Ɩzayi 47:8 - A SƐB-SÕW

⁸ Ƴɛrɛŋa a, bɛr wõ yel ŋa, fʋ̃ʋ na nɔnɛ a ƴã-gan nʋ̃ɔ̀ a, fʋ̃ʋ na zɩ̃ zaa zoom ɛ́ tɩɛrɛ à ŋá a: «A mãa a, ɩ̃ bɛ tɛr ɩ̃ tɔ ɩ! Ɩ̃ bɛ be za na ɩ pɔw-kʋɔr ɛ, ɩ̃ kʋ̃ bãw a ɩ̃ bibiir kũu ɛ».

Ɩzayi 47:8 Referans Kwoze

Sofoni 2:15

À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.

Ɩzayi 32:9

Pɔwbɛ bom na bɛ damnɛ a, nyɩ ìr, nyɩ bɛrɛ wone a ɩ̃ ƴɛ̀rʋ! Powli na ɓãa ƴãw bɛr tɩɛrʋ a, nyɩ cɛlɛ a lɛ ɩ̃ na yere a zie!

Zeremi 50:11

Nyɩ cɩlɛ, nyɩ cɩlɛ ƴawr'ɩ, nyɩɩm na sãw a ɩ̃ zi-sóra bɛr a! Nyɩ ƴawr dúor saa mɛ̃ náli-pɔlɛ mɔ̃-ɓaar pʋɔ a! Nyɩ kone mɛ̃ wur-daar a!

Ɩzayi 47:10

A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

Ɩzayi 45:6

À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.

2 Tesalonikɩ 2:4

Bom nɛ za a nɩsaalbɛ na bʋɔlɛ kɛ́ naaŋmɩn, ɛ́ puore ʋ a, a Faalʋ nɩr na ìr'ɩ nɩ pɔ̀lʋ ɩ a ʋ dɔ̃ sob, ʋʋ na tɛr'ɩ lɛɛɛ tɩ kpɛ zɩ̃ a Naaŋmɩn yir-kpɛ̃ɛ pʋɔ, ɛ́ yel k'ʋʋ ɩ n Naaŋmɩn.

Nahum 1:10

Bɛ ŋmɛ̃ na mɛ̃ gʋʋr na mɩl mɩl taa a, a bɛl na mɩ́ nyũ tɩ kuoli a. Bɛ na dɩ n kʋmkʋm, mɛ̃ mɔ̃-kon a.

Zeremi 51:53

A Babɩlɔn saa tɩ tʋ̃ɔ́ do a salom zu, ɛ́ tɩ ɩ a saa-zu be a ʋ kpɛb zie bɛ tɛr tab a, a ɩ̃ ƴɛ̀rʋ zũú a, a zi-sãwnbɛ na ta ʋ na.» À à ŋá n'a a Sore yel.

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Ƴɛ̀r-dɩrbɛ 18:27

A Dan dɔwlʋ nɩbɛ tɩ wob'ɩ a Mɩka bome, tɛr'ɩ a bàwr-maalɛ na tɩ tone ʋ a cen nɩ. Bɛ tɩ cen na tɩ lo a Laisɩ tẽw zu, kʋ a ʋ nɩbɛ na tɩ bɛr yã kpɩɛr zoomlɛ a, ɛ́ nyɩw a tẽw bɛr.

Ƴɛ̀r-dɩrbɛ 18:7

A nɩbɛ anũu bɛl tɩ lɛb'a lo a sɔ́r tɩ ta Laisɩ. Bɛ tɩ nyɛ̃ nɩ a be dem bɛ kpɩɛr a bɛ tẽw zoomlɛ, ƴã-ɓaarʋ pʋɔ, ɛ́ bɛ bãw damnʋ ɛ, mɛ̃ a Sɩdɔ̃ tẽw dem a. Nɩr bɛ tɩ ka a be mɩ́ ƴɛ̀r nɩr maw ɛ, nɩr bɛ tɩ ka be dɩrɛ naalʋ kãw za ɩ. A Laisɩ nɩbɛ tɩ kpɩɛr'a zãá nɩ a Sɩdɔ̃ tẽw dem, ɛ́ so bɛ tʋɔra bɛ bɔbr bom kãw za nɩr zie ɩ.

Ɩzayi 14:14

Ɩ̃ na do n a zũzuwe nyʋɔrɩ́, ɩ̃ na ɩ na mɛ̃ a Naaŋmɩn-na-do-saa-bɛ-pɩɛl-a.»

Ɩzayi 32:11

Dɛ̃bɩ̃ɛ, a ɩrɛ nyɩ nyɩ màwr, nyɩɩm pɔwbɛ bom na bɛ damnɛ a, nyɩ màwr, nyɩɩm na ɓãa ƴãw bɛr tɩɛrʋ a. Nyɩ yaa a nyɩ bʋ̃-suuri bɛr, nyɩ gbol nyɩ tʋɔra ɛ́ sɛ gãw a sɩɛmɩ́.

Ɩzayi 45:5

Mãa n'ɩ a Sore, kãw bɛ lɛb ka be ɩ. Mãa bɛ wa n'ʋ a, Naaŋmɩn bɛ ka be ɩ. Fʋ bɛ bãw mɛ̃ ɩ, ɛcɛ ɩ̃ kʋ̀rɛ fʋ a tome.

Zeremi 49:31

A Sore yere na: «Nyɩ ìr! Nyɩ cen tɩ zɛb'ɩ a nɩ-bʋʋrɛ bɛ ŋa na bɛ tɩɛrɛ bom za a. Bɛ tɩ tɩɛr'a kɛ́ bom bɛ damnɛ bɛ ɩ, bɛ bɛ tɛr pamɛ nɩ dà-jɩ̀rɩ́ ɛ, ɛ́ vʋʋrɛ bɛ yõ zie.

Ezekɩɛl 28:2

«A fʋ̃ʋ nɩsaal bie, yel a ƴɛ̀rʋ ŋa a mãa Sore Naaŋmɩn na yere kʋ̀rɛ a Tɩ́ɩ̀r tẽw nãà a kʋ̀ ʋ: A fʋ socir tɩ ɩ n pɔ̀lʋ̀ tɛwr fʋ yel: “Ɩ̃ ɩ n naaŋmɩn. Ɩ̃ tɛr'ɩ zie na sɛw taa nɩ ŋmɩmɛ tɛrʋ a, a kʋ̃ɔ-bɛrɛ sɔgɔ.” Fʋ tɩɛrɛ kɛ́ fʋ zɛ̃ n naaŋmɩn, ɛcɛ nɩsaal tɛwr nɛ b, fʋ bɛ ɩ naaŋmɩn ɛ!

Ezekɩɛl 30:9

A ʋlɩ bibir nɛ a, nɩbɛ bɛ na tõ a na kpɛ n gbor cen. Bɛ na cen nɩ a ɩ̃ yúor ƴãw tɩ ɩ a Etiopi tẽw na tɩɛr k'ʋʋ be n ƴã-ɓaarʋ pʋɔ a, ʋ màwr. Ɛ́ a ʋlɩ bibir ɩ̃ nãà wa sãw a Eziptɩ tẽw bɛr a, a bɛlɩ dem na kpɩɛr a ʋ pʋɔ a na màwr'ɩ dɛ̃bɩ̃-mawfʋ. A bibir ŋa pɩɛl'a!

Ezekɩɛl 16:49

A Sodɔm nɩ a ʋ tẽ-kpɔwlɩ sãwna n'ɩ á ŋá: A tɩ ɩrɛ nɩ pɔ̀l-ɩb, a tɩ dɩrɛ na tɩ maal zuo, a bɛ tɩ tɛr tɩɛrʋ ɛ, a bɛ sõw a nɩ-kɔmɛ nɩ a bãbàalbɛ ɩ.

Nahum 3:4

A Nɩnɩɩvʋ tẽw ɩ n pɔw-yɛm a pɩ̃ɔ-ɩb na yãwmɛ yaga a. A ʋ vɩɛlʋ nɩ a ʋ sɔ-ɩb ʋ na bãw a, tɩ tawr'ɩ nɩbɛ waar'ɩ a ʋ zie. Nɩ-bʋʋr-yoru nɩ dɔwlʋ bʋʋrɛ bʋʋrɛ tɩ lɩɛb'ɩ a ʋ gbãgbaar, a ʋ pɩ̃ɔ ɩ-ɩrɩ nɩ a ʋ sɔ-ɩb zũú.

Habakukɩ 1:7

Bɛ ɩrɛ nɩ dɛ̃bɩ̃ɛ, ɛ́ bɛ tɛr dɩ̃ɛnʋ ɛ, bɛlɛ nɛbɛ mɩ́ ŋmɛ nyãa yel a lɛ-na-tu-sɔr-a, nɩ a bɛ na tɛr fãw zuo nɩbɛ za a.