Ɩzayi 46:9 - A SƐB-SÕW

⁹ Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Ɩzayi 46:9 Referans Kwoze

Ɩzayi 42:9

A yel-dãw-niwn maal'a tɔl. Ƴɛrɛŋa a, yel-paalɛ n'a ɩ̃ de niwn yere. A bɛ ta sɛr ɛ, ɩ̃ɩ ɩrɛ kɛ́ nyɩ bãw a.

Sɛb-sõw yielu 111:4

Ʋ bɔbr'a kɛ́ bɛ mɩ́ tɛr a ʋ nɔ-ɓãa-yele tɩɛrʋ. A Sore ɩ n su-ɓaarʋ sob nɩ nɩbaal-zɔrɛ.

Ɩzayi 46:5

Ãa n'ʋ nyɩ na tʋ̃ɔ́ de ʋ ŋmɛ̃ taa nɩ mɛ̃? Ãa n'ʋ nyɩ na de tɩ ɩ been? Ãa n'ʋ nyɩ na tʋ̃ɔ́ de m man nɩ tɩ ɩ a ŋmɛ̃-ta-taabɛ?

Wulu-ayi-sob 32:7

Nyɩ lɛb tɩɛrɩ a koro za bibie, nyɩ lɛb bɩɛrɩ a yome na tɔl a, a nɩbɛ na dɔw dɔw lɩɛrɩ taa a. Nyɩ sowri a nyɩ sãà mɩnɛ, bɛ na manɩ nyɩ na, nyɩ sowri a dɛb-nyamɛ, bɛ na yel'ɩ bom nɛ na ɩ a kʋ̀ nyɩ.

Wulu-ayi-sob 33:26

A Moyiir tɩ cãà na lɛb yel: «Yesurun i, ŋmɩn kãw za bɛ ŋmɛ̃ taa nɩ a fʋ Naaŋmɩn ɛ! Ʋ tʋ̃ɔ̀nɛ nɩ nɩ fãw a salom zu, waar a fʋ sõwfʋ, ɛ́ zɔm a zũzuwe.

Ɩzayi 45:18

À ŋá n'a a Sore yere, ʋl na ír a salom a, ʋl na ɩ a Naaŋmɩn na maalɩ a tẽw a, na cɔbrɩ ʋ ɛ́ ɩ ʋ kpɛmɛ a. Ʋ bɛ ír ʋ ʋ ɩ vuo gã ɩ, ʋ maal'ʋ na kɛ́ bɛ kpɩɛr ʋ. A lɛ pʋɔ n'a ʋ yere à ŋá: «A Sore a, mãa n'ʋ, kãw bɛ lɛb ka be ɩ.

Ɩzayi 65:17

Bʋ̃ʋ n'ʋ vɛ̃, ɩ̃ na ír'ɩ salom-paala nɩ tẽsɔw-paala. Nɩr bɛ lɛb ƴɛ̀rɛ a koro za yele ƴɛ̀rʋ ɛ, bɛ kʋ̃ lɛb tɛr a tɩɛrʋ towtow ɛ.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Eziptɩ tẽw yib 8:10

Bɛ tɩ wob'a na ɓã ɓã taa a bɛ dɩ vuo ɩ, ɛ́ a tɩ nyu pàw a tẽw za.

Eziptɩ tẽw yib 9:14

Bʋ̃ʋ n'ʋ vɛ̃, ƴɛrɛŋa ʋl a, ɩ̃ na ƴãw fʋ nɩ dɔwrʋ bʋʋrɛ za, a fʋ̃ʋ nɩ a fʋ tõ-tõ-nɩ-bɛrɛ nɩ a fʋ nɩbɛ. A lɛ pʋɔ a, fʋ na bãw na kɛ́ nɩr bɛ ŋmɛ̃ taa nɩ mɛ̃ a tẽw zu ɛ.

Ɩzayi 41:26

Ãa n'ʋ yel a yel ŋa a pɛr-tib daar kɛ́ tɩ bãw ʋ? Ãa n'ʋ tɩ yel ʋ, ʋʋ bɛ ta sɛr, kɛ́ tɩ tʋ̃ɔ́ yel: «Yel-mɩŋa n'a!» Nɩr za bɛ tɩ yel ʋ ɛ, nɩr za bɛ tɩ háa nʋɔr a ʋ ƴãw ɛ, nɩr za bɛ tɩ wõ nyɩ ƴɛ̀r ɛ.

Ɩzayi 41:27

A mãa Sore n'ɩ a dãw-niwn sob na yel kʋ̀ a Zerizalɛm a. Bʋ̃ʋ n'ʋ vɛ̃, ɩ̃ tõ n yel-nʋ̃ɔ̀ yere a Sɩyɔ̃.

Zeremi 49:19

A Sore yere na: «Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ mɛ̃ a mãa a? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Zeremi 50:44

A Sore yere na: Ɩ̃ na ɩ na mɛ̃ gbẽw na yire Zurdɛ̃ man tuwr pʋɔ cere zie mɔ̃-ɓaar na be kʋralɛ a. Fɔ̃wlɛ, ɩ̃ na ƴãw na a nɩbɛ za ìr a be. Lɛ n'a ɩ̃ na ƴãw a nɩ-kpɛ̃ɛ ɩ̃ na na kaa ír a, a Edɔm tẽw pʋɔ. Bʋ̃ʋ n'ʋ vɛ̃, ãa n'ʋ ŋmɛ̃ a mãa? Ãa n'ʋ na tʋ̃ɔ́ sowri mɛ̃ bom? Ɛ́ nɩ-kpɛ̃ɛ buor'ʋ na tʋ̃ɔ́ bà gbɛ́r a ɩ̃ niŋé?»

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

A Zɔb sɛbɛ 10:13

Zɩ̃ kɛ́ bom ŋa n'ʋ fʋ tɩ sɔwlɛ a fʋ socir pʋɔ, ɩ̃ bãwnɩ a na à ŋá na n'a fʋ tɩ tɩɛrɛ a:

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 48:3

Koro za n'a ɩ̃ yel a yele na ɩ tɔl a. Ɩ̃ tɩ yel'a k'ɩ̃ɩ na ɩ a na, ɩ̃ tɩ ɩ na nyɩ bãwnɩ a. Ɩ̃ wa ùr'a tõ, ɛ́ a ta.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Zowɛl 2:27

Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»