Ɩzayi 45:3 - A SƐB-SÕW

³ Ɩ̃ na kʋ̀ b'ɩ a libie na bin a lige pʋɔ a, nɩ a na-bome na sɔwlɩ a. Lɛ n'a fʋ na bãw kɛ́ mãa n'ɩ a Sore, a sob nɛ na yel a fʋ yúor bʋɔlɩ fʋ a, a mãa, a Ɩsɩrayɛl Naaŋmɩn.

Ɩzayi 45:3 Referans Kwoze

Ɩzayi 48:15

Mãa n'ʋ, mãa yõ n'ʋ ƴɛ̀r. Mɔ̃ mɩ̀, ɩ̃ bʋɔl'ɩ a nɩr ŋa, ɩ̃ ƴãw na ʋ wa, ɛ́ a ʋ ton na tõ n vla.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɛsɩdɩrasɩ 1:2

«À ŋá n'a a Pɛrsɩ tẽw nãà, Siirisɩ, yere: A Sore, a salom Naaŋmɩn kʋ̀ m'ɩ a tẽ-daa naalʋ-ten za. Ʋ yel mɛ̃ na k'ɩ̃ɩ lɛb mɛ Ŋmɩn-yir-kpɛ̃ɛ kʋ̀ ʋ a Zerizalɛm, a Zuda tẽw pʋɔ.

Eziptɩ tẽw yib 33:12

A Moyiir tɩ yel'ɩ a Sore: «Nyɛ̃, Sore e! Fʋ̃ʋ n'ʋ yel mɛ̃ k'ɩ̃ɩ tɛr a nɩbɛ bɛ ŋa, ɛcɛ fʋ bɛ ɩ ɩ̃ bãw a sob nɛ fʋ na na tõ ʋ wa sõwne mɛ̃ a ɩ. Ɛcɛ fʋ̃ʋ n'ʋ yel mɛ̃: “Ɩ̃ bãw fʋ na pɩɩrɩ” nɩ kɛ́: “Ɩ̃ pʋɔ pɛlɩ nɩ a fʋ ƴãw.”

Eziptɩ tẽw yib 33:17

A Sore tɩ sɔw nɩ a Moyiir: «Ɩ̃ na ɩ n a lɛ fʋ na yel a ƴɛrɛŋa a, bʋ̃ʋ n'ʋ vɛ̃, ɩ̃ pʋɔ pɛlɩ nɩ a fʋ ƴãw, ɩ̃ɩ bãw fʋ pɩɩrɩ.»

Zeremi 50:37

Zɛbr, a lo a bɛ wie nɩ a bɛ zɛbr-torkori zu, a lo a nɩbɛ na jɛr-taa ɛ́ zɛbr a ʋ ƴãw a zu! Bɛ lɩɛbɩ pɔwbɛ na bɛ tɛr fãw a! Zɛbr, a lo a bɛ na-bome zu, bɛ zá a.

Zeremi 51:53

A Babɩlɔn saa tɩ tʋ̃ɔ́ do a salom zu, ɛ́ tɩ ɩ a saa-zu be a ʋ kpɛb zie bɛ tɛr tab a, a ɩ̃ ƴɛ̀rʋ zũú a, a zi-sãwnbɛ na ta ʋ na.» À à ŋá n'a a Sore yel.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Zeremi 41:8

Nɩbɛ pie a bɛ pʋɔ tɩ yel'ɩ a Yisɩmayɛl: «Ta kʋ tɩ ɛ, bʋ̃ʋ n'ʋ vɛ̃, tɩ tɛr'ɩ bome tɩ na sɔwlɩ bɛr a póru pʋɔ a: ble, ɔɔzʋ, kãá nɩ sɩwr.» Lɛ n'a a Yisɩmayɛl tɩ bɛr bɛ, bɛ tʋ̃ɔ́ kʋ bɛ lãwnɩ a bɛ taabɛ ɩ.

Ɩzayi 41:23

Ãà, nyɩ yel a ʋlɩ bom nɛ na na ɩ a kʋ̀ tɩ. Lɛ n'a tɩ na bãw kɛ́ nyɩ ɩ n ŋmɩmɛ. Nyɩ nɩ̃ɛ maalɩ a vla bɩɩ a faa, ʋʋ ɩ pʋrɩ, kɛ̀ tɩ tʋ̃ɔ́ yuo a mimie, ɛ́ tɩ za lãw nyɛ̃ ʋ.

Zeremi 50:26

Nyɩ yi ziir za wa a tẽ-kpɛ̃ɛ ŋa pʋɔ! Nyɩ yuori a ʋ boge, nyɩ wob a ʋ na-bome ɓã ɓã taa, ɛ́ sãw ʋ bɛr! Bom za taa cɩ́ɛr ɛ.

Zeremi 51:13

Babɩlɔn i, fʋ̃ʋ na kpɩɛr a man-kpɛ̃ɛ nʋɔr a, fʋ̃ʋ na tɛr na-bome bɛ dɩ vuo a, a fʋ baarʋ ta na, fʋ zu n a fʋ taabɛ a sɛw.

2 Bibie za yel-manɩ 6:17

Ƴɛrɛŋa a, Ɩsɩrayɛl Naaŋmɩn i, ɩ̃ zɛlɛ fʋ na, maalɩ a lɛ fʋ na yel a fʋ tõ-tõ-bie, a ɩ̃ sãà Daviir zie a!