Ɩzayi 48:14 - A SƐB-SÕW

¹⁴ Nyɩ ɓã taa nyɩ za bɛr wõ: Ɩ̃ tɛr'ɩ bá na na maalɩ a lɛ ɩ̃ na bɔbr a Babɩlɔn tẽw ƴãw, ɛ́ ɩ a Babɩlɔn tẽw dem bãw k'ɩ̃ɩ tɛr'ɩ kpɛnʋ a. Ɛcɛ a nyɩ buor'ʋ yel a yel ŋa?

Ɩzayi 48:14 Referans Kwoze

Ɩzayi 43:9

A nɩ-bʋʋr-yoru za, bɛ ɓã taa, a ten ten nɩbɛ, bɛ kpaar taa! A bɛ pʋɔ a, ãa n'ʋ na tʋ̃ɔ́ yel a ʋlɩ bom nɛ na ɩrɛ a? Bɩɩ na tʋ̃ɔ́ ɩ tɩ bãw a ʋlɩ bom nɛ na ɩ baarɩ a? Bɛ yi n a bɛ dãsɩɛ dem ɛ́ wul kɛ́ bɛ tɛr'ɩ yel-mɩŋa! A dãsɩɛ dem, bɛ wõ a bɛ ƴɛ̀rʋ ɛ́ yel: “Yel-mɩŋa n'a!”

Ɩzayi 41:22

Nyɩ taw ta, ɛ́ de niwn yel kʋ̀ tɩ a ʋlɩ bom nɛ na na ɩ a! Bʋ̃ʋ n'ʋ ta baarɩ? Nyɩ wul tɩ, ɛ́ tɩ na tɩɛr'ʋ na kaa. Bɩɩ nyɩ yel a nɩdaar yel kʋ̀ tɩ, ɛ́ tɩ na bãw nɩ a ʋlɩ bom nɛ na na ta a.

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Ɩzayi 44:7

Ãa n'ʋ ɩ mɛ̃ a mãa a? Ʋ yel a lɛ na be be a, ɛ́ man ʋ kʋ̀ m! Ʋ yel a yele na ɩ a lɛ ɩ̃ na tĩ kɛ́ cɔbrɩ a nɩ-bʋʋr-dãw-niwn sob a, ʋ yel a yele al na na ɩ a!

Markɩ 10:21

A Yeezu tɩ bɛl ʋ na kaa ɛ́ nɔ̃w ʋ. Ʋ tɩ yel ʋ na: «Bʋ̃-been yõ n'ʋ cɛ fʋ: kul tɩ kʋɔrɩ a fʋ bʋ̃-tɛrɩ za, de a libie kʋ̀ nan dem, ɛ́ fʋ na páw nɩ na-bome a tẽ-vla pʋɔ. Al pùorí, wa tuur mɛ̃.»

Ɩzayi 13:19

A Babɩlɔn tẽw, a naalʋ-tẽw tẽ-kpɛ̃ɛ na vɩɛl zuo a za a, a Babɩlɔn tẽw dem pɩ̃ɛmɛ na tɛr yúor a, na ɩ na mɛ̃ a Sodɔm nɩ a Gomɔɔr ten a Naaŋmɩn na sãw bɛr a.

Ɩzayi 21:9

Nyɩ cɛlɛ be! Nɩr'ʋ waar. Ʋ be n zɛbr-torko wie ayi na tawr a zu. Ʋ de nɩ a ƴɛ̀rʋ yel: “A Babɩlɔn tẽw lo na, a Babɩlɔn tẽw lo na! A ʋ ŋmɩmɛ dasuli za gã nɩ tẽw, a kar kar a gã.”»

Yele-za-pɛr-tib 49:1

A Zakɔb tɩ bʋɔl'ɩ a ʋ bidɛbr wa yel bɛ: «Nyɩ ɓã taa ɩ̃ manɩ a nyɩ nɩdaar yele kʋ̀ nyɩ.

Yele-za-pɛr-tib 49:2

Nyɩ ɓã taa ɛ́ bɛrɛ wone, Zakɔb bidɛbr i, nyɩ wone a nyɩ sãà Ɩsɩrayɛl ƴɛ̀rʋ.

Ɩzayi 45:13

Mãa n'ʋ ɩ a nɩr ŋa yi lo a sɔ́r, mɛ̃ a lɛ a mɩnʋ na tu a, ɩ̃ɩ na ɩ n a ʋ sɛ́ɛ za a man taa. Ʋlɛ n'ʋ na lɛb mɛ a ɩ̃ tẽ-kpɛ̃ɛ, a Zerizalɛm. Ʋ na bɛr'ɩ a ɩ̃ nɩbɛ bɛ na diw cen nɩ a, bɛ lɛb wa, ɛ́ bɛ bɛ yarɛ bom, bɛ tɩrɛ bom ɛ. A Sore, a kpɛnʋ-za-sob'ʋ yel.»

Zeremi 50:44

A Sore yere na: Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ a mãa? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»