Ɩzayi 45:7 - A SƐB-SÕW

⁷ Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 45:7 Referans Kwoze

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Sɛb-sõw yielu 75:7

Bʋ̃ʋ n'ʋ vɛ̃, saa-pɛrɩ́ nɩ mʋ̃tɔ̃w-kpɛb-lowr nɩ wɛja-kpalɛ pʋɔ bɛ n'a a zɛwfʋ yire waar ɛ,

A Zɔb sɛbɛ 2:10

A Zɔb tɩ sɔw ʋ na yel: «Fʋ ƴɛ̀rɛ na mɛ̃ dãbol a! Tɩmɛ mɩ́ wa sàw de a nʋ̃ɔ̀ a Naaŋmɩn na kʋ̀rɛ tɩ a, bʋ̃ʋ n'ʋ so tɩ mɩ̀ kʋ̃ sàw de a tuo?» A yele á ŋá za pʋɔ a, a Zɔb bɛ tɩ sãw a Naaŋmɩn a ʋ nʋɔr ƴɛ̀rʋ pʋɔ ɩ.

Amɔsɩ 4:13

Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.

Ɩzayi 31:2

Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.

Zeremi 31:35

À ŋá n'a a Sore yere: Ãa n'ʋ mɩ́ ƴãw a mʋ̃tɔ̃w k'ʋʋ caalɛ a bibir? Ãa n'ʋ mɩ́ yel a cuw nɩ a ŋmar-bie k'aa caalɛ a tɩ̃ɩsɔw? Ãa n'ʋ mɩ́ dam a kʋ̃ɔ-kpɛ̃ɛ ƴãw a kʋ̃ɔ-mie ɩrɛ gɔmɛ? A Sore, a kpɛnʋ-za-sob'ʋ, a ʋ yúor'ɩ a lɛ.

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Nahum 1:8

a lɛn daar a kpɩɛrʋ na mɩ́ wa ta bɛ yaga za mɛ̃ kʋ̃ɔ na darɛ taa a. Ɛcɛ ʋ mɩ́ sãw nɩ a tẽw bɛr pẽlẽpẽlẽ, ɛ́ diw a ʋ dɔ̃ dem ƴãw a kũu lige pʋɔ.

Zeremi 51:20

A Sore yere na: «Babɩlɔn i, fʋ ɩ n dakpuli-ŋmãa a ɩ̃ zie, zɛbr bom. Fʋ̃ʋ n'ʋ ɩ̃ pɔb'ɩ ten tʋ̃ɔ́ pelẽpelẽ, ɛ́ sãw nɩ naalʋ-ten bɛr.

Nɩ-toni 4:28

À à ŋá bɛ na ɩ a, bɛ tu n a lɛ za fʋ na tɩ bɔbr ɛ́ cɔbrɩ a yele nɩ kpɛnʋ bin a.

Amɔsɩ 5:6

Nyɩ bɔbr a Sore ɛ́ nyɩ na vʋʋrɛ na. Zuzɛb yir nɩbɛ ɛ, nyɩ gù vla ʋ taa wule a ʋ fãw ɛ, alɛ bɛ ɩ lɛ, a na ɩ na mɛ̃ vũu na dɩrɛ a Betɛl tẽw pʋɔ bome ɛ́ nɩr za kʋ̃ tʋ̃ɔ́ a kpiiri bɛr a.

Ezekɩɛl 32:8

A fʋ̃ʋ zũú a, ɩ̃ na kpiir'ɩ a salom cãà za bɛr, ɛ́ ɩ a fʋ tẽw ʋ be lige pʋɔ. A mãa Sore Naaŋmɩn n'ʋ yere.

Sɛb-sõw yielu 29:11

A Sore na kʋ̀ n fãw a ʋ nɩbɛ, ʋ na kʋ̀ bɛ nɩ a ƴã-ɓaarʋ maalʋ.

Sɛb-sõw yielu 8:3

A bibiir nɩ a bibi-cãpʋrmɛ nɛ́ɛ n'a fʋ mɩ́ wul'ɩ a fʋ fãw a fʋ dɔ̃ dem. A ɩ na mɛ̃ dacĩ-kpɛ̃ɛ n'ʋ fʋ mɛ k'aa ta lɛb tɛr ɩb a fʋ dɔ̃ dem bɛl na bɛ wone za a zie a.

A Zɔb sɛbɛ 34:29

Ɛcɛ ʋlɛ saa ɩ gbili a, ãa n'ʋ na yel k'ʋʋ sãw na? Ʋlɛ wa sɔwlɛ a, ãa n'ʋ na tʋ̃ɔ́ cãà nyɛ̃ ʋ? Ɛcɛ ʋ gùre nɩ a ten nɩ a nɩbɛ,

Eziptɩ tẽw yib 14:20

Ʋ tɩ wa na wa be a Eziptɩ tẽw nɩbɛ nɩ a Ɩsɩrayɛl tẽw nɩbɛ cara pʋɔ. A zũzuwr ŋa tɩ ɩ n lige a lõbowr kãw, ɛ́ a lõbowr kãw caalɛ a tɩ̃ɩsɔw. À ŋá n'a a Ɩsɩrayɛl tẽw nɩbɛ nɩ a Eziptɩ tẽw nɩbɛ bɛ tɩ tʋ̃ɔ́ pɩɛlɩ taa a tɩ̃ɩsɔw za ɩ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:13

Bɛ ŋmɛ̃ na mɛ̃ kʋ̃ɔ-kpɛ̃ɛ kʋ̃ɔ-mie na damnɛ nɩ fãw a, a bɛ vĩ yele na ɩ mɛ̃ a kʋ̃ɔ-puuru a mɩ́ de bɛ nɩ niwn. Bɛ ŋmɛ̃ na mɛ̃ ŋmar-bie na mɩ́ wa yi tʋ̃ɔ̀ a salom a. Naaŋmɩn bãwnɩ bɛ nɩ zie na liw ʋ za a, kʋralɛ ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:6

A malkɩ mɩnɛ na bɛ tɩ sàw tɛr a fãw ʋl tɛwr a Sore na kʋ̀ bɛ a, ɛ́ tɩ zawrɩ a bɛ kpɛb zie bɛr a, a Naaŋmɩn nyɔw bɛ na ƴãw bamɛ kʋralɛ lɔb ƴãw lige pʋɔ, gùre nɩ a ƴɛ̀rʋ-maalʋ bibi-kpɛ̃ɛ nãà wa vɩɛ a.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

2 Na-mɩnɛ 19:25

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá, koro kãw za, daar na bɛ gbʋ́r a n'a ɩ̃ tɩɛrɩ a bin, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ, kɛ́ fʋ wa ɩ a tẽ-bɛrɛ, bɛ na cɔbrɩ a kpɛmɛ a zɛbr ƴãw a, a lɩɛbɩ deboru.

Sɛb-sõw yielu 105:28

A Naaŋmɩn tɩ ɩ na lige wa, a zie liw ʋ za, ɛ́ nɩr za bɛ tɩ ŋmɛ n ʋ nɔkpɛn ɛ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 47:11

Baw-bio fʋ na kʋ̃ bãw ɩ ʋ ta páw fʋ a na páw fʋ na. Yel-faa fʋ na kʋ̃ tʋ̃ɔ́ nɩɩrɩ bɛr a na lo n a fʋ zu. Zie na sãw ʋ za fʋ na bɛ bãwnɩ a na ùr'a ta b.

Zeremi 10:16

Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

A Lãw-mʋɔlɛ 3:38

A Naaŋmɩn-na-do-saa-bɛ-pɩɛl-a nʋɔrɩ́ bɛ n'a a faa nɩ a nʋ̃ɔ̀ mɩ́ yi e?

A Zɔb sɛbɛ 10:13

Zɩ̃ kɛ́ bom ŋa n'ʋ fʋ tɩ sɔwlɛ a fʋ socir pʋɔ, ɩ̃ bãwnɩ a na à ŋá na n'a fʋ tɩ tɩɛrɛ a:

Sɛb-sõw yielu 74:16

Fʋ̃ʋ só a mʋ̃tɔ̃w, ɛ́ mɩ̀ só a tɩ̃ɩsɔw, fʋ̃ʋ na ír a cuw nɩ a mʋ̃tɔ̃w a.

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.