Ɩzayi 47:6 - A SƐB-SÕW

⁶ Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 47:6 Referans Kwoze

Zakari 1:15

Ɛcɛ su-yãyaar kãw tɛr mɛ̃ nɩ a nɩ-bʋʋr-yoru bɛl bom za na bɛ damnɛ a ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ nɩ a Ɩsɩrayɛl suur blãlɛ, ɛ́ bɛl wa ɩ a ʋ kpɩɛrʋ a dɔwlɩ.

2 Bibie za yel-manɩ 28:9

A Samaari a, Sore ƴɛ̀r-manɛ kãw na dɩ Odɛdɩ a tɩ be n be. Ʋ tɩ yi na tuori a Ɩsɩrayɛl zɛbr-nɩbɛ na tɩ tarɛ a Samaari a, yel bɛ: «A Sore, a nyɩ sãà mɩnɛ Naaŋmɩn tɩ nyɛ̃ nɩ nɩ a Zuda nɩbɛ suur. Alɛ so ʋ de bɛ ƴãw a nyɩ nuru pʋɔ. Nyɩ kʋ bɛ na nɩ po-to-fãw-ɩb na bɛ vɩɛl a, a ɩb ŋa yele do tɩ ta a salom zu.

Wulu-ayi-sob 28:50

Bɛ na ɩ n nɩbɛ na ko niŋé a, bɛ kʋ̃ tɛr ƴãwfʋ dɛb-nyãw zie ɩ, bɛ kʋ̃ zɔ pɔlbile nɩbaalʋ ɛ.

Abɩdɩasɩ 1:10

«A Zakɔb bʋʋrɛ na ɩ a nyɩ yɛbr a, nyɩ fa n a bɛ bome ɛ́ kʋ bɛ. A na ɩ à ŋá a, vĩ nyɔw nyɩ na, ɛ́ bɛ na kʋ nyɩ na pàw pɛr a nʋɔr kʋ.

Zakɩ 2:13

A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Sɛb-sõw yielu 69:26

A bɛ laɩ, ʋ lɩɛbɩ kár, nɩr za ta cãà kpɩɛr a bɛ pɛnɛ-sɛwr pʋɔ ɩ.

Abɩdɩasɩ 1:16

«A nyɩɩm Ɩsɩrayɛl nɩbɛ, nyɩ nyũ n a ɩ̃ suur koli-nyúura a ɩ̃ tã-sõw zu. Lɛ n'a a nɩ-bʋʋr-yoru na nyuur ʋ kʋralɛ, bɛ na nyũ ʋ na tɩ kuoli, al pùorí, bɛ na ɩ na mɛ̃ bɛ bɛ tɩ dãw be a.

Ɩzayi 14:17

Ʋlɛ sɩrɩ n'ʋ mɩ́ tɩ ɩ a tẽ-daa ʋ lɩɛbɩ wɛja-kpalɛ, mɩ́ tɩ sãw a tẽ-bɛrɛ bɛr, ɛ́ bɛ sàw na lɛb bɛr a zɛbr nɩ-nyɔwrɩ ɛ?»

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Matie 7:2

A lɛ nyɩ na sɩrɩ bãwnɛ a nyɩ taabɛ yele a, lɛ n'a a Naaŋmɩn mɩ̀ na bãw a nyɩ dem kʋ̀ nyɩ. A bʋ̃-mána ʋl nyɩ na tɛr manɛ nɩ a, ʋlɛ n'ʋ ʋ mɩ̀ na man nɩ kʋ̀ nyɩ.

Ezekɩɛl 28:16

A fʋ yɛ̀rʋ́ do n saa. A ƴãw fʋ nɩ po-to-fãw-ɩb ƴãw, ɛ́ fʋ maalɩ faa. Lɛ so, ɩ̃ diwr fʋ nɩ a ɩ̃ tãw zu, ɛ́ siwre fʋ manɛ taa nɩ a nɩbɛ za. A seribɛ̃ na gùre fʋ a diwr fʋ na zãánɛ nɩ a vũu-bi-cõcole sɔgɔ.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

Ɩzayi 43:28

Lɛ n'a ɩ̃ ír a nɩ-bɛrɛ ɩ̃ na tɩ ƴãw a bɛr a nɩ-kpɛ̃ɛnʋ pʋɔ. Ɩ̃ bɛr'ɩ a Zakɔb nɩbɛ kɛ́ bɛ sãw bɛ bɛr, ɛ́ bɛr a Ɩsɩrayɛl nɩbɛ kʋ̀ a bɛ dɔ̃ dem bɛ tʋʋr bɛ.

Ɩzayi 13:16

Bɛ na ƴɛ́r'ɩ a bɛ bi-cãpʋrmɛ ŋmɛr a bɛ mimié, bɛ na za n a bɛ yie, ɛ́ fɛr a bɛ pɔwbɛ gã nɩ.

2 Samɩɛl 24:14

A Daviir tɩ sɔw nɩ a Gadɩ: «Pʋl-vʋ̃ɔ nyɔw mɛ̃ na bɛ dɩ vuo ɩ... Ɛcɛ mãa nɩ̃ɛ lo a Sore nuru pʋɔ a, alɛ sa ɩ̃ na na lo a nɩsaalbɛ nuru pʋɔ a, bʋ̃ʋ n'ʋ vɛ̃, a Sore bãw nɩ nɩbaalʋ zɔba.»

Ɩzayi 14:6

na tɩ ŋmɩɛr a nɩbɛ kʋralɛ ŋmɛ-tʋlʋ tʋlʋ a, na mɩ́ tɩ tʋ̃ɔ́ a nɩ-bʋʋr-yoru nɩ suur a, ɛ́ dɔwrɛ bɛ bɛ zʋmnɛ nɩ a.

Zeremi 50:42

A bɛ zɛbr-nɩbɛ tɛrɩ tamɛ nɩ kafine, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ gɔmɛ a. Bɛ zɔm'ɩ wie, bɛ pɩɛrɩ na tu taa vla vla kɛ́ bɛ zɛb'ɩ fʋ, Babɩlɔn i.

A Lãw-mʋɔlɛ 1:14

Ʋ ír'ɩ mimir ƴãw a ɩ̃ sãwna ƴãw. Ʋ 'lẽ a na ɓã taa ɛ́ de a dɔwlɩ a ɩ̃ bawŋmamɛ zu. A Sore siwr'ɩ a ɩ̃ fãw, ʋ de mɛ̃ n'a ƴãw nɩbɛ ɩ̃ na kʋ̃ tʋ̃ɔ́ ɩ bom a nuru pʋɔ.

A Lãw-mʋɔlɛ 1:21

A nɩbɛ wone na ɩ̃ na kone a, ɛcɛ, nɩr bɛ mɔwlɛ mɛ̃ ɩ. A ɩ̃ dɔ̃ dem za wõ n a ɩ̃ kpɩɛrʋ, a ɩrɛ bɛ nɩ nʋ̃ɔ̀ a lɛ fʋ na ɩ m a: fʋ ƴãw nɩ a bibir ʋl fʋ na tɩ yel a ʋ ta. A mɩ̀ ŋmɛ̃ bɛ mɛ̃ a mãa a!

A Lãw-mʋɔlɛ 5:12

A bɛl tɛɛ za tɩ nyɔw nɩ a tõ-tõ-bi-bɛrɛ 'lẽ yawlɩ, ɛ́ bɛ tɩ tɛr ƴãwfʋ kãw za a nɩ-kore zie ɩ.

2 Bibie za yel-manɩ 10:11

A ɩ̃ sãà tuo nyɩ nɩ tuor na tɩbrɛ a, mãa na tuo nyɩ nɩ tuor na tɩbrɛ zuo lɛ a. A ɩ̃ sãà fɔb'ɩ nyɩ nɩ fʋb-zawlɛ kpãà nyɩ, mãa na fɔb'ɩ nyɩ nɩ fʋbr na tɛr kure a kpãà nyɩ.”»

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

2 Bibie za yel-manɩ 36:20

Al pùorí, a Babɩlɔn tẽw nãà tɩ nyɔw nɩ a bɛl na cɛ a cen nɩ a Babɩlɔn: bɛ tɩ lɩɛb'ɩ a ʋ gbãgbaar, bɛlɛ nɩ a bɛ bʋ̃-dɔwrɩ tɩ ta n a Pɛrsɩ mɩnɛ naalʋ-dɩb daar.

Ɛsɩdɩrasɩ 5:12

Ɛcɛ a tɩ sãàkʋm-kore tɩ ɩ na a Naaŋmɩn na be a salom zu a, ʋ nyɛ̃ suur, ƴãw bɛ a Nabikodonozɔɔr na yi Kalde tẽw ɛ́ ɩ Babɩlɔn nãà a, nuru pʋɔ. Ʋlɛ n'ʋ ŋmɛr a Ŋmɩn-yir-kpɛ̃ɛ bɛr ɛ́ diw a nɩbɛ cen nɩ a Babɩlɔn.

A Lãw-mʋɔlɛ 4:16

A Sore tɛɛ za n'ʋ diw bɛ yaarɩ, ʋ bɛ cãà bɔbr bɛ nyɛ b ɛ. A nɩbɛ bɛ cãà ƴãwnɛ a bàwr-maalbɛ ɩ, bɛ cãà zɔrɛ a nɩ-kore nɩbaalʋ ɛ.

Zakari 1:12

Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?»