Ɩzayi 49:1 - A SƐB-SÕW

¹ Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Ɩzayi 49:1 Referans Kwoze

Zeremi 1:5

«Ɩ̃ tɩ bãw fʋ na ɛ́ bɛ cɔbrɩ fʋ a fʋ mã puori sɛr ɛ, ɩ̃ tɩ ka n nũú ƴãw fʋ ɛ́ fʋ wa bãw dɔw, ɩ̃ tɩ ɩ na fʋ ɩ a ɩ̃ ƴɛ̀r-manɛ a nɩ-bʋʋr-yoru za zie.»

Galasi 1:15

Ɛcɛ, a Naaŋmɩn na kaa ír mɛ̃ bʋɔlɩ mɛ̃ a ʋ maalʋ zũú a ʋ tome ƴãw, ɩ̃ɩ cãà a ɩ̃ mã pùorí a, ʋ na tɩ nyɛ̃ a sɛw

Ɩzayi 44:2

À ŋá n'a ɩ̃ yere, a mãa Sore na maalɩ fʋ a, na cɔbrɩ fʋ ɛ́ fʋ bɛ dɔw sɛr ɩ̃ɩ waar a fʋ sõwfʋ a: Ta zɔrɛ dɛ̃bɩ̃ɛ ɩ, ɩ̃ tõ-tõ-bie Zakɔb i, fʋ̃ʋ Yesurun ɩ̃ na kaa ír a.

Ɩzayi 49:5

Ƴɛrɛŋa a, a Sore ƴɛ̀r'a, ʋl na cɔbrɩ mɛ̃ a ɩ̃ mã puori k'ɩ̃ɩ wa ɩ a ʋ tõ-tõ-bie a. Ʋ bɔbr'a k'ɩ̃ɩ lɛb tɛr a Zakɔb bʋʋrɛ wa n a ʋ zie, k'ɩ̃ɩ lɛb ɓã a Ɩsɩrayɛl nɩbɛ taa. A lɛ pʋɔ a, ɩ̃ ɩ n nɩr a Sore zie, ɛ́ a ɩ̃ fãw a, a ɩ̃ Naaŋmɩn n'ʋ.

Luka 1:31

Nyɛ̃, fʋ na tɛr'ɩ pʋɔ dɔw dɛble, por a ʋ yúor kɛ́ Yeezu.

1 Pɩɛr 1:20

Ʋlɛ n'ʋ a Naaŋmɩn tɩ dãw bãwnɩ, ʋ na bɛ tɩ ír a tẽ-daa sɛr a, ɛ́ pãa wa wul ʋ sãá a nyɩɩm ƴãw, a vuo ŋa pʋɔ na ɩ a vo-pɛ-baara a.

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Zã 10:36

Ɛ́ a sob nɛ a Sãà na maalɩ ʋ ɩ sõw, ʋʋ tõ ʋ a tẽ-daa zu a, nyɩ yel ʋ na: “Fʋ tʋʋr'ɩ Naaŋmɩn”, ɩ̃ na háa nʋɔr yel k'ɩ̃ɩ ɩ n Naaŋmɩn Bie a ƴãw.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Ɩzayi 46:3

Nyɩ bɛrɛ wone a ɩ̃ ƴɛ̀rʋ, Ɩsɩrayɛl nɩbɛ ɛ, nyɩɩm Zakɔb bʋʋrɛ na cɛ a, nyɩɩm ɩ̃ na kaa a nyɩ dɔwfʋ daar za a, nyɩɩm na dɛ wa nyɛrɛ a cãà wa báarɛ ɩ̃ɩ tɛr a.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Efɛɛzɩ 2:17

Ʋ wa na wa hieri yel a ƴã-ɓaarʋ kʋ̀ a nyɩɩm na tɩ zãá a, nɩ a bɛlɩ dem na tɩ pɩɛlɩ a.

Ɩzayi 51:5

A mɩnʋ ɩ̃ na tɩrɛ a pɩɛl'a, a faafʋ waar'a. Ɩ̃ na dɩ n nɩ a nɩ-bʋʋrɛ ƴɛ̀rʋ nɩ kpɛnʋ. A nɩ-bʋʋrɛ na zãá a na ƴãw nɩ a bɛ tɩɛrʋ a ɩ̃ ƴãw, bɛ na gùre nɩ a ɩ̃ nɩ-kpɛ̃ɛnʋ dɩb.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Ɩzayi 42:12

A nɩ-bʋʋrɛ na zãá a, bɛ manɛ a Sore yúor-vɩɛlʋ-danʋ, bɛ yiele kpɛ̃w kpɛ̃w za danɛ nɩ ʋ!

Ɩzayi 41:1

A Sore yere na: nyɩɩm tẽ-zãánɩ nɩbɛ ɛ, nyɩ ŋmãa vʋʋrʋ ɛ́ bɛr wõ m. Nyɩɩm nɩ-bʋʋrɛ za a, nyɩ lɛb páw fãw-paala. Nyɩ taw pɩɛlɩ ɛ́ ƴɛ̀r. Nyɩ ɩ tɩ lãw cen a ƴɛ̀rʋ-dɩb ƴãw.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Sɛb-sõw yielu 22:10

Sore e, fʋ̃ʋ n'ʋ ír mɛ̃ a ɩ̃ mã púorí, ƴãw ɩ̃ zɩ̃ a ʋ gbɛ́ɛ zu bom bɛ ɩrɛ mɛ̃ ɩ.

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Ɩzayi 24:15

«Nyɩ íre a Sore yúor-vɩɛlʋ-danʋ a saa-pɛrɩ́ voru pʋɔ, nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ, nyɩ pore a Sore, a Ɩsɩrayɛl Naaŋmɩn, yúor!»

Ɩzayi 33:13

Nyɩɩm na zãá a, nyɩ wõ a ʋlɩ bom nɛ ɩ̃ na ɩ a. Ɛ́ nyɩɩm na pɩɛlɩ a, nyɩ nyɛ̃ a ɩ̃ kpɛnʋ bãw.»

Ɩzayi 45:3

Ɩ̃ na kʋ̀ b'ɩ a libie na bin a lige pʋɔ a, nɩ a na-bome na sɔwlɩ a. Lɛ n'a fʋ na bãw kɛ́ mãa n'ɩ a Sore, a sob nɛ na yel a fʋ yúor bʋɔlɩ fʋ a, a mãa, a Ɩsɩrayɛl Naaŋmɩn.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 52:13

A Sore yere na: «A ɩ̃ tõ-tõ-bie na ɩ n nɩr. Ʋ na ìr'a àr, bɛ na zɛw ʋ na, ʋʋ na nyɛ̃ nɩ ƴãwfʋ yaga za.