Ɩzayi 48:1 - A SƐB-SÕW

¹ Nyɩ bɛrɛ wone, Zakɔb nɩ-bʋʋrɛ ɛ, nyɩɩm bɛ na bʋɔlɛ nɩ a Ɩsɩrayɛl yúor ɛ́ nyɩ ɩ a Zuda bʋʋrɛ a. Nyɩ mɩ́ pɔ n nɩ a Sore yúor ɛ́ ƴɛ̀rɛ a Ɩsɩrayɛl Naaŋmɩn ɩ-ɩrɩ ƴɛ̀rʋ, ɛcɛ a bɛ mɩ́ tu a yel-mɩŋa nɩ a mɩnʋ ɛ.

Ɩzayi 48:1 Referans Kwoze

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Sɛb-sõw yielu 68:26

A yiel-yielbɛ de nɩ niwn, a bʋ̃-ŋmɩɛrbɛ pàw a pùor, ɛ́ pɔwsɩrali be a sɔgɔ ŋmɩɛr gãgali.

Zeremi 5:2

Bɛ na saa mɩ́ yel: «A Sore na vʋʋrɛ a zũú!» a, pɔ-ziri n'a bɛ mɩ́ pɔ.

Ɩzayi 65:16

A tẽw pʋɔ a, nɩr na bɔbr k'ʋʋ ƴɛ̀r nɔ-vla a ʋ tɔ sob ƴãw a, na mɩ́ ƴɛ̀r'ɩ a Naaŋmɩn na ŋmɛ̃ ʋ ŋmɛ̃a a yúor ƴãw. Nɩr na bɔbr k'ʋʋ pɔ a, na mɩ́ pɔ n a Naaŋmɩn na ŋmɛ̃ ʋ ŋmɛ̃a a yúor ƴãw.» A Sore yere na: Bɛ na yiir'ɩ a koro za kpɩɛrʋ bɛr, a na bɔr'a zãá a ɩ̃ zie.

Wulu-ayi-sob 6:13

Nyɩ na zɔrɛ nɩ a Sore nyɩ Naaŋmɩn, ʋl yõ n'ʋ nyɩ na mɩ́ lo gbĩ dume puori, ʋl yõ yúor'ʋ nyɩ na mɩ́ pɔ n.

Yele-za-pɛr-tib 32:28

A sob nɛ tɩ sowr'ʋ na: «A fʋ yúor dɩ na kɛ́ bo?» Ʋ sɔw: «Zakɔb.»

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Ʋrɔm 9:8

A pɛr lɛ k'aa bibiir bɛ na dɔw a dɔwfʋ tu a nɩsaalʋ dɔwfʋ tɛwr a, bɛlɛ bɛ nɛbɛ ɩ a Naaŋmɩn bibiir ɛ. A bibiir bɛ na dɔw, a dɔwfʋ tu a lɛ a Naaŋmɩn na yel a, bɛl tɛwr nɛbɛ ɩ a Abraham bʋʋrɛ tɛɛ za.

Ʋrɔm 9:6

Ɛcɛ, a bɛ wul k'aa lɛ a Naaŋmɩn na yel a bɛ cãà pʋɔ ɩ. Bʋ̃ʋ n'ʋ vɛ̃, a Ɩsɩrayɛl bʋʋrɛ za bɛ nɛbɛ ɩ a Ɩsɩrayɛl nɩbɛ yel-mɩŋa ɩ.

Ʋrɔm 2:17

Ɛcɛ fʋ̃ʋ a, fʋ̃ʋ na dɩ kɛ́ Zifʋ a, fʋ ɩrɛ na ƴãwn a Naaŋmɩn wulu ƴãw ɛ́ nyʋʋr a fʋ Naaŋmɩn ƴãw.

Zã 4:24

Naaŋmɩn ɩ n Vʋʋrʋ, ɛ́ a bɛlɩ dem na puore ʋ a, a fɛr'a kɛ́ bɛ puore ʋ tu n vʋʋrʋ nɩ yel-mɩŋa.»

Zã 1:47

A Yeezu tɩ jɩ́r'ɩ a Natanayɛl na waar a ʋ zie a, ɛ́ yel a ʋ ƴãw: «Ɩsɩrayɛl bie tɔr za n'ɩ à ŋà, ʋ bɛ bãw ziri ɛ.»

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Sofoni 1:5

Ɩ̃ na kʋ n a bɛlɩ dem na mɩ́ do a garʋ́ tɩ lo vɔblɩ muru ŋmar-bie niŋé a, a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor ɛ́ lɛb pɔ n a ŋmɩn Mɩlkɔm yúor a.

Ɩzayi 62:8

A Sore pɔ n nɩ a ʋ kpɛnʋ na ɩ kpɛ̃ɛ a, yel: «Ɩ̃ bɛ be za na lɛb bɛr a fʋ dɔ̃ dem bɛ dɩ a fʋ ble ɩ. A fʋ divɛ̃ ƴãw fʋ na bàl fʋ tʋɔra a, a sãanbɛ kʋ̃ lɛb nyũ a ɩ.

Ɩzayi 58:2

Bibir za, bɛ mɩ́ bɔbr mɛ̃ na, bɛ mɩ́ bɔbr'a kɛ́ bɛ bãw a ʋlɩ bom nɛ ɩ̃ na gùre a bɛ zie a, mɛ̃ nɩ-bʋʋrɛ na tuur a mɩnʋ ɛ́ bɛ zawrɩ a lɛ a bɛ Naaŋmɩn na dɩ a ƴɛ̀rʋ bin a bɛr a. Bɛ bɔbr'ɩ ƴɛ̀rʋ na dɩ tu n mɩnʋ a, a ɩ̃ zie, bɛ bɔbr'a k'ɩ̃ɩ pɩɛlɩ bɛ.

Ɩzayi 45:23

Mãa mɩŋa n'ʋ ɩ̃ pɔrɛ nɩ, yel-mɩŋa n'a yire a ɩ̃ nʋɔrɩ́, ƴɛ̀rʋ na bɛ lɩɛbɛ bɛrɛ a: dun za na gbĩ n a ɩ̃ niŋé, nʋɔr za na pɔ n à ŋá:

Ɩzayi 44:5

Kãw na yel a: “A Sore so m”, kãw na bɔbr'a k'ʋʋ tɛr a Zakɔb yúor. Ŋa sob na sɛb'ɩ a ʋ nũu zu: “A Sore bʋ̃-sora nɛ m”, ɛ́ de a Ɩsɩrayɛl yúor.»

Ɩzayi 26:13

Sore tɩ Naaŋmɩn i, nɩ-bɛrɛ na bɛ ɩ a fʋ̃ʋ a tɩ dãw na so tɩ, ɛcɛ a fʋ yúor yõ n'ʋ tɩ bʋɔlɛ.

Zʋkpaɩ 5:16

Ta bɛr a fʋ kʋ̃ɔ a gbɔlɛ yire yẽw nɩ a dàa pʋɔ ɩ.

Sɛb-sõw yielu 66:3

Nyɩ yel a Naaŋmɩn: «Nyɛ̃ a fʋ tome na ɩrɛ dɛ̃bɩ̃ɛ sɛw a! A fʋ dɔ̃ dem mʋʋrɛ fʋ na, fʋ na kpɛmɛ yaga a ƴãw.

Sɛb-sõw yielu 63:11

A zɛbr-sɔ-kpɛ̃ɛ, ʋ baarɩ bɛ, bɛ lɩɛbɩ gbõgbo-cili dɩb!

2 Na-mɩnɛ 17:34

A dɩ̃a mɩ̀ a, a bɛ bʋʋrɛ cãà na tuur a koro za tub á ŋá. Bɛ bɛ puore a Sore ɩ, bɛ bɛ tuur a bɛl mɩŋa nɛ́ɛ nɩ a bɛl mɩŋa tub ɛ. Bɛ mɩ̀ bɛ tuur a wulu nɩ a nɛ-ƴãwnɩ a Sore na kʋ̀ a Zakɔb bʋʋrɛ a ɩ, a Zakɔb a Sore na por Ɩsɩrayɛl a.

Wulu-ayi-sob 33:28

A Ɩsɩrayɛl nɩbɛ kpɩɛr'ɩ a tẽw, bom bɛ damnɛ bɛ ɩ. A Zakɔb bidɛbr sɔwl'ɩ tẽw pʋɔ, ble nɩ divɛ̃ tɩɩr na búle a, ɓɩɛlʋ na lore a be a zũú.

Wulu-ayi-sob 10:20

Nyɩ zɔrɛ a Sore nyɩ Naaŋmɩn, nyɩ tone ʋ, nyɩ tu a ʋl yõ pùor, ɛ́ mɩ́ pɔ n a ʋ yúor yõ.

Wulu-ayi-sob 5:28

A Sore tɩ wõ n a ƴɛ̀rʋ za nyɩ na tɩ ƴɛ̀rɛ kʋ̀rɛ mɛ̃ a, ɛ́ yel à ŋá: «Ɩ̃ wõ n a lɛ a nɩbɛ na yel kʋ̀ b a. Bɛ tɛr'ɩ yel-mɩŋa, bɛ na ƴɛ̀r a lɛ a.

Sɔr-nɛ́ɛ 24:7

A ɩ na mɛ̃ kʋ̃ɔ na paalɩ yi a ƴãwfʋ zie gbɔlɛ yaga za a bʋ̃-kʋ́ɔrɩ pʋɔ a. A Ɩsɩrayɛl nɩbɛ nãà na tʋ̃ɔ́ nɩ a Agagɩ, ɛ́ a bɛ naalʋ-tẽw yɛlɛ cere.

Levitɩ mɩnɛ 19:12

Nyɩ taa dier a ɩ̃ yúor pɔrɛ nɩ pɔ-ziri ɛ: nyɩmɛ wa ɩ a lɛ a, a ɩ̃ yúor'ʋ nyɩ bɛ ƴãw ɛ. Mãa n'ɩ a Sore nyɩ Naaŋmɩn.»

Eziptɩ tẽw yib 23:13

«Nyɩ cɛlɛ à á ŋá za zie ɩ̃ na yel kʋ̀ nyɩ a. Nyɩ taa puore ŋmɩn-yoru towtow ɛ. Bɛ taa wone nyɩ pore a yée mɩ̀ ɛ.»

Yele-za-pɛr-tib 35:10

Ʋ tɩ yel ʋ na: «A fʋ yúor'ɩ Zakɔb, ɛcɛ bɛ kʋ̃ cãà bʋɔlɛ fʋ a lɛ ɩ. Dɩ̃a na ta a, a fʋ yúor'ɩ Ɩsɩrayɛl.» Lɛ n'a a Naaŋmɩn tɩ por ʋ Ɩsɩrayɛl.

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Zeremi 44:26

Ɛcɛ nyɩɩm za, Zuda tẽw dem na kpɩɛr a Eziptɩ tẽw a, nyɩ bɛr wõ vla a lɛ ɩ̃ na yere kʋ̀rɛ nyɩ a! A mãa Sore, ɩ̃ pɔrɛ nɩ nɩ a ɩ̃ yúor na ɩ kpɛ̃ɛ a: A Eziptɩ tẽw za pʋɔ a, Zuda tẽw nɩr kãw za kʋ̃ mɩ́ lɛb por a ɩ̃ yúor, ʋlɛ wa bɔbr k'ʋʋ kõ nʋɔr a lɛn daar a ɩ. Nɩr za kʋ̃ mɩ́ lɛb yel à ŋá ɩ: “Ɩ̃ pɔ n a Sore na vʋʋrɛ a yúor ƴãw...”

Zakari 5:3

Lɛ n'a ʋ tɩ yel mɛ̃: «A ŋmɛ-ƴãw na na páw a tẽw za a n'ʋ: bɛ sɛb'ɩ a sɛbɛ na pili a, lõbowr kãw, kɛ́ bɛ na diw nɩ a nyãnyuwr za bɛr a tẽw pʋɔ, ɛ́ sɛb a lõbowr ƴen sob, kɛ́ bɛ mɩ̀ na diw nɩ a bɛlɩ dem za na mɩ́ pɔ ɛ́ bɛ ír a bɛ pɔɛ a, bɛr a tẽw pʋɔ.

2 Na-mɩnɛ 5:20

ɛ́ a Naaŋmɩn nɩr Elize tõ-tõ-bie, Gehazi, tɩɛr ʋ pʋɔ: «A ɩ̃ nɩ-kpɛ̃ɛ bɛr'ɩ a Naaman, a Siiri tẽw dem nɩr ŋa, ʋ zawr'ɩ a bome ʋ na wa n a. A Sore na vʋʋrɛ a zũú, mãa na diw na bɩɛrɩ ʋ, tɩ páw bʋ̃-kãw a ʋ zie!»

Sɛb-sõw yielu 68:27

Nyɩ puore a Naaŋmɩn yãanɩ a lãw pʋɔ, nyɩ puore a Sore yãanɩ nyɩɩm a yib zie na n'ɩ a Ɩsɩrayɛl a.

Ɩzayi 51:1

A Sore yere na: «Nyɩ bɛrɛ wone a ɩ̃ ƴɛ̀rʋ, nyɩɩm na bɔbr a faafʋ a, nyɩɩm na bɔbr kɛ́ nyɩ bãw mɛ̃ a. Nyɩ bɛl nyɛ̃ a pìir ʋl pʋɔ bɛ na cɩ̀ nyɩ ír a, a kʋsɛ-bɔw ʋl pʋɔ bɛ na tuw nyɩ ír a.

Ɩzayi 51:2

Nyɩ bɛl nyɛ̃ a nyɩ sãà Abraham a, nɩ a Saara na dɔw nyɩ a. A Abraham bɛ tɩ tɛr bie a lɛn daar ɩ̃ na tɩ bʋɔl'ʋ a ɩ. Ɛcɛ ɩ̃ maal'ʋ na, ɛ́ ɩ k'ʋ ɩ nɩ-bʋʋr-yaga sãà.»

Mise 2:7

Bɛ ŋmɛ na ƴãw a Ɩsɩrayɛl bʋʋrɛ bɩɩ? A Sore nyɔw nɩ a ʋ suur gù bɩɩ? A ʋ ɩb n'ɩ à à ŋá a?» Mãa ƴãw a, a bɛlɩ dem na ɩrɛ vla a, bɛl tɛwr zie n'a a ɩ̃ ƴɛ̀rʋ mɩ́ nʋmɛ.