Ɩzayi 48:17 - A SƐB-SÕW

¹⁷ À ŋá n'a a Sore na yarɛ dier fʋ a, a Ɩsɩrayɛl Naaŋmɩn na ɩ sõw a ƴɛ̀rɛ: «Mãa n'ɩ a Sore fʋ Naaŋmɩn. Mãa n'ʋ wule fʋ a ʋlɩ bom nɛ na na tʋ̃ɔ́ wɩ̀ɛ fʋ a. Mãa n'ʋ tɛr fʋ cere nɩ a sɔ́r fʋ na lo a zu.

Ɩzayi 48:17 Referans Kwoze

Sɛb-sõw yielu 32:8

A Sore yere na, ɩ̃ na wule fʋ na, ɛ́ wule fʋ a sɔ́r fʋ na na tuur a. Ɩ̃ na wule fʋ nɩ yã ɛ́ jɩ́rɛ fʋ.

Sɛb-sõw yielu 25:12

Nɩr be n be ƴãwnɛ a Sore e? A Sore mɩ́ wul ʋ nɩ a sɔ́r ʋl a na fɛr k'ʋʋ kaa ír a.

Ɩzayi 30:20

Nyɩmɛ wa be a kpɩɛrʋ pʋɔ a, a Sore na kʋ̀ nyɩ nɩ a bʋ̃-dɩrɩ. Nyɩmɛ wa nyɛrɛ dɔwrʋ a, ʋ na kʋ̀ nyɩ nɩ kʋ̃ɔ nyɩ nyũ. A sob nɛ na wule nyɩ a kʋ̃ lɛb sɔwlɩ ɛ, ɛ́ nyɩ na nyɛ̃ ʋ na nɩ a nyɩ mimie.

Sɛb-sõw yielu 73:24

fʋ tɛr mɛ̃ na lo n a sɔ́r, wule mɛ̃, al pùorí fʋ na de m'ɩ a fʋ vɩɛlʋ pʋɔ.

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

A Zɔb sɛbɛ 36:22

Sɩza n'a, a Naaŋmɩn so bom za a ʋ kpɛnʋ zũú. Wul-wule buor'ʋ na tʋ̃ɔ́ wul vla zuo ʋ?

Zã 6:45

Bɛ sɛb'ɩ a naaŋmɩn-ƴɛ̀r-manbɛ sɛbɛ pʋɔ kɛ́: “A Naaŋmɩn mɩŋa n'ʋ na ɩ a bɛ za wule.” Nɩr za na bɛrɛ wone a Sãà ƴɛ̀rʋ ɛ́ dier a ʋ wulu a, ʋ waar'ɩ a ɩ̃ zie.

Mise 4:2

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Sɛb-sõw yielu 71:17

Naaŋmɩn i, a ɩ̃ pɔ̀lʋ daar za n'a fʋ wul mɛ̃, ɛ́ wa tɩ tɔ ka a, ɩ̃ manɛ nɩ a fʋ nɔ-ɓãa-yele.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

1 Na-mɩnɛ 8:36

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a. Wul bɛ, bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so, ɛ́ de kʋ̀ bɛ bɛ mɩ̀ so a.»

Ɩzayi 43:16

À ŋá n'a a Sore yere, ʋl na tɩ puo sɔ́r a kʋ̃ɔ-kpɛ̃ɛ pʋɔ a, na tɩ ƴãw tɔlʋ zie a kʋ̃ɔ na damnɛ nɩ fãw a pʋɔ a.

Ɩzayi 2:3

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Efɛɛzɩ 4:21

A ʋ yele n'a nyɩ wõ, ɛ́ ʋlɛ n'ʋ bɛ wul nyɩ a tu a yel-mɩŋa na be a Yeezu pʋɔ a.

Ɩzayi 49:7

A Sore, a Ɩsɩrayɛl ya-diere, a ʋ Naaŋmɩn na ɩ sõw a, ƴɛ̀rɛ na. À ŋá n'a ʋ yere a fʋ zie, fʋ̃ʋ a nɩbɛ na bɛ bʋɔlɛ nɩr a, fʋ̃ʋ bɛ za na hɩ̃ɛn a, fʋ̃ʋ na ɩ a na-po-to-dem gbãgbaa a: «A na-mɩnɛ wa nyɛrɛ fʋ a, bɛ na ìr'ɩ a bɛ dà-kɔwr zu. A bɛlɩ dem na dɩ nɩ-kpɛ̃ɛnʋ a wa nyɛ b a, bɛ na gũu nɩ a fʋ niŋé». A na ɩ n à à ŋá a Sore ƴãw, ʋl na ŋmɛ̃ ʋ ŋmɛ̃a a, a Ɩsɩrayɛl Naaŋmɩn na ɩ sõw a ƴãw, ʋl na kaa ír fʋ a.

Ɩzayi 48:20

Nyɩ yi a Babɩlɔn tẽw pʋɔ, nyɩ yi a tẽw ŋa pʋɔ zɔ. Nyɩ ŋmɩɛr nʋ̃ɔ̀ cɛlsɩ yere nɩ a yel ŋa, nyɩ ɩ bɛ wõ ʋ, nyɩ ŋmɛ ʋ yaarɩ tɩ tɔ a tẽw baarʋ zie. Nyɩ yel: «A Sore ya na de a ʋ tõ-tõ-bie Zakɔb!»

Ɩzayi 43:14

À ŋá n'a a Sore yere, ʋl na ɩ a nyɩ ya-diere a, a Ɩsɩrayɛl Naaŋmɩn na ɩ sõw a: «A nyɩɩm ƴãw a, ɩ̃ tone nɩ nɩr a Babɩlɔn. Ɩ̃ na ír'ɩ a dàar na jɩ̀r a pamɛ a bɛr. Lɛ n'a a nʋ̃ɔ̀ cɛlsɩ na lɩɛbɩ kon a Babɩlɔn tẽw dem zie.

Yele-za-pɛr-tib 24:48

Ɩ̃ tɩ gbĩ n dume a Sore niŋé. Ɩ̃ tɩ puor'ɩ a Sore, a ɩ̃ nɩ-kpɛ̃ɛ Abraham Naaŋmɩn, yãanɩ, ʋl na tu n mɛ̃ a sɔr-vla, k'ɩ̃ɩ tɩ tɛr a ɩ̃ nɩ-kpɛ̃ɛ yɛb pɔwyaa tɩ kʋ̀ a ʋ bidɛb a.

Ɩzayi 28:9

Bɛ yere na: «Ãa n'ʋ a Ɩzayi ŋa bɔbr k'ʋʋ wul? Ãa n'ʋ ʋ bɔbr k'ʋʋ manɩ a ʋ bʋ̃-nyɛrɩ kʋ̀? Bibiir bɛ na kpɩr bɛr paalʋ a nɛbɛ bɩɩ? Bibiir na bɛr a bɩr paalʋ a nɛbɛ bɩɩ?

Ɩzayi 30:21

Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Ɩzayi 45:11

À ŋá n'a a Sore yere, ʋl na cɔbrɩ a ʋ nɩ-bʋʋrɛ Ɩsɩrayɛl, ɛ́ ɩ a ʋ Naaŋmɩn na ɩ sõw a: «Nyɩmɛ nɛbɛ na tɛr sowru a ɩ̃ zie a ɩ̃ bibiir nɩdaar yele ƴãw, ɛ́ yere a lɛ a na fɛr k'ɩ̃ɩ ɩ a kʋ̀rɛ mɛ̃ bɩɩ?

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Zozue 3:4

Lɛ n'a nyɩ na bãw a sɔ́r ʋl a na fɛr kɛ́ nyɩ tu a, bʋ̃ʋ n'ʋ vɛ̃, nyɩ bɛ dãw tu tɔl a ka ɩ. Ɛcɛ nyɩ taa pɩɛlɛ a wõ-taa daga ɩ, nyɩ bɛr kilo been nyɩɩm nɩ a daga cará.»