Ɩzayi 49:25 - A SƐB-SÕW

²⁵ Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ɩzayi 49:25 Referans Kwoze

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Zakari 14:12

A bʋ̃-faar al na na páw a nɩ-bʋʋrɛ bɛl na zɛb'ɩ a Zerizalɛm a, n'ɩ á ŋá: bɛ na cãà na vʋʋrɛ ɛ́ a bɛ ƴã-gamɛ pɔ̃, a bɛ mimie na pɔ̃ n a mimi-bɔwrɩ pʋɔ, ɛ́ a bɛ zɛlɛ pɔ̃ a bɛ nɛ̃ɛ́.

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Ɩzayi 10:27

A ʋlɩ bibir nɛ a, ʋ na dɔw nɩ a tuor bɛr na dĩ a nyɩ bawŋmamɛ, ɛ́ dĩ a nyɩ nyuru mɛ̃ ni-kʋ́ɔrɩ dàa a. A dɔ̃ sob dúor'ɩ a Samaari,

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

1 Zã 3:8

Sob nɛ na maalɛ a yel-bier a, Gɛgɛra so ʋ. A Gɛgɛra na ɩ yel-bier-maalɛ a pɛr-tib daar za a ƴãw. Yel ŋa ƴãw n'a a Naaŋmɩn Bie wa: k'ʋʋ wa sãw a Gɛgɛra tome bɛr.

Zakari 9:11

A Sore yere na: «A wõ-taa ɩ̃ na maal'ɩ nyɩ, a bàwr-maal-zɩ̃ɩ wul kɛ́ sɩza n'a a zũú, ɩ̃ na ír'ɩ a nyɩ nɩbɛ bɛl na be a gaso pɛrɩ́ mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.

Zeremi 29:10

À ŋá n'a a Sore cãà lɛb yere: “A Babɩlɔn naalʋ-tẽw wa cɛlɩ tɩ ta yome lɩz'a ata nɩ pie a, ɩ̃ na kaa nɩ a nyɩ zie, ɛ́ maalɩ nyɩ a vla al za ɩ̃ na tɩ pɔ yel kʋ̀ nyɩ a: Ɩ̃ na ɩ na nyɩ lɛb wa a Zerizalɛm ka.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Yel-wula 18:20

Salom i, cɩlɛ a ʋ loba ƴãw! Nyɩ cɩlɛ, nyɩɩm Naaŋmɩn nɩbɛ ɛ, nɩ-toni nɩ naaŋmɩn-ƴɛ̀r-manbɛ ɛ! Bʋ̃ʋ n'ʋ vɛ̃, Naaŋmɩn maal'ɩ ʋ nɩ a ƴɛ̀rʋ kpɛ nyɩ.

Galasi 4:26

Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã.

Zakari 14:3

Al pùorí, a Sore na zɛb'ɩ nɩ a nɩ-bʋʋr-yoru bɛ ŋa, ʋ na zɛb'a mɛ̃ a lɛ ʋ na mɩ́ zɛb, a zɛbr daar a.

Markɩ 3:27

Nɩr kʋ̃ tʋ̃ɔ́ kpɛ gãdaa yir wob a ʋ bome, ʋlɛ bɛ wa dãw nyɔw ʋ 'lẽ baarɩ a ɩ. Ʋlɛ wa ɩ a lɛ baar'a n'a, ʋ pãa na tʋ̃ɔ́ wob a ʋ yir bome za.

Sɛb-sõw yielu 35:1

Daviir so ʋ. Sore e, tɛr'ɩ ƴɛ̀rʋ a bɛlɩ dem na tɛr'ɩ mɛ̃ ƴɛ̀rʋ a, zɛbr'ɩ a bɛlɩ dem na zɛbr'ɩ mɛ̃ a.

Ɩzayi 5:29

Bɛ ùore na mɛ̃ gben a, bɛ kone na mɛ̃ gbẽw-bili a. Bɛ kone na mɛ̃ wɛ-dʋn na sɛ̀m bom a na nyɔw a, cere nɩ ɛ́ nɩr kʋ̃ tʋ̃ɔ́ faa ʋ a zie a.

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 19:20

Ʋ na ɩ n bãwfʋ na wule k'aa Sore, a kpɛnʋ-za-sob, be n a Eziptɩ tẽw pʋɔ a. A Eziptɩ tẽw dem wa kone cɔwr a Sore, a bɛlɩ dem na dɔwrɛ bɛ a ƴãw a, ʋ na kʋ̀ bɛ nɩ faarɛ na na gù bɛ ɛ́ faa bɛ a.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Ɩzayi 51:22

À ŋá n'a a Sore, a fʋ Zu-sob, a fʋ Naaŋmɩn, yere, ʋl na ƴɛ̀rɛ kpɩɛr a fʋ nɩbɛ a: «Ɩ̃ na lɛb'a de a nĩw-viir koli-nyúura a fʋ nuru pʋɔ, a ɩ̃ suur koli-nyúura. Fʋ kʋ̃ lɛb nyũ ʋ towtow ɛ.

Zeremi 15:21

Ɩ̃ na ìr fʋ nɩ a nɩ-faar nuru pʋɔ, ɩ̃ na ìr fʋ nɩ a po-to-fãw dem nuru pʋɔ.»

Nahum 2:13

A gbẽw-daa mɩ́ tɩ kʋ n a bome taw ŋma, wa ƴãw a gbẽw-nyãw nɩ a bili. Ʋ mɩ́ tɩ paal'ɩ a ʋ bɔwrɩ, nɩ a dʋn nɛnɛ ʋ na kʋ taw ŋma a.

Levitɩ mɩnɛ 25:54

Bɛlɛ bɛ wa tʋ̃ɔ́ ya de ʋ a tub á ŋá kãw pʋɔ a, ʋlɛ nɩ a ʋ bibiir na lɛb'a so bɛ tʋɔra a “Pʋ-pɩɛlʋ yũon” daar.»

Ɩzayi 51:14

A gaso nɩr a kpɩɛrʋ na dĩ a kʋ̃ yaa kɛ́ lɛb so ʋ tʋɔra ɩ. Ʋ bɛ kpiir a ʋ gaso pʋɔ ɩ, ɛ́ kʋ̃ lɛb bɔ bʋ̃-dɩra gù ɛ.

Zeremi 31:11

Bʋ̃ʋ n'ʋ vɛ̃, a Sore faa nɩ a Ɩsɩrayɛl nɩbɛ, ʋ ír bɛ nɩ nɩr na kpɛmɛ zuo bɛ a nuru pʋɔ.