Ɩzayi 47:10 - A SƐB-SÕW

¹⁰ A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

Ɩzayi 47:10 Referans Kwoze

Ɩzayi 5:21

Baw-bio páw nɩ a bɛlɩ dem na mɩ́ de bɛ tʋɔra bʋɔlɛ yã-bãwnbɛ, ɛ́ tɩ́ɛrɛ kɛ́ bɛ tɛr'ɩ yã a!

Ɩzayi 29:15

Baw-bio! A nɩbɛ bɛ ŋa sɔwlɛ na ɩrɛ, kɛ́ bɛ sɔwlɩ a Sore a lɛ bɛ na tɩɛrɩ bin a. Bɛ cɔbrɛ nɩ a bɛ yele a lige pʋɔ. Bɛ yere na: «Ãa n'ʋ nyɛrɛ tɩ? Ãa n'ʋ bãw bom nɛ tɩ na ɩrɛ a?»

Ʋrɔm 1:22

Bɛ na de bɛ tʋɔra bʋɔlɛ yã-bãwnbɛ a, bɛ lɩɛb'ɩ dãbole.

Sɛb-sõw yielu 52:7

Ɛcɛ Naaŋmɩn na ŋmɛ b'a bin a baarɩ, ʋ na nyɔw fʋ na fɩɩrɩ gẽgẽ, vɩr yi n a fʋ yir pʋɔ, ʋ na ír fʋ nɩ a nɩ-vʋʋrɩ tẽw pʋɔ! Tɛw-àrʋ

Ezekɩɛl 8:12

A Naaŋmɩn tɩ sowri mɛ̃ na: «A fʋ̃ʋ nɩsaal bie, fʋ nyɛ̃ nɩ a lɛ a Ɩsɩrayɛl nɩbɛ nɩ-kore na sɔwlɛ ɩrɛ, ŋa za a ʋ beba zie a ʋ ŋmɩn-bɛlɛbɛlɛ niŋé a? Bɛ yere na: “A Sore kʋ̃ tʋ̃ɔ́ nyɛ̃ tɩ ɛ, ʋ zawr'ɩ a tẽw bɛr.”»

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

1 Korɛ̃tɩ 3:19

bʋ̃ʋ n'ʋ vɛ̃, a tẽw ŋa zu yã-bãwfʋ ɩ n gẽgemi Naaŋmɩn zie. A Sɛb-sõw sɩrɩ na yel à ŋá: «Naaŋmɩn mɩ́ nyɔw nɩ a yã-bãwnbɛ a bɛ cɩbɛ pʋɔ»,

Ezekɩɛl 9:9

Ʋ tɩ sɔw mɛ̃ na: «A Ɩsɩrayɛl nɩ a Zuda naalʋ-ten yel-bebe bɛ dɩ vuo ɩ: a tẽw ɩ n zɩ̃ɩ tɛwr, a ɩ-ɩrɩ na bɛ tu a mɩnʋ a paal'ɩ a tẽ-kpɛ̃ɛ. Sɩza n'a, a nɩbɛ yere na: “A Sore jɛ n a tẽw bɛr, ʋ kʋ̃ tʋ̃ɔ́ nyɛ̃ bom za ɩ.”

Zeremi 23:24

A Sore sowre na: «Nɩr saa sɔwlɩ a, a mãa, ɩ̃ kʋ̃ nyɛ̃ ʋ bɩɩ? Ɩ̃ be n zie za, a salom zu nɩ a tẽw zu.» À à ŋá n'a a Sore yel.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ekilezɩasɩ 8:8

Nɩsaal za bɛ so a ʋ nyɔ-vʋʋrʋ na tʋ̃ɔ́ nyɔw ʋ tɛr ɛ. Nɩsaal za bɛ so a ʋ kũu bibir ɛ. Zɛbr wa be be a, ɩb bɛ ka be fʋ na ɩ cɩ̃ɛ ɩ. A faalʋ kʋ̃ tʋ̃ɔ́ faa a ɩ-fa-maalɛ ɩ.

Sɛb-sõw yielu 64:5

kɛ́ bɛ sɔwlɩ tɛ n a nɩ-mɩŋa: bɛ mɩ́ ùr'a tɛ ʋ, ɛ́ bɛ zɔrɛ bom za ɩ.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Sɛb-sõw yielu 10:11

Ʋ mɩ́ tɩɛr'ɩ ʋ pʋɔ: «Naaŋmɩn yiir'a, ʋ pàw nɩ a ʋ niwn, ʋ bɛ mɩ́ nyɛ̃ bom towtow ɛ.»

Ɩzayi 47:8

Ƴɛrɛŋa a, bɛr wõ yel ŋa, fʋ̃ʋ na nɔnɛ a ƴã-gan nʋ̃ɔ̀ a, fʋ̃ʋ na zɩ̃ zaa zoom ɛ́ tɩɛrɛ à ŋá a: «A mãa a, ɩ̃ bɛ tɛr ɩ̃ tɔ ɩ! Ɩ̃ bɛ be za na ɩ pɔw-kʋɔr ɛ, ɩ̃ kʋ̃ bãw a ɩ̃ bibiir kũu ɛ».

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

Sofoni 2:15

À ŋá n'a a tẽw ŋa na ɩrɛ pɔ̀lʋ a, nãà ŋmɛ̃. A ʋ nɩbɛ tɩ tɩɛrɛ kɛ́ bom kʋ̃ ɩ bɛ ɩ, ɛ́ tɩ tɩɛrɛ à ŋá: «Nɩr bɛ ŋmɛ̃ taa nɩ tɩ ɛ!» Ɛcɛ ʋlɛ n'ɩ ŋan lore ʋ za, lɩɛbɩ dʋn gaa zie! Nɩr za na tɔlɛ pɩɛlɛ ʋ a, mɩ́ fuole na tɛr'ɩ ɩ-lab ɩ-ɩrɩ.