Ɩzayi 45:13 - A SƐB-SÕW

¹³ Mãa n'ʋ ɩ a nɩr ŋa yi lo a sɔ́r, mɛ̃ a lɛ a mɩnʋ na tu a, ɩ̃ɩ na ɩ n a ʋ sɛ́ɛ za a man taa. Ʋlɛ n'ʋ na lɛb mɛ a ɩ̃ tẽ-kpɛ̃ɛ, a Zerizalɛm. Ʋ na bɛr'ɩ a ɩ̃ nɩbɛ bɛ na diw cen nɩ a, bɛ lɛb wa, ɛ́ bɛ bɛ yarɛ bom, bɛ tɩrɛ bom ɛ. A Sore, a kpɛnʋ-za-sob'ʋ yel.»

Ɩzayi 45:13 Referans Kwoze

Ɩzayi 41:2

Nɩr yi na lo a sɔ́r a saa-pɛrɩ́. Ʋ zɛbr'a tʋ̃ɔ́nɛ zie za ʋ na tɔlɛ a. Ãa n'ʋ ƴãw ʋ yi lo a sɔ́r? Ãa n'ʋ ƴãwnɛ a nɩ-bʋʋrɛ a ʋ nuru pʋɔ? Ãa n'ʋ ɩrɛ k'ʋ sore a na-mɩnɛ? A ʋ zɛbr-sɔ-kpɛ̃ɛ mɩ́ ɩ na bɛ lɩɛbɩ tã-buulu, a ʋ pime mɩ́ diw bɛ na yaarɩ mɛ̃ sɛsɛb na ɓáw sàwr cen nɩ a.

Ɩzayi 49:25

Ʋ̃ʋ, à ŋá n'a a Sore yere: «Ɩ̃ na lɛb'a de a bom a gãdaa na zɛb de a, ɩ̃ na faa nɩ a gaso nɩr a na-po-tuo sob nuru pʋɔ! Zerizalɛm i, mãa mɩŋa n'ʋ na zɛb'ɩ a bɛlɩ dem na zɛbr'ɩ fʋ a, mãa mɩŋa n'ʋ na faa a fʋ bibiir.

Ɩzayi 41:25

A saa-pɛrɩ́-gʋba-lowr a, ɩ̃ ƴãw na nɩr yi, ɛ́ ʋlɛ n'ɩ ŋan waar. A be a mʋ̃tɔ̃w na mɩ́ pur a, ʋ wõ na bɛ bʋɔlɩ a ʋ yúor. Ʋ nɛbr'ɩ a na-kpɛ̃ɛ-lɩɛrbɛ mɛ̃ mɛ̃mɛrɛ bɛ na mɩ́ nɛbr a, bɩɩ mɛ̃ yawr-mɩɛrɛ na nɛbr a yawra nɩ a ʋ gbɛ́ɛ a.

Ɩzayi 13:17

A Sore yere na: «Ɩ̃ na ƴãw na Mɛdɩ mɩnɛ wa a bɛ ƴãw, nɩbɛ a salm-pla na bɛ ɩrɛ bɛ bom a, ɛ́ bɛ tobr bɛ ka a salm-zɩɛ ƴãw a.

Ɩzayi 46:11

A saa-pɛrɩ́ zi-zãána n'a ɩ̃ bʋɔlɛ nɩr na kpɛmɛ mɛ̃ sɩla a. Ʋlɛ n'ʋ na maalɩ a lɛ ɩ̃ na tɩɛrɩ a yele bin a. A lɛ ɩ̃ na yel a, ɩ̃ na ɩ na. A lɛ ɩ̃ na tɩɛrɩ a yele bin a, ɩ̃ na maal'a.

Ɩzayi 44:28

Ɩ̃ yere nɩ à ŋá a Siirisɩ ƴãw: “A cɩ̃ɩnɛ ɩ̃ na kaa ír a n'ʋ. Ʋ na ɩ n a lɛ za ɩ̃ na bɔbr a tu. ʋ na tɩr'ɩ nʋɔr ɛ́ a Zerizalɛm lɛb mɛ, ɛ́ a Ŋmɩn-yir-kpɛ̃ɛ lɛb mɛ àr.”»

Ɩzayi 42:6

«A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà.

Sɛb-sõw yielu 65:5

Zu-nʋ̃ɔ̀ dem'ɩ a bɛl fʋ na kaa ír, ɛ́ ɩ kɛ̀ bɛ taw pɩɛlɩ a, bɛ na kpɩɛr'ɩ a fʋ davʋrɩ pʋɔ. Tɩ na dɩ n a fʋ yir bome tɩw, a bʋ̃-son na be a fʋ yir pʋɔ a.

Ɛsɩdɩrasɩ 1:3

A nyɩ pʋɔ a, a bɛlɩ dem za na pʋɔ a ʋ nɩ-bʋʋrɛ pʋɔ a, bɛ lɛb cen a Zerizalɛm, a Zuda tẽw, tɩ lɛb mɛ a Sore, a Ɩsɩrayɛl Naaŋmɩn na be a Zerizalɛm a, Ŋmɩn-yir-kpɛ̃ɛ. Ɛ́ a bɛ Naaŋmɩn be a bɛ zie!

Ɩzayi 52:5

Ƴɛrɛŋa a, bʋ̃ʋ n'ʋ ɩ̃ nyɛrɛ a pʋɔ? A Sore n'ʋ yere. Bɛ tɛr'ɩ a ɩ̃ nɩbɛ cen nɩ zawla, bɛ ɩ zɛbr nɩ-nyɔwrɩ. A bɛlɩ dem na tʋ̃ɔ́ bɛ a ŋmɩɛr'ɩ zɛb-tʋ̃ɔ́fʋ cɛlsɩ, ɛ́ tʋʋr a ɩ̃ yúor kʋralɛ.

Zʋkpaɩ 3:6

Bãw ʋ a fʋ yele za fʋ na maalɛ a pʋɔ, ʋʋ na wule fʋ nɩ a cenu.

Ɩzayi 14:17

Ʋlɛ sɩrɩ n'ʋ mɩ́ tɩ ɩ a tẽ-daa ʋ lɩɛbɩ wɛja-kpalɛ, mɩ́ tɩ sãw a tẽ-bɛrɛ bɛr, ɛ́ bɛ sàw na lɛb bɛr a zɛbr nɩ-nyɔwrɩ ɛ?»

Ɩzayi 45:2

Mãa mɩŋa na de fʋ nɩ niwn, k'ɩ̃ɩ ɩrɛ a gbĩgbine a lɩɛbɛ tẽsɔw na man taa a, k'ɩ̃ɩ kárɛ a kur-zɩɛ pamɛ bɛrɛ, nɩ a kure bɛ na jɩ̀r'ɩ a pamɛ a.

Mise 4:10

A 'wɔbrʋ, a 'wɔbr nyɩ, nyɩ ŋmɩɩlɛ, nyɩ ŋmɩɛr cɛlsɩ mɛ̃ pɔw na dɔwr a! A na fɛr'a nyɩ yi kɛ́ bɛr a tẽw, tɩ kpɩɛr wɛ̀rʋ pʋɔ, nyɩ cen tɩ sãá Babɩlɔn. Be n'a nyɩ na tɩ nyɛ̃ a faafʋ, be n'a a Sore na tɩ ya de nyɩ a nyɩ dɔ̃ dem nuru pʋɔ.