Ɩzayi 49:22 - A SƐB-SÕW

²² À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 49:22 Referans Kwoze

Luka 13:29

Nɩbɛ na yi n a tẽw zu ziir za wa pʋɔ a Naaŋmɩn Naalʋ dɩb pʋɔ.

Sɛb-sõw yielu 86:9

A nɩ-bʋʋrɛ za fʋ na ír a na wa na wa gbĩ dume a fʋ niŋé, Sore e, bɛ na íre nɩ a fʋ yúor.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 72:8

Ʋ na mɩ́ dɩ n naalʋ kʋ̃ɔ-kpɛ̃ɛ ƴãw tɩ tɔ n kʋ̃ɔ-kpɛ̃ɛ, a Efaratɩ man ƴãw tɩ tɔ n a tẽw baarʋ zie.

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Sɛb-sõw yielu 102:22

Lɛ n'a bɛ na íre a Sore yúor a Sɩyɔ̃ tẽw pʋɔ, bɛ na yiele danɛ nɩ ʋ a Zerizalɛm tẽw pʋɔ,

Ɩzayi 18:3

Nyɩɩm za, tẽ-daa nɩbɛ ɛ, nyɩɩm na kpɩɛr a tẽw a, bɛlɛ wa zɛw a dɩrapo a tan zu a, nyɩɩm jɩ́rɛ, a ɩɩl wa kõ a, nyɩɩm bɛrɛ wone.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 62:10

Zerizalɛm tẽw dem i, nyɩ yi, nyɩ yi a tẽ-kpɛ̃ɛ pʋɔ fɔ̃w! Nyɩ puo a sɔ́r kʋ̀ a ɩ̃ nɩ-bʋʋrɛ. Nyɩ paalɩ a bɔwrɩ, nyɩ ír a kʋsɛbɛ bɛr, nyɩ bà bãwfʋ ʋ zɛw a nɩ-bʋʋrɛ ƴãw.

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Zakari 8:22

Sɩza n'a, nɩ-bʋʋr-yaga nɩ ten na tɛr fãw a na wa n a Zerizalɛm, wa bɔbr kɛ́ bɛ be a ɩ̃ zie, ɛ́ zɛlɛ mɛ̃ nɩ a bɛ puoru.