Ɩzayi 48:6 - A SƐB-SÕW

⁶ Nyɩ wõ n a ʋlɩ bom nɛ ɩ̃ na tɩ yel a, ɛ́ nyɩ nyɛ̃ na k'ʋʋ maal'a. Nyɩ mɩ̀ kʋ̃ nyɛ̃ ʋ bãw ɛ? A na tĩ a ƴɛrɛŋa a, ɩ̃ yere nɩ yel-paalɛ na na ɩ a. Ɩ̃ bɛr a nɩ sɛr ɛ́ nyɩ bɛ bãw a ɩ.

Ɩzayi 48:6 Referans Kwoze

Yel-wula 4:1

À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»

Ɩzayi 42:9

A yel-dãw-niwn maal'a tɔl. Ƴɛrɛŋa a, yel-paalɛ n'a ɩ̃ de niwn yere. A bɛ ta sɛr ɛ, ɩ̃ɩ ɩrɛ kɛ́ nyɩ bãw a.

Matie 10:27

Bom nɛ ɩ̃ na mɩ́ yel kʋ̀ nyɩ lige pʋɔ a, nyɩ mɩ́ yel ʋ cãàmɩ́, ɛ́ bom nɛ bɛ na mɩ́ waalɩ ƴãw a nyɩ tobe pʋɔ a, nyɩ mɩ́ do gàrʋ́ hier'ʋ.

Ɩzayi 43:19

Bʋ̃ʋ n'ʋ vɛ̃, ɩ̃ na maal'ɩ yel-paala, ʋ tĩ na sãánɛ. Nyɩ bɛ nyɛ̃ ʋ bãw ɛ? Yel-mɩŋa, ɩ̃ na puo nɩ sɔ́r a wɛja-kpalɛ pʋɔ, ɩ̃ na ɩ na mamɛ zɔrɛ a zi-kõw ŋa pʋɔ.

1 Korɛ̃tɩ 2:9

Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Zã 15:15

Ɩ̃ bɛ cãà bʋɔlɛ nyɩ tõ-tõ-biir ɛ, a tõ-tõ-bie na bɛ bãw ʋlɩ bom nɛ a ʋ nɩ-kpɛ̃ɛ na ɩrɛ a ƴãw. Ɩ̃ bʋɔlɛ nyɩ nɩ bárɩ, ɩ̃ na ɩ nyɩ bãw a yele al za a ɩ̃ Sãà na wul mɛ̃ a.

Zeremi 50:2

«Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Ɩzayi 21:10

Ɩ̃ nɩbɛ ɛ, nyɩɩm bɛ na ŋmɛ mɛ̃ ble a gbãgbala pʋɔ a, a yel n'ɩ à ŋà, a Sore, a kpɛnʋ-za-sob, a Ɩsɩrayɛl Naaŋmɩn, na ɩ k'ɩ̃ bãw a. A yel n'ɩ à ŋà ɩ̃ na wa yere kʋ̀rɛ nyɩ a.

Sɛb-sõw yielu 119:13

A lɛ fʋ na dɩ a ƴɛ̀rʋ yel a, ɩ̃ sɔrɛ nɩ a za.

Sɛb-sõw yielu 107:43

Nɩr wa ɩ yã-bãwnɛ a, ʋ cɛlɛ a yele á ŋá zie vla, ʋʋ na nyɛ̃ na bãw a Sore nɔ̃wfʋ!

Yel-wula 1:19

A na ɩ à ŋá a, sɛb a yele fʋ na nyɛ̃ a, a al na ɩrɛ a ƴɛrɛŋa a, nɩ a al a na fɛr k'aa ɩ a pùorí a.

Mise 6:9

A Sore ƴɛ̀rɛ nɩ a Zerizalɛm tẽ-kpɛ̃ɛ nɩbɛ zie, ʋʋ na faa nɩ a bɛlɩ dem na ƴãwnɛ ʋ a. «Nyɩ bɛrɛ wone, Zuda dɔwlʋ nɩbɛ ɛ, nyɩɩm za na ɓã taa a tẽw pʋɔ a.

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Ɩzayi 48:7

Yel-kore bɛ n'a ɩ, ƴɛrɛŋa n'a ɩ̃ ír a. Wa tɩ tɔ a dɩ̃a a, nyɩ bɛ dãw wõ bɛ ƴɛ̀r a ƴɛ̀rʋ ɛ. Ɩ̃ bɛ tɩ bɔbr kɛ́ nyɩ yere: “Tɩ tɩ bãwnɩ a na” ɩ.

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

Ɩzayi 42:8

Mãa n'ɩ a Sore, a ɩ̃ yúor'ɩ lɛ. Ɩ̃ bɛ kʋ̀rɛ a ɩ̃ yúor-vɩɛlʋ-danʋ nɩ-yũo ɩ. Ɩ̃ bɛ bɛrɛ a danʋ ɩ̃ na so a kʋ̀rɛ tɩbɛ ɩ.

Ɩzayi 42:20

Nyɩɩm, Ɩsɩrayɛl nɩbɛ ɛ, nyɩ nyɛ̃ nɩ yel-yaga ɛ́ bɛ cɛlɩ be ɩ. Nyɩ yuo nɩ a tobe, ɛ́ bɛ wõ bom za ɩ.