A Zuda tẽw dem bɛ tu a nɛ́ɛ bɛ na ƴãw a ɩ. Bɛ maal'ɩ yel-faar na bɛ maal'ɩ wob a, a Zerizalɛm nɩ a Ɩsɩrayɛl tẽw za pʋɔ. Bʋ̃ʋ n'ʋ vɛ̃, a zi-sõw a Sore na nɔnɛ a, bɛ dɛw ʋ na bɛr, bɛ na kul pɔwbɛ na puore ŋmɩn-yoru a ƴãw.
Anʋ zie n'a a fɛr k'ɩ̃ɩ ƴɛ̀r? Ã-mɩnɛ nɛbɛ a fɛr k'ɩ̃ɩ yel a yel kʋ̀ bɛ bɛr wõ m? A bɛ tobe kpar'a kʋ̃ tʋ̃ɔ́ cɛlɛ be ɩ. A Sore ƴɛ̀rʋ a, bɛ tobr bɛ ka ʋ ƴãw ɛ, bɛ bɛ bɔbr ʋ ɛ.
A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.
Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.
— Yel-nyɛra na ɩ kpɛ̃ɛ a n'ʋ a Sore ɩ k'ɩ̃ nyɛ̃. — A nɩr ʋl nyɩ na tɩ dãw tɛr'ɩ a wõ-taa a lɩɛb'ɩ mɩlmɩlɛ, a zi-sãwnɛ sãwnɛ nɩ a zie. A Sore yere na: «Elam tẽw dem i, nyɩ ìr'ɩ a zɛbr! Mɛdɩ mɩnɛ ɛ, nyɩ piw a tẽ-kpɛ̃ɛ! Ɩ̃ na ɩ na a ʋ pɔ̀l-ɩb za baarɩ.»
Sore ɩ̃ Naaŋmɩn i, a fʋ nɔ-ɓãa-yele tɛr'ɩ tɛwr ɩ? Fʋ bɛ tɛr fʋ tɔ ɩ! A yele fʋ na tɩɛrɩ ɛ́ maalɩ a tɩ ƴãw a, tɛr'ɩ tɛwr ɩ? A yãwmɛ na zuo ɩ̃ na na tʋ̃ɔ́ manɩ a za a, ɩ̃ na na tʋ̃ɔ́ yel a za a!
Baw-bio wɛ! fʋ̃ʋ na sãwnɛ bom za ɛ́ nɩr bɛ sãw fʋ bɛr a, fʋ̃ʋ na mɩlɛ a nɩbɛ ɛ́ nɩr bɛ mɩl fʋ a. Fʋ̃ʋ wa sãw bom za bɛr baar'a, bɛ mɩ́ na sãw fʋ na bɛr. Fʋ̃ʋ wa mɩl baar'a, bɛ mɩ̀ na mɩl fʋ na.
Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.
Baw-bio fʋ na kʋ̃ bãw ɩ ʋ ta páw fʋ a na páw fʋ na. Yel-faa fʋ na kʋ̃ tʋ̃ɔ́ nɩɩrɩ bɛr a na lo n a fʋ zu. Zie na sãw ʋ za fʋ na bɛ bãwnɩ a na ùr'a ta b.
A Sore tɩ yel'ɩ a Moyiir à ŋá: «Fʋ kʋ̃ yaa kɛ́ kpi cen tɩ páw a fʋ sãà mɩnɛ ɩ. Al pùorí, a Ɩsɩrayɛl nɩbɛ na zɔ na tu ŋmɩn-yoru, a tẽw ʋl pʋɔ bɛ na na kpɛ a ŋmɩmɛ. Bɛ na zawrɩ mɛ̃ na bɛr, sãw a wõ-taa ɩ̃ na maal'ɩ bɛ a bɛr.