Ɩzayi 45:11 - A SƐB-SÕW

¹¹ À ŋá n'a a Sore yere, ʋl na cɔbrɩ a ʋ nɩ-bʋʋrɛ Ɩsɩrayɛl, ɛ́ ɩ a ʋ Naaŋmɩn na ɩ sõw a: «Nyɩmɛ nɛbɛ na tɛr sowru a ɩ̃ zie a ɩ̃ bibiir nɩdaar yele ƴãw, ɛ́ yere a lɛ a na fɛr k'ɩ̃ɩ ɩ a kʋ̀rɛ mɛ̃ bɩɩ?

Ɩzayi 45:11 Referans Kwoze

Ɩzayi 48:17

À ŋá n'a a Sore na yarɛ dier fʋ a, a Ɩsɩrayɛl Naaŋmɩn na ɩ sõw a ƴɛ̀rɛ: «Mãa n'ɩ a Sore fʋ Naaŋmɩn. Mãa n'ʋ wule fʋ a ʋlɩ bom nɛ na na tʋ̃ɔ́ wɩ̀ɛ fʋ a. Mãa n'ʋ tɛr fʋ cere nɩ a sɔ́r fʋ na lo a zu.

Markɩ 11:24

Alɛ so ɩ̃ yere kʋ̀rɛ nyɩ: bom nɛ za nyɩ na mɩ́ zɛlɛ a puoru pʋɔ a, nyɩ sàw kɛ́ nyɩ páw ʋ na, ɛ́ nyɩ na páw ʋ na.

Ezekɩɛl 36:37

À ŋá n'a a mãa Sore Naaŋmɩn yere: Ɩ̃ na lɛb'a bɛr a Ɩsɩrayɛl nɩbɛ bɛ bʋɔlɛ mɛ̃ k'ɩ̃ɩ wa sõw bɛ, ɩ̃ɩ na sɔw bɛ na, ɩ bɛ yãwmɛ mɛ̃ zaw dʋn a.

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

Ɩzayi 29:23

Bʋ̃ʋ n'ʋ vɛ̃, bɛlɛ nɩ a bɛ bibiir na nyɛ̃ nɩ a ʋlɩ bom nɛ ɩ̃ na na ɩ a bɛ sɔgɔ a. Lɛ n'a bɛ na nyɛ̃ bãw sob nɛ na nɛ m a, mãa, a Zakɔb Naaŋmɩn na ɩ sõw a, bɛ na zɔrɛ nɩ a ɩ̃ pʋɔ sãwfʋ, mãa, a Ɩsɩrayɛl Naaŋmɩn.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Ɩzayi 43:21

A nɩ-bʋʋrɛ bɛ ŋa ɩ̃ na cɔbrɩ a ɩ̃ ƴãw a na yiele nɩ a ɩ̃ danʋ.»

Zozue 10:12

A ʋlɩ bibir nɛ a Sore na tɩ ƴãw a Amoritɩ mɩnɛ a Ɩsɩrayɛl nɩbɛ nuru pʋɔ a, a Zozue tɩ ƴɛ̀r'ɩ a Sore zie à ŋá, a Ɩsɩrayɛl nɩbɛ za niŋé: «Mʋ̃tɔ̃w i, tɛw àr a Gabaɔ̃ zu, cuw u, àr ɓil a Ayalon bà-fʋɔla zu!»

A naaŋmɩn-ƴèr-manɛ Oze sɛbɛ 12:4

Ʋ tɩ cãà nɩ a ʋ mã púorí, ɛ́ de a nɩ-kpɛ̃ɛnʋ a ʋ yɛb zie. Ɛ́ ʋ na wa ta nɩr a, ʋ tɩ mɔ̃ nɩ nɩ a Naaŋmɩn.

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Ɩzayi 64:8

Sore e, ta nyɛ̃ suur tɩ gãw ɛ, ta tɩ́ɛrɛ a tɩ sãwna kʋralɛ ɩ. Sàw jɩ́r nyɛ̃, tɩ za ɩ n a fʋ nɩbɛ.

Ɩzayi 43:15

Mãa n'ɩ a Sore, a nyɩ Naaŋmɩn na ɩ sõw a, a Ɩsɩrayɛl Íre, a nyɩ Nãà.»

Ɩzayi 43:7

Nyɩ lɛb tɛr a bɛlɩ dem na dɩ a ɩ̃ yúor a wa n, bɛlɩ dem za ɩ̃ na ír, ɩ̃ na mɛ, ɩ na maalɩ kɛ́ bɛ wa ɩrɛ ɩ̃ nyɛrɛ yúor-vɩɛlʋ-danʋ a.»

Ɩzayi 43:3

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Yele-za-pɛr-tib 32:26

A sob nɛ na tɩ nyɛ̃ ʋ kʋ̃ tʋ̃ɔ́ a Zakɔb a bɛ mɔb pʋɔ a, ʋ tɩ ŋmɛ ʋ nɩ a kpɩɩlʋ ƴãw, a kpɩɩlʋ háa.

2 Korɛ̃tɩ 6:18

Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

Ezekɩɛl 39:7

Ɩ̃ na ɩ na a ɩ̃ nɩ-bʋʋrɛ Ɩsɩrayɛl bãw kɛ́ mãa sɩrɩ n'ɩ a Naaŋmɩn. Ɩ̃ kʋ̃ lɛb bɛr bɛ bɛ ɩ m la ɩ, ɛ́ a nɩ-bʋʋr-yoru na bãw na kɛ́ mãa n'ɩ a Sore, a Ɩsɩrayɛl Naaŋmɩn-sɩza.

Zeremi 3:19

Ɩ̃ tɩ tɩɛr'ɩ ɩ̃ pʋɔ à ŋá: «Ɩ̃ tɩ bɔbr'a k'ɩ̃ɩ nãà sɔr fʋ ƴãw a ɩ̃ bidɛbr pʋɔ, ɛ́ kʋ̀ b tẽw na vɩɛl vɩɛl a, a tẽ-daa zi-vla za zie!» Ɩ̃ tɩ tɩɛr'ɩ ɩ̃ pʋɔ: Fʋ na bʋɔlɛ mɛ̃ na: “Ɩ̃ sãà”, ɛ́ fʋ kʋ̃ lɛb gùr pùor cɔw mɛ̃ ɩ.

Ɩzayi 19:25

A Sore, a kpɛnʋ-za-sob, na maal'ɩ a tẽ-daa yel à ŋá: «Ɩ̃ maalɛ nɩ a Eziptɩ tẽw dem, a ɩ̃ nɩ-bʋʋrɛ, a Asiiri tẽw dem, a ɩ̃ nuru bʋ̃-maalɩ, nɩ a Ɩsɩrayɛl nɩbɛ, a mãa mɩŋa bom.»

Zeremi 31:1

A Sore yere na: «A daar ʋl ɩ̃ na na ɩ a Ɩsɩrayɛl yie za Naaŋmɩn, ɛ́ a ɩ a ɩ̃ nɩ-bʋʋrɛ a na ta na.»

Ƴɛ̀r-dɩrbɛ 16:23

Bibir kãw, a Filisɩtɛ̃ mɩnɛ nɩ-bɛrɛ tɩ ɓã n taa kɛ́ bɛ maalɩ bàwr kʋ̀ a bɛ ŋmɩn Dagon, ɛ́ maalɩ cuw, bɛ na zɛb tʋ̃ɔ́ a ƴãw. Bɛ tɩ yiele na: «A tɩ ŋmɩn ƴãw nɩ a Samsɔ̃, a Filisɩtɛ̃ mɩnɛ dɔ̃ sob, a tɩ nuru pʋɔ.»

Ɩzayi 8:19

Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

Ɩzayi 44:2

À ŋá n'a ɩ̃ yere, a mãa Sore na maalɩ fʋ a, na cɔbrɩ fʋ ɛ́ fʋ bɛ dɔw sɛr ɩ̃ɩ waar a fʋ sõwfʋ a: Ta zɔrɛ dɛ̃bɩ̃ɛ ɩ, ɩ̃ tõ-tõ-bie Zakɔb i, fʋ̃ʋ Yesurun ɩ̃ na kaa ír a.

Ɩzayi 45:10

Baw-bio n'a, a nɩr fʋ na nyɛ̃ ʋ sʋ̃ɔmɩ yere sãà kãw zie: «Bi-bʋ̃ʋ n'ɩ à ŋà fʋ na dɔw a?» Ɛ́ yere mã kãw zie: «Bʋ̃ʋ n'ʋ fʋ dɔw?»

Ɩzayi 54:5

Bʋ̃ʋ n'ʋ vɛ̃, a sob nɛ na ír fʋ a n'ʋ na ɩ a fʋ sɩr, a sob nɛ a yúor na dɩ k'aa Sore, a kpɛnʋ-za-sob a. A sob nɛ na yarɛ dier fʋ a, a Ɩsɩrayɛl Naaŋmɩn na ɩ sõw a n'ʋ, a sob nɛ bɛ na bʋɔlɛ a “tẽ-daa Sore” a.

Ɩzayi 43:1

Ƴɛrɛŋa a, à ŋá n'a a Sore na ír fʋ a, Zakɔb i, ʋl na mɛ b'a, Ɩsɩrayɛl i, à ŋá n'a ʋ ƴɛ̀rɛ: «Ta zɔrɛ dɛ̃bɩ̃ɛ ɩ, ɩ̃ ya na de fʋ, a fʋ yúor'ʋ ɩ̃ bʋɔlɩ, mãa so fʋ.

Ɩzayi 63:16

Ɛcɛ fʋ̃ʋ n'ɩ a tɩ sãà, a tɩ sãàkʋm-kʋra Abraham bɛ bãw tɩ yele ɩ, a Zakɔb bɛ bãw tɩ ɛ. Ɛcɛ fʋ̃ʋ a, Sore e, fʋ ɩ n a tɩ sãà, a “tɩ ya-diere”, a fʋ yúor'ɩ à ŋà a koro kãw za.