Ɩzayi 49:13 - A SƐB-SÕW

¹³ Salom i, ŋmɩɛr nʋ̃ɔ̀ cɛlsɩ! Ɛ́ fʋ̃ʋ, tẽw i, cɩlɛ! Tan i, nyɩ cáarɛ nʋ̃ɔ̀ cáarʋ! Bʋ̃ʋ n'ʋ vɛ̃, a Sore mɔwlɛ nɩ a ʋ nɩbɛ, ʋ zɔrɛ nɩ a kpɩɛrʋ dem nɩbaalʋ.

Ɩzayi 49:13 Referans Kwoze

Ɩzayi 44:23

Salom i, lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, a Sore ɩrɛ nɩ bom! Tẽsɔw pʋ̃ɔmɩ za a, cáarɛ, nyɩɩm, tan nɩ tuwr tɩɩr i, nyɩ ŋmɩɛr nʋ̃ɔ̀ cɛlsɩ. Bʋ̃ʋ n'ʋ vɛ̃, a Sore ya na de a ʋ nɩ-bʋʋrɛ, ʋ wul'ɩ a ʋ vɩɛlʋ a Ɩsɩrayɛl tẽw pʋɔ.

Ɩzayi 51:3

A Sore zɔrɛ nɩ a Sɩyɔ̃ nɩbaalʋ, ʋ zɔrɛ nɩ a ʋ deboru nɩbaalʋ. Ʋ na ɩ n a zie ŋa bɛ na bɛ cãà kpɩɛr a, ʋ lɩɛbɩ zi-vla vla. Ʋ na ɩ n a zi-kõw ŋa ʋ lɩɛbɩ Edɛn zaadɛ̃. Cɩlʋ nɩ nʋ̃ɔ̀ cɛlsɩ n'a na be a be, lãwnɩ danʋ yielu nɩ bʋ̃-ŋmɩɛrɩ ŋmɛb.

Ɩzayi 52:9

Zerizalɛm deboru u, nyɩ ŋmɩɛr nʋ̃ɔ̀ cɛlsɩ: a Sore mɔwlɛ nɩ a ʋ nɩbɛ, ʋ yarɛ na dier a Zerizalɛm.

Ɩzayi 55:12

Nʋ̃ɔ̀ n'a na ɩrɛ nyɩ nyɩ yi a Babɩlɔn tẽw pʋɔ, ɛ́ ƴã-ɓaarʋ n'a bɛ na tɛr'ɩ nyɩ lɛb wa n a nyɩ tẽw. Nyɩ na tɔlɛ na a tan nɩ a tãli ŋmɩɛr nʋ̃ɔ̀ cɛlsɩ, ɛ́ a wɩ̀ɛ tɩɩr za ŋmɩɛr nuru ƴãwn.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Zeremi 31:13

Lɛ n'a nʋ̃ɔ̀ na ɩrɛ a pɔwsɩrali bɛ ƴawr, lãwnɩ a pɔlbili nɩ a dɛb-nyamɛ. Ɩ̃ na ɩ na a bɛ wahala lɩɛbɩ nʋ̃ɔ̀, ɩ̃ na mɔwlɩ bɛ na. A pʋ-sãwna pùorí a, a na ɩ n a nʋ̃ɔ̀.

1 Bibie za yel-manɩ 16:31

A salom, ʋ cɩlɛ, a tẽw, ʋ lɔbr nʋ̃ɔ̀ cɛlsɩ! Bɛ yel kʋ̀ a nɩ-bʋʋrɛ za: «A Sore ɩ n nãà!»

Sɛb-sõw yielu 69:34

Bʋ̃ʋ n'ʋ vɛ̃, a Sore bɛrɛ na wone a nan dem, ʋ bɛ zawrɛ a ʋ nɩbɛ na be a gaso pʋɔ a bɛrɛ ɩ.

Sɛb-sõw yielu 71:21

Fʋ na lɛb'a maal mɔwlɩ mɛ̃, fʋ na ɩ na k'ɩ̃ lɛb tɛr yúor.

Sɛb-sõw yielu 148:9

Nyɩ danɛ ʋ, nyɩɩm tã-bɛrɛ nɩ tãli, tɩ-wɔnɩ nɩ sɛɛdɩr tɩɩr za,

Ɩzayi 14:1

A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Ɩzayi 49:14

A Sɩyɔ̃ tẽw tɩ yere na: «A Sore zawrɩ mɛ̃ na bɛr, a ɩ̃ zu-sob yiiri mɛ̃ na bɛr.»

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Zeremi 51:48

Lɛ n'a a salom nɩ a tẽw nɩ bom za na be a pʋɔ a, na lɔbr zɛb-tʋ̃ɔ́fʋ cɛlsɩ a Babɩlɔn tẽw ƴãw. Bʋ̃ʋ n'ʋ vɛ̃, a bɛlɩ dem na na sãw ʋ bɛr a na yi n saa-pɛrɩ́-gʋba-lowr ta.» À à ŋá n'a a Sore yel.

Ezekɩɛl 35:14

À ŋá n'a a mãa Sore Naaŋmɩn yere: A lɛn daar a nɩ-bʋʋrɛ za nãà wa be a nʋ̃ɔ̀ pʋɔ a, ɩ̃ na sãw fʋ na bɛr cʋmɛcʋmɛ.

Sɛb-sõw yielu 65:13

A dʋn mʋ̃ɔ 'wɔbrʋ zie a wɛja-kpalɛ pʋɔ ʋr'a, ɛ́ a tãli sɛ a nʋ̃ɔ̀ mɛ̃ kpàwr a.

Sɛb-sõw yielu 89:13

Fʋ̃ʋ n'ʋ ír a saa-pɛrɩ́-gʋba-lowr nɩ a saa-pɛrí-dʋrʋ-lowr. A Tabɔɔr nɩ a Hɛrmɔ̃ tan wa wõ a fʋ yúor a, a mɩ́ ŋmɩɛr'ɩ nʋ̃ɔ̀ cɛlsɩ.