Ɩzayi 49:4 - A SƐB-SÕW

⁴ Mãa ƴãw a, ɩ̃ tɩ yere na: «Ɩ̃ bàl'ɩ ɩ̃ tʋɔra zawla, ɩ̃ hanɩ na ɛ́ a wa ɩ zi-vuo, ɛ́ a bɛ wa tɛr pɛr ɛ». Zɩ̃ k'aa ʋlɩ bom nɛ ɩ̃ na sɛw taa nɩ a tɩ gùre mɛ̃ nɩ a Sore zie, a ɩ̃ maalʋ tɩ be n a ɩ̃ Naaŋmɩn zie.

Ɩzayi 49:4 Referans Kwoze

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Galasi 4:11

Nyɩ ɩ na ɩ̃ zɔrɛ dɛ̃bɩ̃ɛ ɩ̃ nãà wa bàl ɩ̃ tʋɔra a nyɩ ƴãw zawlalɛ a.

2 Korɛ̃tɩ 12:15

Ɛ́ mãa a, mãa saa na sãw a ɩ̃ bʋ̃-tɛrɩ za bɛr a nyɩ ƴãw, ɛ́ de ɩ̃ tʋɔra za tɩr a nyɩ ƴãw a, nʋ̃ɔ̀ na kpɩɛr mɛ̃ na. Mãa wa nɔnɛ nyɩ sɛw à ŋá a, nyɩ na sàw na bɛ nɔ̃w mɛ̃ man a lɛ bɩɩ?

2 Korɛ̃tɩ 2:15

Sɩza n'a, a Naaŋmɩn zie a, tɩ ɩ na mɛ̃ parfɛ̃ na nyuur vla a Kɩrɩta de kʋ̀rɛ a Naaŋmɩn a. Tɩ ɩ n a lɛ a bɛlɩ dem na be a faafʋ sɔ́r zu a ƴãw, nɩ a bɛlɩ dem na bɔrɛ a ƴãw.

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Matie 17:17

A Yeezu tɩ de nɩ a ƴɛ̀rʋ yel: «Nɩsaal-faar bɛ ŋa, nɩ nɩbɛ na bɛ sàw de Naaŋmɩn a! Debor'a ɩ̃ na be a nyɩ zie tɩ ta? Debor'a ɩ̃ na wõ n nyɩ a tuo tɩ ta? Nyɩ tɛr a bie wa kʋ̀ m.»

Ezekɩɛl 3:19

Ɛcɛ, fʋ̃ʋ wa yel kʋ̀ ʋ, ʋʋ bɛ bɛr a ʋ po-tuolu nɩ a ʋ nyɔ-vʋʋr-faa a, ʋ na kpi n a ʋ ɩ-faar ƴãw, ɛ́ fʋ̃ʋ a, fʋ na faa nɩ a fʋ nyɔ-vʋʋrʋ.

Ɩzayi 65:23

Bɛ kʋ̃ mɩ́ cãà bàlɛ bɛ tʋɔra zawla ɩ, bɛ kʋ̃ mɩ́ lɛb dɔw bibiir kʋ̀ a kũu ɛ. Bʋ̃ʋ n'ʋ vɛ̃, bɛ ɩ n a nɩbɛ bɛl yir ɩ̃ na maalɛ a, bɛlɛ nɩ a bɛ bibiir.

Ɩzayi 62:11

A Sore ɩ na bɛ wõ a ʋ kɔkɔr tɩ tɔ a tẽw baarʋ zie. Nyɩ yel a Sɩyɔ̃ tẽ-kpɛ̃ɛ: «A fʋ Faarɛ tarɛ na. Ʋ tɛr'ɩ a nɩbɛ ʋ na páw a lɛb waar'ɩ, ʋ lɛb'a waar'ɩ a ʋ tuo bom.»

Ɩzayi 40:10

Nyɩ nyɛ̃ a Sore Naaŋmɩn. Ʋ waar'ɩ nɩ kpɛnʋ, ʋ tɛr'ɩ fãw na dɩ a naalʋ. Ʋ lɛb'a waar'ɩ a bom ʋ na páw a, ʋ lɛb'a waar'ɩ a ʋ tome sã-ya.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ʋrɔm 10:21

Ɛcɛ à ŋá n'a ʋ yel càar'ɩ a Ɩsɩrayɛl nɩbɛ: «Ɩ̃ tur'ɩ nuru bibi-ɓil za cɔw nɩbɛ na bɛ sàwr nʋɔr ɛ́ ɩ nɩ-gaarɩ a.»

Zã 1:11

Ʋ wa n a ʋl mɩŋa zi-sóra pʋɔ, ɛ́ a ʋ nɩbɛ bɛ wa de ʋ ɛ.

Luka 24:26

A bɛ tɩ fɛr kɛ́ a Kɩrɩta wõ tuo ɛ́ bãw nyɛ̃ a yúor-vɩɛlʋ-danʋ bɩɩ?»

Ɩzayi 65:2

Ɩ̃ tur'ɩ nũu kʋralɛ cɔw nɩ-bʋʋrɛ na gaarɩ a, nɩbɛ na tuur sɔr-faa ɛ́ ɩrɛ lɛ tɛwr bɛ na tɩɛrɛ a.

Levitɩ mɩnɛ 26:20

Nyɩ na mɩ́ bàl'ɩ nyɩ tʋɔra zawla: a tẽsɔw bʋ̃-kʋ́ɔrɩ za kʋ̃ mɩ́ lɛb maalɩ ɛ, ɛ́ a tẽw tɩɩr kʋ̃ cãà wɔnɛ ɩ.

Filib 2:16

nyɩɩm na tɛr a nyɔ-vʋʋrʋ ƴɛ̀rʋ a: à ŋá n'a nyɩ na zɛw a ɩ̃ yúor a Kɩrɩta waa bibir, bʋ̃ʋ n'ʋ vɛ̃, a ɩ̃ tome nɩ a ɩ̃ hanʋ kʋ̃ ɩ zawla ɩ.

Zʋkpaɩ 29:26

Nɩ-yaga mɩ́ bɔbr'ɩ a nɩ-kpɛ̃ɛ mʋʋrʋ, ɛcɛ a Sore n'ʋ dɩrɛ nɩ ŋa za a ƴɛ̀rʋ.

Ɩzayi 25:1

Sore e, fʋ̃ʋ n'ɩ a ɩ̃ Naaŋmɩn, ɩ̃ zɛwr fʋ na ɛ́ íre a fʋ yúor. Bʋ̃ʋ n'ʋ vɛ̃, fʋ maal'ɩ a yel-vɩɛlɩ fʋ na tɩɛrɩ a. Koro za n'a fʋ tɩɛrɩ a, a gã na ɛ́ bɛ lɩɛbɛ ɩ.

Ɩzayi 40:27

Zakɔb i, bʋ̃ʋ n'ʋ so fʋ yere, Ɩsɩrayɛl i, bʋ̃ʋ n'ʋ so fʋ ƴɛ̀rɛ à ŋá: «A Sore bɛ nyɛ̃ a lɛ a na ŋmɛ̃ m'a ɩ, a lɛ-na-tu-sɔr a ɩ̃ ƴãw a sɔwl'ɩ a ɩ̃ Naaŋmɩn zie».

Ɩzayi 57:21

A ɩ̃ Naaŋmɩn yel a: «Ƴã-ɓaarʋ bɛ be a nɩ-faar ƴãw ɛ.»

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»