Ɩzayi 47:7 - A SƐB-SÕW

⁷ Fʋ tɩ yere na: «Ɩ̃ na be n be kʋralɛ, ɩ̃ na ɩ n pɔw-nãà kʋralɛ». Fʋ bɛ tɩ tɩɛrɩ a yele á ŋá ɩ, fʋ bɛ tɩ tɩɛrɩ a nɩdaar ɛ.

Ɩzayi 47:7 Referans Kwoze

Wulu-ayi-sob 32:29

Bɛlɛ tɩ ɩ yã-bãwnbɛ a, bɛ nãá bãw nɩ a pɛr, bɛ nãá bãw nɩ be à á ŋá za na wɩɛr'ɩ bɛ a.

Ɩzayi 47:5

Zɩ̃ gbili, Babɩlɔn tẽw dem tẽ-kpɛ̃ɛ ɛ, sɔwlɩ a lige pʋɔ. Bʋ̃ʋ n'ʋ vɛ̃, bɛ kʋ̃ lɛb bʋɔlɩ fʋ “Naalʋ-ten Pɔw-nãà” towtow ɛ.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ezekɩɛl 29:3

Yel a ƴɛ̀rʋ á ŋá a mãa Sore Naaŋmɩn na yere a kʋ̀ ʋ: Ɩ̃ na ìr'ɩ a fʋ ƴãw, a fʋ̃ʋ Faarawɔ̃, a Eziptɩ tẽw nãà. Fʋ ɩ na mɛ̃ ɩb-kpɛ̃ɛ na gã a Nɩl kʋ̃ɔ pʋɔ a. Fʋ yel'a: “Mãa so a man, mãa n'ʋ maalɩ ʋ.”

Ezekɩɛl 28:2

«A fʋ̃ʋ nɩsaal bie, yel a ƴɛ̀rʋ ŋa a mãa Sore Naaŋmɩn na yere kʋ̀rɛ a Tɩ́ɩ̀r tẽw nãà a kʋ̀ ʋ: A fʋ socir tɩ ɩ n pɔ̀lʋ̀ tɛwr fʋ yel: “Ɩ̃ ɩ n naaŋmɩn. Ɩ̃ tɛr'ɩ zie na sɛw taa nɩ ŋmɩmɛ tɛrʋ a, a kʋ̃ɔ-bɛrɛ sɔgɔ.” Fʋ tɩɛrɛ kɛ́ fʋ zɛ̃ n naaŋmɩn, ɛcɛ nɩsaal tɛwr nɛ b, fʋ bɛ ɩ naaŋmɩn ɛ!

Ɩzayi 42:25

Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Yel-wula 18:7

Mɛ̃ a lɛ ʋ na nyɛ̃ a yúor ɛ́ dɩ a dɛpaalʋ a, nyɩ ɩ k'ʋ mɩ̀ nyɛ̃ a kpɩɛrʋ nɩ a wahala. Mɛ̃ ʋ taa tɩɛr'ɩ ʋ pʋɔ à ŋá: “Ɩ̃ zɩ̃ n a ka mɛ̃ pɔw-nãà a, ɩ̃ bɛ ɩ pɔw-kʋɔr ɛ, ɛ́ kʋ̃ bãw wahala towtow ɛ.”

Ɩzayi 57:1

Bɛ kʋrɛ nɩ a nɩ-mɩn, ɛ́ nɩr bɛ cɛlɛ be ɩ. A nɩ-vɩɛlɩ báarɛ na, ɛ́ nɩr bɛ bãwnɩ a ɩ. Ʋ̃ʋ, a nɩ-mɩn báarɛ na a nɩ-faar po-tuolu zũú.

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

A Lãw-mʋɔlɛ 1:9

A ʋ dɛwr mar'ɩ a ʋ kparʋ. Ʋ bɛ tɩ tɩɛr k'aa na wa ŋmɛ̃ ʋ nɩ à ŋá ɩ. A ʋ loba ŋa ùr ʋ na, ɛ́ nɩr za bɛ ka be na mɔwl'ʋ ɛ. Ʋ yere na: «Sore e, nyɛ̃ a ɩ̃ vĩ a, nyɛ̃ a dɔ̃ sob na tʋ̃ɔ́ mɛ̃ a.»

Ezekɩɛl 7:2

«Ɛ́ a fʋ̃ʋ, nɩsaal bie, bɛrɛ wone a lɛ a Sore Naaŋmɩn na yere kʋ̀rɛ a Ɩsɩrayɛl tẽw dem a: A baar'a, a kpɩɛrʋ pɛ-baara ta n a tẽw lõbowe a za anaar.

Eziptɩ tẽw yib 7:23

A Faarawɔ̃ tɩ lɩɛb'a tɔl kul a ʋ yir, ɛ́ nyɛ̃ a yel ŋa bɛ ɩ yel-sɩza a ʋ zie ɩ.