Ɩzayi 48:4 - A SƐB-SÕW

⁴ Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Ɩzayi 48:4 Referans Kwoze

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Eziptɩ tẽw yib 32:9

Ɩ̃ nyɛ̃ nɩ a nɩ-bʋʋrɛ bɛ ŋa: zu-kpɛn dem nɛbɛ!

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Wulu-ayi-sob 31:27

Bʋ̃ʋ n'ʋ vɛ̃, ɩ̃ bãwnɩ a na bɛ na ɩ nɩ-gaarɩ a, ɩ̃ bãw nɩ a bɛ zu-kpɛnʋ. Bɛlɛ wa gaarɛ a Sore zie, a dɩ̃a ɩ̃ na cãà vʋʋrɛ be a bɛ sɔgɔ a, a ɩ̃ kũu pùorí a, a na ɩ n towtow.

Eziptɩ tẽw yib 33:5

A Sore tɩ yel'ɩ a Moyiir: «Yel a Ɩsɩrayɛl nɩbɛ: “Nɩ-bʋʋrɛ a zuru na kpɛmɛ a n'ɩ nyɩ. Mãa yel k'ɩ̃ɩ bɩɛlɩ nyɩ zaa pʋrɩ a, ɩ̃ nãà mab'a kʋ nyɩ pàw pɛr. A na ɩ lɛ a, nyɩ yaarɩ a nyɩ pɩ̃ɛmɛ bɛr, ɩ̃ɩ na nyɛ̃ nɩ a lɛ ɩ̃ na na ɩ nyɩ a pùorí a”.»

Sɛb-sõw yielu 78:8

A lɛn daar a, bɛ kʋ̃ ŋmɛ̃ taa nɩ a bɛ sãàkʋm-kore daar nɩbɛ na zawr'ɩ a Naaŋmɩn nʋɔr ɛ́ gaarɩ a ɩ. A bɛ tɩɛrʋ tɩ lɩɛbɛ nɩ kʋralɛ, ɛ́ bɛ tu a Naaŋmɩn ɛ.

Sɛb-sõw yielu 75:5

Ɩ̃ yel'ɩ a bɛlɩ dem na mɩ́ pɔrɛ a: «Nyɩ ta pɔrɛ a lɛ ɩ!» Ɛ́ yel a nɩ-faar: «Nyɩ ta garɛ baw ɛ!

Eziptɩ tẽw yib 33:3

A na ɩ lɛ a, nyɩ cen a tẽw ŋa pʋɔ bʋ̀rʋ nɩ sɩwr na gbɔlɛ a. Ɛcɛ a mãa mɩŋa kʋ̃ bɩɛlɛ nyɩ ɛ. A nyɩ zuru kpɛmɛ na zuo, ɩ̃ nãà mab'a kʋ nyɩ pàw pɛr a sɔ́r zu.»

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

2 Bibie za yel-manɩ 36:13

Ʋ mɔ̃ mɩ̀ wa ìr'a gaarɩ a Nabikodonozɔɔr zu, ʋl na tɩ ƴãw ʋ kõ nʋɔr a Sore yúor ƴãw a. Ʋ tɩ kpãa nɩ tobr zawrɩ a Sore, a Ɩsɩrayɛl Naaŋmɩn zie lɛb waa kʋra kʋra.

Ebre 3:13

A na ɩ lɛ a, a «Dɩ̃a bibir» ŋa yúor na cãà pore a, nyɩ kpaalɛ taa bibir za, k'aa yel-bier taa wa bɛlɩ a nyɩ been kãw za ʋ kpãa tobr ɛ.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

2 Bibie za yel-manɩ 30:8

Nyɩ mɩ̀ ta gaarɩ mɛ̃ a nyɩ sãà mɩnɛ a ɩ: nyɩ bɛr a Sore so nyɩ, nyɩ lɛb wa ʋ zi-sõw pʋɔ ʋ na ɩ ʋ ɩ sõw a nʋɔr kʋ a, ɛ́ nyɩ tone a Sore nyɩ Naaŋmɩn. Lɛ n'a a ʋ su-tʋlʋ a nyɩ ƴãw na ɓãá.

2 Na-mɩnɛ 17:14

Ɛcɛ a nɩbɛ bɛ ŋa bɛ tɩ bɛr wõ ɩ. Bɛ tɩ kpãa nɩ tobr mɛ̃ a bɛ sãàkʋm-kore na bɛ tɩ sàw de a Sore bɛ Naaŋmɩn a.

Wulu-ayi-sob 10:16

A na ɩ à ŋá a, nyɩ ɩ nɩbɛ a Sore na so gbɛ́ɛ nɩ nuru a, nyɩ ta cãà dɩrɛ zu-kpɛnʋ a ʋ zie ɩ.

Neemi 9:28

Ɛcɛ, bɛ na mɩ́ tɩ tɛr a ƴã-ɓaarʋ wa báarɛ a, bɛ mɩ́ lɛb'a tĩ ɩrɛ a faa a fʋ niŋé. Fʋ mɩ́ lɛb'a bɛr a bɛ dɔ̃ dem so bɛ. Lɛ n'a bɛ mɩ́ lɛb kone bʋɔlɛ nɩ fʋ, ɛ́ a fʋ̃ʋ a, fʋ mɩ́ lɛb'a wõ a, a salom zu fʋ na be a. A fʋ nɔ̃wfʋ pʋɔ a, fʋ faa bɛ nɩ a gb'aa yaga za.

Ezekɩɛl 2:4

Ɩ̃ tone fʋ nɩ a zu-kpɛn dem bɛ ŋa na tɛr soci-kpawlɩ a zie. Tɩ yel à ŋá kʋ̀ bɛ: “À ŋá n'a a Sore Naaŋmɩn ƴɛ̀rɛ.”

Eziptɩ tẽw yib 9:7

A Faarawɔ̃ tɩ sowri na nyɛ̃ a Ɩsɩrayɛl nɩbɛ dʋ̃w been kãw za bɛ kpi ɛ. A na saa tɩ ɩ a lɛ a, ʋ cãà na kpãa tobr, bɛ bɛr a Ɩsɩrayɛl nɩbɛ bɛ cen ɛ.

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.