Ɩzayi 49:23 - A SƐB-SÕW

²³ Na-mɩnɛ nɛbɛ na guole a fʋ bibiir, ɛ́ na-mɩnɛ pɔwyaar ɩ a bɛ bɩyaalbɛ. Bɛ na mɩ́ vɔblɩ muru a fʋ niŋé. Bɛ na mɩ́ lɛnɩ nɩ a fʋ gbɛ́ɛ uuru. Lɛ n'a fʋ na bãw kɛ́ mãa n'ɩ a Sore, nɩ kɛ́ bɛlɩ dem na ƴãw a bɛ tɩɛrʋ a ɩ̃ ƴãw a bɛ nyɛrɛ vĩ ɛ.»

Ɩzayi 49:23 Referans Kwoze

Ɩzayi 60:16

Fʋ na nyúur'ɩ a nɩ-bʋʋr-yoru bʋ̀rʋ, fʋ na dɩrɛ nɩ a bɛ na-mɩnɛ na-bome. Lɛ n'a fʋ na bãw k'aa mãa, a Sore, mãa n'ɩ a fʋ faarɛ, k'aa mãa, a Zakɔb Naaŋmɩn, na tɛr kpɛnʋ a, mãa n'ɩ a fʋ ya-diere.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Ɩzayi 60:3

A nɩ-bʋʋr-yoru na cere na wɩɛr a fʋ cãà zie, ɛ́ a na-mɩnɛ wɩɛr a fʋ cãà na pùr caalɩ a zie.

Mise 7:17

Bɛ na mɔwr'ɩ tanɛ mɛ̃ a wɩɩr a, mɛ̃ a tẽsɔw bʋ̃-vuri za a. Bɛ na yi n a bɛ zɛbr-yir-kpɛn pʋɔ, màwr waar'ɩ a fʋ̃ʋ Sore tɩ Naaŋmɩn zie. Pʋ̀lá na vʋ̃ɔnɛ bɛ na ɛ́ a fʋ dɛ̃bɩ̃ɛ ɩrɛ bɛ.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ʋrɔm 10:11

Bʋ̃ʋ n'ʋ vɛ̃, a Sɛb-sõw yere nɩ à ŋá: «Sob nɛ za na sàw de ʋ a, ʋ kʋ̃ nyɛ̃ vĩ ɛ.»

Sɛb-sõw yielu 25:3

Bɛlɩ dem na tɩɛrɛ fʋ a, a bɛ been bɛ nyɛrɛ vĩ ɛ. Ɛcɛ bɛ na nyɛ̃ nɩ vĩ, a bɛlɩ dem na mɩlɛ zawlalɛ a!

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

Ɩzayi 64:4

Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Sɛb-sõw yielu 34:22

A faalʋ n'a na kʋ a nɩ-faa, a nɩ-mɩŋa dɔ̃ dem na nyɛ̃ nɩ dɔwrʋ.

1 Pɩɛr 2:6

Lɛ so bɛ sɛb a Sɛb-sõw pʋɔ kɛ́: «Mãa n'ɩ ŋa n ƴãwnɛ dacĩ-goraa kʋsɩɛr a Sɩyɔ̃ tẽw pʋɔ, kʋsɛ-yúor ɩ̃ na kaa ír a. Ʋlɩ sob na de a ʋ tɩɛrʋ ƴãw a ʋ ƴãw a, ʋ kʋ̃ nyɛ̃ vĩ ɛ.»

Ʋrɔm 9:33

a kʋsɩɛr ʋl a Sɛb-sõw na yere à ŋá a: «Mãa n'ɩ ŋan ƴãwnɛ gbɛ-ŋmɛ-kʋsɩɛr a Sɩyɔ̃ tẽw pʋɔ, pìir kʋsɩɛr na ɩrɛ bɛ lore a. Ɛcɛ sob nɛ na sàw de ʋ a, ʋ kʋ̃ nyɛ̃ vĩ ɛ.»

Ɩzayi 62:2

A nɩ-bʋʋrɛ na nyɛ̃ nɩ a fʋ mɩnʋ, ɛ́ a na-mɩnɛ za nyɛ̃ a fʋ yúor-vɩɛlʋ-danʋ. Fʋ na tɛr'ɩ yo-paala a Sore na na por a.

Sɔr-nɛ́ɛ 11:12

Mãa n'ʋ tɛr a nɩ-bʋʋrɛ bɛ ŋa za pʋɔ ɔ? Mãa n'ʋ dɔw bɛ, fʋ yel mɛ̃: “Ɓori bɛ a fʋ nyãa zu, mɛ̃ bi-pɩɩla pɔw na mɩ́ ɓori a”, ɛ́ wɩɛr'ɩ bɛ a tẽw ʋl fʋ na pɔ yel kɛ́ fʋ na kʋ̀ n a bɛ sãàkʋm-kore a?

Ʋrɔm 5:5

A tɩɛrʋ ŋa bɛ bɛ̀lɛ ɩ, bʋ̃ʋ n'ʋ vɛ̃, Naaŋmɩn ƴãw nɩ a ʋ nɔ̃wfʋ a tɩ socie pʋɔ, a Vʋʋrʋ Sõw ʋ na kʋ̀ tɩ a zũú.

Ɩzayi 52:15

lɛ mɩ̀ n'a nʋɔr na ɓãa nɩ-bʋʋr-yaga a ʋ ƴãw, na-mɩnɛ na nyɔw nɩ nʋɔr a ʋ niŋé. Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ mɛ̃ a lɛ bɛ na tɩ manɩ kʋ̀ bɛ a ɩ, ɛ́ a bom bɛ na jɩ́rɛ a, bɛ ɩ mɛ̃ a lɛ bɛ na wõ bɛ yel a ɩ.»

Sɛb-sõw yielu 138:4

Sore e, a tẽw zu na-mɩnɛ za na puore fʋ nɩ yãanɩ, bɛ na na wone a fʋ nʋɔr ƴɛ̀rʋ a ƴãw.

Sɛb-sõw yielu 68:31

Be a be, ɛ́ tanɩ a bàa-kɛkɛɛ pʋɔ dʋ̃w, a nadɛr-yaga yaga nɩ a bili na tɛr salm-zɩɛ libie wa lo gbĩ n dume a fʋ niŋé a. Diw a nɩ-bʋʋrɛ na nɔnɛ a zɛbr a yaarɩ.

Zowɛl 2:27

Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»

Sɛb-sõw yielu 69:6

Naaŋmɩn i, fʋ bãw nɩ a ɩ̃ dãbolu, ɛ́ a ɩ̃ sãwna bɛ sɔwlɩ a fʋ zie ɩ.

Yele-za-pɛr-tib 43:26

A Zuzɛb na wa ta a, bɛ kʋ̀ ʋ nɩ a bome bɛ na wa n a, ɛ́ gbĩ dume gũu tɩ tɔ tẽw a ʋ niŋé.

Yele-za-pɛr-tib 27:29

Ten ten nɩbɛ, bɛ tone kʋ̀rɛ fʋ, ɛ́ nɩ-bʋʋrɛ bʋʋrɛ gbine dume a fʋ niŋé! Dɩ nɩ-kpɛ̃ɛnʋ a fʋ yɛbr zu, ɛ́ bɛ gbine dume a fʋ niŋé! A ŋmɛ-ƴãw, a tuur sob nɛ nãà wa ŋmɩɛr ƴãwn fʋ a, ɛ́ a nɔ-vla tuur sob nɛ nãà wa ƴɛ̀rɛ nɔ-vla ƴãwn fʋ a!»

Eziptɩ tẽw yib 6:7

Ɩ̃ na de nyɩ na, nyɩ ɩ a ɩ̃ nɩbɛ, ɩ̃ɩ ɩ a nyɩ Naaŋmɩn. Nyɩ na bãw na k'aa mãa, a Sore, mãa n'ɩ a nyɩ Naaŋmɩn na íre nyɩ bɛrɛ a Eziptɩ tẽw pɔ̃tɔrɩ tome pʋɔ a.

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Ɩzayi 26:8

Sɩza n'a, Sore e, a sɔ́r fʋ na yel kɛ́ tɩ tuur a zu a, tɩ mɩ́ ƴãw nɩ a tɩ tɩɛrʋ a fʋ ƴãw. A ʋlɩ bom nɛ tɩ na bɔbr a n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.

Ɩzayi 29:22

Alɛ n'a so, ƴɛ̀rʋ ŋa n'ʋ a Sore, a ʋl na faa a Abraham a, ƴɛ̀rɛ kʋ̀rɛ a Zakɔb bʋʋrɛ: «Dɩ̃a na ta a, a Zakɔb bʋʋrɛ kʋ̃ lɛb nyɛ̃ vĩ ɛ, vĩ kʋ̃ lɛb nyɔw bɛ bɛ su zuru ɛ.

Ɩzayi 41:20

Lɛ n'a a nɩbɛ za na nyɛ̃ k'aa Sore n'ʋ maalɩ a yele á ŋá, k'aa Ɩsɩrayɛl Naaŋmɩn na ɩ sõw a n'ʋ ír a. A nɩbɛ za na bãwnɩ a na, bɛ za na cɛlɛ nɩ be ɛ́ bãw a pɛr.

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 52:6

Alɛ n'a so bibir kãw, a ɩ̃ nɩbɛ na bãw sob nɛ na nɛ m a. Ʋ̃ʋ, bɛ na bãw na kɛ́ mãa n'ʋ yere: Ɩ̃ tarɛ na!»

Ezekɩɛl 37:6

Ɩ̃ na ƴãw nɩ jiile a nyɩ zu, ɩ̃ na ɩ n ƴã-gã-nɛn bul a nyɩ zu, ɩ̃ na ɩ n gán pàw nyɩ. Ɩ̃ na ƴãw nyɩ nɩ nyɔ-vʋʋrʋ pɩɛlʋ, ɛ́ nyɩ na vʋʋrɛ na. Lɛ n'a nyɩ na bãw kɛ́ mãa n'ɩ a Sore.»

Ɩzayi 50:7

A Sore Naaŋmɩn sõwne mɛ̃ na, alɛ so a bɛ zʋmɛ bɛ 'wɔbr mɛ̃ ɩ, alɛ so ɩ̃ nyar a ɩ̃ niwn ʋ kpɛmɛ mɛ̃ kʋsɩɛr a, ɩ̃ɩ bãwnɩ a na ɩ̃ na kʋ̃ nyɛ̃ vĩ a.

Matie 25:16

Daadaalɛ, a tõ-tõ-bie ʋl na tɩ páw a salm-zɩɛ libie kɔbr anũu (500) a, tɩ cen na tɩ tõ n, páw kɔbr anũu (500) dɔwlɩ.