Ɩzayi 49:18 - A SƐB-SÕW

¹⁸ Jɩ́r a ziir za kaa nyɛ̃: a fʋ bibiir za ɓanɛ nɩ taa, bɛ waar'ɩ a fʋ zie. A Sore yere na: Ɩ̃ taa bɛ wa vʋʋrɛ! Alɛ bɛ ɩ lɛ, bɛ na ɩ na mɛ̃ pɩ̃ɛmɛ fʋ na ƴãw a, mɛ̃ kpàwr pɔw na ƴãw nɩ yúor a na sɛ a.

Ɩzayi 49:18 Referans Kwoze

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 54:9

«Ɩ̃ na ɩ na mɛ̃ a Nowe daar a. Ɩ̃ tɩ pɔ na k'aa kʋ̃ɔ-paalʋ kʋ̃ɔ kʋ̃ lɛb paalɩ pàw a tẽw ɛ. Lɛ mɩ̀ n'a ɩ̃ pɔrɛ yere kʋ̀rɛ fʋ a dɩ̃a, k'ɩ̃ɩ kʋ̃ lɛb nyɛ̃ nɩ fʋ suur ɛ, k'ɩ̃ɩ kʋ̃ lɛb tanɩ fʋ ɛ.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Yel-wula 21:2

Ɩ̃ɩ tɩ nyɛ̃ nɩ a tẽ-sõw, a Zerizalɛm paala, na yi a Naaŋmɩn zie a salom zu siwr a, ʋ ɩ mɛ̃ pɔw-sãan na ƴãw ʋ pɩ̃ɛmɛ a ʋ sɩr ƴãw a.

Zeremi 31:8

Ɩ̃ na sɩrɩ na ɩ bɛ yi a tẽw saa-pɛrɩ́-gʋba-lowr lɛb wa, ɩ̃ na tɛr bɛ nɩ a tẽw zi-zãánɩ za lɛb wa ɓã taa. A bɛ pʋɔ a, zɔn, wʋbr, pɔw-pée nɩ pɔ-dɔwrbɛ be n be. Zu-sɛbla na bɛ tɩ dɩ vuo a nɛbɛ lɛbr waar a ka.

Ɩzayi 52:1

Ìr, Sɩyɔ̃ tẽw i, ìr! Wul a fʋ kpɛnʋ! Zerizalɛm, tẽ-kpɛ̃ɛ-sõw i, su a fʋ dɛpaal bʋ̃-suuri. Bʋ̃ʋ n'ʋ vɛ̃, a nɩ-sãanbɛ nɩ a dɛwr dem kʋ̃ lɛb wa a fʋ zie towtow ɛ.

Ɩzayi 49:22

À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 45:23

Mãa mɩŋa n'ʋ ɩ̃ pɔrɛ nɩ, yel-mɩŋa n'a yire a ɩ̃ nʋɔrɩ́, ƴɛ̀rʋ na bɛ lɩɛbɛ bɛrɛ a: dun za na gbĩ n a ɩ̃ niŋé, nʋɔr za na pɔ n à ŋá:

Zʋkpaɩ 17:6

A sãàkʋm mɩnɛ dɛpaal-bom'ɩ a bɛ yan, ɛ́ a bibiir vɩɛlʋ n'ɩ a bɛ sãà mɩnɛ.

Yele-za-pɛr-tib 22:16

yel ʋ: «À ŋá n'a a Sore yere: Fʋ na ɩ à à ŋá, bɛ sɩb mɛ̃ a fʋ bidɛb-been a, mãa bɛ wa ɩ a Naaŋmɩn a n'a, alɛ bɛ ɩ lɛ, ɩ̃ pɔrɛ na

Yele-za-pɛr-tib 13:14

A Lɔtɩ na tɩ bɛr a Abram baar'a, a Sore tɩ yel'ɩ a Abram: «Àr a zie ʋl fʋ na be a, ɛ́ jɩ́r a saa-pɛrɩ́-gʋba-lowr nɩ a saa-pɛrɩ́-dʋrʋ-lowr, jɩ́r a saa-pɛrɩ́ nɩ a mʋ̃tɔ̃w-kpɛb-lowr.

Zã 4:35

A nyɩɩm tɛɛ za, nyɩ bɛ tʋ̃ɔ́ mɩ́ yel: “Cuwr anaar'a cɛ, ɛ́ a na ɩ a bʋ̃-dieri deb ɛ?” Ɛcɛ mãa yere na kʋ̀rɛ nyɩ: nyɩ dʋɔ zu jɩ́r nyɛ̃: a póru maal'a baarɩ gù a cɛb.

Sɔr-nɛ́ɛ 14:21

Ɛcɛ, ɩ̃ taa bɛ wa be, a ɩ̃ yúor-vɩɛlʋ-danʋ taa bɛ wa paalɩ a tẽw za, ɩ̃ pɔ na

Zeremi 43:12

Ʋ na nyɩw nɩ a Eziptɩ tẽw ŋmɩmɛ yie bɛr. Ʋ na nyɩw nɩ a ŋmɩmɛ á ŋá bɛr bɩɩ wob a kul'ɩ. Ʋ na ƴãw nɩ fãw de a Eziptɩ tẽw na-bome za, mɛ̃ bʋ̃-cɩ̃ɩnɛ na ƴãw fãw vɩɛrɩ nyɔw a ʋ kparɩ cibe a. Al pùorí, ʋ na lɛb'a kul'ɩ ƴã-ɓaarʋ.

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?