Ɩzayi 46:7 - A SƐB-SÕW

⁷ Bɛlɛ nɛbɛ mɩ́ tuo ʋ a bɛ bawŋman zu ɛ́ nyɔw tɛr cen nɩ, tɩ ƴãw ʋ a ʋ beba zie. A ŋmɩn na àr'ɩ a be, ʋ be cere zie ɩ. Nɩr wa kõ bʋɔl'ʋ a, ʋ bɛ sɔwr ɛ. Ʋ bɛ faarɛ nɩr za a ʋ kpɩɛrʋ pʋɔ ɛ.

Ɩzayi 46:7 Referans Kwoze

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Zeremi 10:5

A tɩbɛ à ŋá ŋmɛ̃ na mɛ̃ ŋmaar bɛra na be kɔ̃kɔ̃bʋr púo pʋɔ a. A bɛ ƴɛ̀rɛ ɩ. A mɩ́ fɛr'a kɛ́ bɛ tuo a, a na kʋ̃ tʋ̃ɔ́ cen a ƴãw. Nyɩ ta zɔrɛ a ɩ: a kʋ̃ tʋ̃ɔ́ mal nɩr ɛ, ɛ́ mɩ̀ kʋ̃ tʋ̃ɔ́ maalɩ nɩr vla ɩ.»

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Zonasɩ 1:5

Dɛ̃bɩ̃ɛ tɩ nyɔw nɩ a gbor-duwrbɛ yaga za. Lɛ n'a ŋa za tɩ bʋɔlɛ a ʋ ŋmɩmɛ k'aa faa ʋ. Al pùorí, bɛ tɩ ír'ɩ a gbor tuor lɔb ƴãw a kʋ̃ɔmɩ́, k'aa gbor ta cãà tɩbrɛ ɩ. A Zonasɩ ʋl a, ʋ tɩ siw nɩ a gbor pɛrɩ́ tɩ gã gúr kʋʋrɛ.

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”

1 Na-mɩnɛ 18:40

A Eli tɩ yel bɛ na: «Nyɩ nyɔw a Báàl ƴɛ̀r-manbɛ! Nyɩ ta sàw a bɛ been kãw za wa cɩ̃ɛ ɩ!» A nɩbɛ tɩ nyɔw nɩ bɛ za. A Eli tɩ ƴãw na bɛ tɛr bɛ siw nɩ a Kison bà-fʋɔla nʋɔr, ʋ tɩ ƴãw bɛ ŋmaarɩ bɛ kɔkɛɛ bɛ za.

1 Na-mɩnɛ 18:26

Bɛ tɩ de nɩ a nadɛr a Eli na kʋ̀ bɛ a, cɔbrɩ, al pùorí bɛ puori a Báàl a biɓaara tɩ ta n a mʋ̃tɔ̃-tuo. Bɛ tɩ yere na: «Báàl i, sɔw tɩ!» Ɛ́ tɩ ƴawr viire kole a bàwr-maal-kuur bɛ na mɛ a. Ɛcɛ bɛ bɛ tɩ wõ sɔwfʋ kãw za ɩ.

1 Samɩɛl 5:3

A bio daarɩ́ biɓaar-pipi, a Asɩdɔdɩ tẽw dem tɩ ìr'a nyɛ̃ a Dagon ʋ lo gã a tẽw, a Sore wõ-taa daga niŋé. Bɛ tɩ ɓáw nɩ a Dagon lɛb bin a ʋ binu zie.

Ɩzayi 37:38

Bibir kãw ʋ na tɩ puore a ʋ ŋmɩn Nɩsɩrɔkɩ yir a, a ʋ bidɛbr ayi kãw, Adɩramelɛkɩ nɩ Saresɛɛr, tɩ kʋ ʋ na ɛ́ zɔ cen Araratɩ. A ʋ bidɛb ƴen sob, Asaradɔ̃, tɩ lɩɛr'ʋ na dɩ a naalʋ.

1 Korɛ̃tɩ 12:2

Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ.

Ɩzayi 40:20

Ʋlɩ sob na ɩ nã́w sob zuo a de-kʋ̀b bom ŋa tɔ tɩrʋ ƴãw a, kaa na ír dàa na bɛ pʋ̃ɔnɛ a. Al pùorí ʋ bɔ nuru tõ-tone na bãw vla na tʋ̃ɔ́ maalɩ tɩɩb ʋ kpɛmɛ àr a.

Ɩzayi 41:7

A nuru-tõ-tone yere nɩ a salm-zɩɛ nɩ a salm-pla tõ-tone k'ʋʋ ƴãw fãw. A sob nɛ na ŋmɩɛr a kure mawlɛ nɩ a 'hama a yere nɩ a sãa-kpɩɛrɛ k'ʋʋ ƴãw fãw. Ʋ yere nɩ à ŋá a tɔ̃wfʋ zie ƴãw: «Ʋ vɩɛl'a». Al pùorí bɛ kpa a tɩɩb nɩ pĩi-bie, ɩ k'ʋ àr.

Ɩzayi 41:28

Ɩ̃ jɩ́r'ɩ vla vla: ɩ̃ bɛ nyɛ̃ nɩr za ɩ. A nɩ-bʋʋr-yoru ŋmɩmɛ pʋɔ a, kãw za bɛ tɛr ƴɛ̀rʋ ɛ! Nɩr bɛ be be na wul yã ɩ, nɩr na na tʋ̃ɔ́ sɔw mɛ̃ a!

Ɩzayi 44:12

A sãa-kpɩɛrɛ kpaalɛ nɩ lɛr vũu-bi-cõcole zu. 'Hama n'ʋ ʋ pɔbr'ɩ ʋ nɩ a ʋ kpãkpã-kpɛ̃w maalɛ nɩ ʋ. Ɛcɛ kɔ̃ wa dɛ nyɔw a, ʋ bɛ mɩ́ cãà tɛr fãw ɛ. Ʋlɛ bɛ wa nyũ kʋ̃ɔ a, ʋlɛ mɩ́ n'ɩ ŋan bàl.

Ɩzayi 47:15

Fʋ bàl'ɩ fʋ tʋɔra sowri a nɩbɛ bɛ ŋa, a fʋ pɔ̀lʋ daarɩ́ za wa tɔ a dɩ̃a. Pãa nyɛ̃ a lɛ bɛ na ŋmɛ̃ a fʋ ƴãw a! Bɛ bɔrɛ na gʋɔr a ziir za, ɛ́ kãw za kʋ̃ tʋ̃ɔ́ faa fʋ ɛ.

1 Na-mɩnɛ 18:29

A mʋ̃tɔ̃w na wa gɔ̃w a, bɛ lɛb'a bãw bʋɔlɛ a Báàl ɩrɛ nɩ mɛ̃ kɔ̃tɔ̃-ìrbɛ a, tɩ ta n a zaanʋɔra bàwr tɛm. Ɛcɛ bɛ bɛ tɩ wõ sɔwfʋ kãw za ɩ: bɛ bɛ wõ ƴɛ̀r-bir, bɛ nyɛ̃ bãwfʋ ɛ.

Ɩzayi 41:29

A za bɛ ɩ bom za ɩ, bɛ ɩrɛ bom za ɩ. A dasuli bɩɩ? Sɛsɛb, zi-vuo!

Zeremi 11:12

A Zuda tẽ-bɛrɛ nɩbɛ nɩ a bɛlɩ dem na kpɩɛr a Zerizalɛm a zɛlɛ nɩ sõwfʋ a ŋmɩmɛ al bɛ na tɩ maalɩ bàwr kʋ̀ a zie. Ɛcɛ a ŋmɩmɛ á ŋá kʋ̃ tʋ̃ɔ́ faa bɛ a bɛ kpɩɛrʋ daar ɛ.