Ɩzayi 49:19 - A SƐB-SÕW

¹⁹ Fʋ be n deboru pʋɔ, a fʋ ziir ŋmɛr ŋmɛr a, a fʋ tẽw sãw na. Ɛcɛ ʋ kʋ̃ yaa kɛ́ ɩ pʋrɩ zuo a ʋ nɩbɛ ƴãw ɛ, ɛ́ a bɛlɩ dem na tɩ ɩrɛ kɛ́ fʋ ta cãà a, na cen na zãá nɩ fʋ.

Ɩzayi 49:19 Referans Kwoze

Zakari 10:10

Ɩ̃ na tɛr bɛ nɩ a Eziptɩ tẽw lɛb wa n, ɩ̃ na tɛr bɛ nɩ a Asiiri tẽw lɛb wa ɓã bɛ taa, ɩ̃ mɩ̀ na tɛr bɛ na cen nɩ Galaadɩ tẽw nɩ Libã tẽw, ɛcɛ a be mɩ̀ a, a vuo kʋ̃ saalɩ bɛ ɩ.

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Zakari 2:4

Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»

Ezekɩɛl 36:3

A na ɩ lɛ a, a fʋ̃ʋ nɩsaal bie, ƴɛ̀r a Ɩsɩrayɛl nɩbɛ zie a ɩ̃ yúor ƴãw: À ŋá n'a ɩ̃ yere kʋ̀rɛ bɛ, a mãa, a Sore Naaŋmɩn: A lõbowe za a, a nɩbɛ tɩ bɔbr'a kɛ́ bɛ sãw nyɩ bɛr ɛ́ ɩ nyɩ bɔr. Bɛ tɩ bɔbr'a kɛ́ bɛ nyɔw nyɩ, ɛ́ nyɩ lo n a nɩ-bʋʋr-yoru nuru pʋɔ. Bɛ ɩ nyɩ na la ɛ́ tʋ nyɩ.

Zeremi 51:44

A Sore yere na: «Ɩ̃ na ìr'ɩ a Bɛl, a Babɩlɔn tẽw ŋmɩn ƴãw. A bom ʋl ʋ na vɔlɛ a, ɩ̃ na ír ʋ nɩ a ʋ nʋɔrɩ́. A nɩ-bʋʋrɛ kʋ̃ cãà darɛ taa cere a ʋ zie ɩ. A dacĩ-kpɛ̃ɛ na piw a Babɩlɔn tẽ-kpɛ̃ɛ a lo na.

Zeremi 51:33

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Bɛ nɛbr'ɩ a Babɩlɔn na ɩrɛ nɩbaalʋ a, mɛ̃ zie bɛ na cɔbrɛ ble vab ƴãw a. Ka nɩ blã a, a na ɩ n a bʋ̃-dieri-deb daar a ʋ zie.»

Zeremi 30:16

Ɛcɛ a bɛlɩ dem za na báarɛ fʋ a, bɛ mɩ̀ na baarɩ bɛ na. Bɛ na diw nɩ a fʋ dɔ̃ dem za pap cen nɩ tẽ-yũo. A bɛlɩ dem za na fárɛ a fʋ bome a, bɛ mɩ̀ na fá n a bɛ bome. A bɛlɩ dem za na zarɛ a fʋ bome a, bɛ mɩ̀ na za n a bɛ bome.

Ɩzayi 49:17

A bɛlɩ dem na na lɛb mɛ b a páwr'a waar, ɛ́ a bɛlɩ dem na ŋmɛr fʋ bɛr ɛ́ sãw fʋ bɛr a, cere kɛ́ bɛr fʋ.

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Zʋkpaɩ 1:12

Tɩ na nyɔw bɛ nɩ mimie, kʋ bɛ ɛ́ ƴãw bɛ siw a bɔw pʋɔ daadaa mɛ̃ tɩɩm n'ɩ a kũu tɔr za a.

Sɛb-sõw yielu 124:3

a lɛn daar a bɛ suur na tɩ 'lere a tɩ ƴãw a, bɛ nãá tɩ vɔl tɩ nɩ mimie.

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 54:3

Bʋ̃ʋ n'ʋ vɛ̃, fʋ na yɛ́r'a pàw a ziir za, a fʋ bibiir na so nɩ a tẽ-kpɔwlɩ, ɛ́ lɛb kpɩɛr a tẽ-bɛrɛ bɛ na bɛ tɩ cãà kpɩɛr a.

Zakari 2:8

Ʋ tɩ yel ʋ na: «Zɔ cen tɩ yel a pɔlbile na tɛr a miw-máná a: Dacine kʋ̃ mɛ viiri koli a Zerizalɛm ɛ, a nɩbɛ nɩ a dʋn na na yãwmɛ a ʋ pʋɔ bɛ dɩ vuo a ƴãw.