Ɩzayi 45:4 - A SƐB-SÕW

⁴ A ɩ̃ tõ-tõ-bie Zakɔb ƴãw n'a, ʋ̃ʋ, a Ɩsɩrayɛl ɩ̃ na kaa ír a ƴãw n'a ɩ̃ yel a fʋ yúor bʋɔlɩ fʋ. Ɩ̃ ƴãwnɛ fʋ na, ɛ́ fʋ bɛ bãw mɛ̃ ɩ.

Ɩzayi 45:4 Referans Kwoze

Ʋrɔm 11:7

Ŋmɩŋmɩn za n'a? A Ɩsɩrayɛl nɩbɛ bɛ páw a ʋlɩ bom nɛ bɛ na tɩ bɔbr a ɩ. Ɛcɛ a bɛlɩ dem a Naaŋmɩn na kaa ír a, bɛl páw ʋ na. A ŋmaarɛ bɛl a, bɛ kpawl'ɩ bɛ za,

Nɩ-toni 17:23

Ɩ̃ na cɔlɛ a nyɩ sɛ́ɛ pʋɔ ɛ́ jɩ́rɛ a nyɩ ŋmɩmɛ maalʋ-ziir a, ɩ̃ wa tɩ nyɛ̃ nɩ bàwr-maal-kuur bɛ sɛb a ʋ zu: “Ŋmɩn tɩ na bɛ bãw a so ʋ.” A bom ʋl nyɩ na ƴãwnɛ à à ŋá ɛ́ bɛ bãw a, ʋlɛ n'ʋ ɩ̃ waar k'ɩ̃ɩ wa yel kʋ̀ nyɩ.

Ɩzayi 44:1

Ɛcɛ ƴɛrɛŋa a, bɛrɛ wone, ɩ̃ tõ-tõ-bie Zakɔb i, fʋ̃ʋ Ɩsɩrayɛl ɩ̃ na kaa ír a.

Ʋrɔm 9:6

Ɛcɛ, a bɛ wul k'aa lɛ a Naaŋmɩn na yel a bɛ cãà pʋɔ ɩ. Bʋ̃ʋ n'ʋ vɛ̃, a Ɩsɩrayɛl bʋʋrɛ za bɛ nɛbɛ ɩ a Ɩsɩrayɛl nɩbɛ yel-mɩŋa ɩ.

Markɩ 13:20

A Sore bɛ tɩ ŋmãa a bibie á ŋá bɛr a, nɩr za kʋ̃ʋ nyɛ̃ a faafʋ ɛ. Ɛcɛ ʋ ŋmãa a na bɛr, a ʋ nɩ-kaa-íri ʋ na kaa ír a ƴãw.

Matie 24:22

A Naaŋmɩn bɛ tɩ ŋmãa a bibie a mɩnɛ bɛr a, nɩr kʋ̃ʋ tɩ cɛ ɩ. Ɛcɛ ʋ ŋmãa nɩ a bibie a mɩnɛ bɛr a ʋ nɩ-kaa-íri zũú.

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Ɩzayi 43:14

À ŋá n'a a Sore yere, ʋl na ɩ a nyɩ ya-diere a, a Ɩsɩrayɛl Naaŋmɩn na ɩ sõw a: «A nyɩɩm ƴãw a, ɩ̃ tone nɩ nɩr a Babɩlɔn. Ɩ̃ na ír'ɩ a dàar na jɩ̀r a pamɛ a bɛr. Lɛ n'a a nʋ̃ɔ̀ cɛlsɩ na lɩɛbɩ kon a Babɩlɔn tẽw dem zie.

1 Tesalonikɩ 4:5

ɛ́ ta sàw a tɩɛr-faar so ʋ mɛ̃ a nɩ-bʋʋr-yoru na bɛ bãw a Naaŋmɩn a ɩ.

Efɛɛzɩ 2:12

Nyɩ lɛb tɩɛrɩ bãwnɩ a k'aa lɛn daar nyɩ bɛ tɩ bãw a Kɩrɩta ɩ, bɛ bɛ tɩ sɔ́r nyɩ ƴãw a Ɩsɩrayɛl bʋʋrɛ pʋɔ ɩ, nyɩ tɩ ɩ n sãanbɛ a Wõ-taa ƴãw a Naaŋmɩn na ƴãw nʋɔr maal'ɩ a ʋ nɩ-bʋʋrɛ a, nyɩ bɛ tɩ ƴãw a nyɩ tɩɛrʋ bom kãw za ƴãw ɛ, ɛ́ bɛ tɛr Naaŋmɩn a tẽw zu ɛ.

Sɛb-sõw yielu 136:22

ʋ de ʋ na kʋ̀ a ʋ tõ-tõ-bie Ɩsɩrayɛl, ʋ so ʋ, a ʋ nɔ̃wfʋ na be kʋralɛ a ƴãw.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.