Ɩzayi 45:6 - A SƐB-SÕW

⁶ À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.

Ɩzayi 45:6 Referans Kwoze

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Ɩzayi 45:5

Mãa n'ɩ a Sore, kãw bɛ lɛb ka be ɩ. Mãa bɛ wa n'ʋ a, Naaŋmɩn bɛ ka be ɩ. Fʋ bɛ bãw mɛ̃ ɩ, ɛcɛ ɩ̃ kʋ̀rɛ fʋ a tome.

Ɩzayi 37:20

Ɛcɛ fʋ̃ʋ a, Sore tɩ Naaŋmɩn i, faa tɩ a Senakerib nuru pʋɔ. Lɛ n'a a naalʋ-ten za pʋɔ bɛ na bãw kɛ́ fʋ̃ʋ yõ n'ʋ ɩ Naaŋmɩn.»

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Ezekɩɛl 38:23

À ŋá n'a ɩ̃ na wul a nɩ-bʋʋrɛ za k'ɩ̃ɩ sɩrɩ na ɩ Naaŋmɩn, ɛ́ bɛ na bãw na kɛ́ mãa n'ɩ a Sore.»

Sɛb-sõw yielu 83:18

A bɛ yúor, ʋ sãw, dɛ̃bɩ̃ɛ, a ɩrɛ bɛ kʋralɛ! Vĩ, a nyɔw bɛ bɛ kpi!

Ezekɩɛl 39:21

Ɩ̃ na wul'ɩ a ɩ̃ yúor-vɩɛlʋ-danʋ a nɩ-bʋʋr-yoru. Bɛ za na nyɛ̃ nɩ a lɛ ɩ̃ na mɩ́ de a ɩ̃ fãw ɩ n a ɩ̃ ƴɛ̀rʋ-dɩb tu a.

Ɩzayi 11:9

Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 47:8

Ƴɛrɛŋa a, bɛr wõ yel ŋa, fʋ̃ʋ na nɔnɛ a ƴã-gan nʋ̃ɔ̀ a, fʋ̃ʋ na zɩ̃ zaa zoom ɛ́ tɩɛrɛ à ŋá a: «A mãa a, ɩ̃ bɛ tɛr ɩ̃ tɔ ɩ! Ɩ̃ bɛ be za na ɩ pɔw-kʋɔr ɛ, ɩ̃ kʋ̃ bãw a ɩ̃ bibiir kũu ɛ».

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Zowɛl 2:27

Lɛ n'a nyɩ na bãw k'ɩ̃ɩ be n a nyɩ sɔgɔ, Ɩsɩrayɛl nɩbɛ ɛ, k'aa Sore nyɩ Naaŋmɩn a, mãa n'ʋ, kãw za bɛ lɛb be be ƴãw pʋɔ ɩ. A ɩ̃ nɩbɛ bɛ be za na lɛb nyɛ̃ vĩ towtow ɛ.»

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.