r zu, bɛ na tʋ̃ɔ́ na dɩrɛ a tãli za zu.

Ɩzayi 49:9 Referans Kwoze

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 42:7

Fʋ na ɩ n a zɔn bɛ lɛb nyɛrɛ, fʋ na ír'ɩ a nɩ-pàwrɩ a bɛ gaso pʋɔ, fʋ na ɩ n a bɛlɩ dem na kpɩɛr a lige pʋɔ a, bɛ yi a bɛ di-pàwrɩ pʋɔ.»

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Ɩzayi 41:18

Ɩ̃ na ɩ na mamɛ kʋ̃ɔ zɔrɛ a tã-kpalɩ zu, ɛ́ kʋ̃ɔnɩ bule yire a fʋɔlɩ sɔwlɩsɔw. Ɩ̃ na ɩ na a wɛja-kpalɛ lɩɛbɩ gbãtar, ɛ́ a tẽsɔw-kõw-welwel lɩɛbɩ bul-nɛ́ɛ zie.

Ɩzayi 9:2

Sore e, fʋ ɩ na a cɩlʋ laarɩ bɛ, fʋ ɩ na a bɛ nʋ̃ɔ̀ kpɛ kpɛ̃ɛ. Bɛ cɩlɛ nɩ a fʋ niŋé mɛ̃ kɔb bome bɛ na mɩ́ dier cɩlɛ nɩ a, mɛ̃ dɔ̃ dem na-bome bɛ na mɩ́ pone ŋmɩɛr'ɩ nʋ̃ɔ̀ cɛlsɩ a.

Sɛb-sõw yielu 102:20

A Sore be n a ʋ zi-sõw pʋɔ a saa-zu, ɛ́ gũu k'ʋʋ jɩ́r kaa, ʋ be n a salom zu, ɛ́ jɩ́r a tẽw kaa,

Sɛb-sõw yielu 69:33

A su-siwri dem nyɛ̃ a na ɛ́ cɩlɛ. «Nyɩɩm na bɔbr a Naaŋmɩn a, nyɩmɛ so nyɔ-vʋʋr-wogo!

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

Efɛɛzɩ 5:14

Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Zã 10:9

Mãa n'ɩ a dɩ̃dɔr. Nɩr wa tuur a ɩ̃ zie kpɩɛr a, ʋ na nyɛ̃ nɩ faafʋ. Ʋ na mɩ́ kpɛ na ɛ́ yi, ʋʋ na nyɛ̃ nɩ bʋ̃-dɩrɩ.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Luka 1:79

Ʋ tɩ pur'a, k'ʋʋ caalɩ a bɛlɩ dem na be a lige pʋɔ nɩ a kũu ɓaarʋ́ a, ɛ́ tɛr tɩ lo n a ƴã-ɓaarʋ sɔ́r.»

Ezekɩɛl 34:29

Ɩ̃ na kʋ̀ bɛ nɩ póru na tɛr pʋɔrʋ nɩr za bãwnɩ a, bɛ kʋ̃ lɛb kone kɔ̃ a bɛ tẽw pʋɔ ɩ. A nɩ-bʋʋr-yoru kʋ̃ cãà kpɔwrɛ bɛ ɩ.

Ezekɩɛl 34:23

Ɩ̃ na ƴãw nɩ pi-cɩ̃ɩn-been na na kaarɛ a ɩ̃ dʋn zie a, ʋ be a ɩ̃ dʋn niŋé. Ʋ na ɩ n nãà mɛ̃ a ɩ̃ tõ-tõ-bie Daviir a. Ʋl a, ʋ na kaarɛ nɩ a dʋn zie, ɛ́ ɩ pi-cɩ̃ɩn-vla a dʋn zie.

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

Ɩzayi 5:17

A tẽ-kpɛ̃ɛ debuo zu a, píir na 'wɔbr'ɩ mʋ̃ɔ mɛ̃ a mʋ̃ɔ 'wɔbrʋ ziir a a, ɛ́ a bʋli, bɛ na guole k'aa 'wɔr a, 'wɔbr a mʋ̃ɔ a be.

Sɛb-sõw yielu 146:7

Ʋ mɩ́ kpɛ n a bɛlɩ dem bɛ na dɔwrɛ a, ʋ mɩ́ kʋ̀ n bʋ̃-dɩrɩ a kɔ̃ dem. A Sore mɩ́ yuo nɩ a nɩ-pàwrɩ bɛr,

Sɛb-sõw yielu 22:26

Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.

Wulu-ayi-sob 32:13

Ʋ ƴãw na bɛ zɩ̃ tan pʋɔ ʋʋ guoli bɛ nɩ a póru bʋ̃-kʋ́ɔrɩ. Ʋ ɩ na bɛ dɩ pìe bɔwrɩ sɩwr, ɛ́ ɩ olivʋ tɩɩr bul zi-kʋsɛbɛ pʋɔ, a bɛ ƴãw.

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Ɩzayi 48:17

À ŋá n'a a Sore na yarɛ dier fʋ a, a Ɩsɩrayɛl Naaŋmɩn na ɩ sõw a ƴɛ̀rɛ: «Mãa n'ɩ a Sore fʋ Naaŋmɩn. Mãa n'ʋ wule fʋ a ʋlɩ bom nɛ na na tʋ̃ɔ́ wɩ̀ɛ fʋ a. Mãa n'ʋ tɛr fʋ cere nɩ a sɔ́r fʋ na lo a zu.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Levitɩ mɩnɛ 25:54

Bɛlɛ bɛ wa tʋ̃ɔ́ ya de ʋ a tub á ŋá kãw pʋɔ a, ʋlɛ nɩ a ʋ bibiir na lɛb'a so bɛ tʋɔra a “Pʋ-pɩɛlʋ yũon” daar.»